ମାଲକାନଗିରି ୨/୧୨ ପୋଷ୍ଟ ଅଫିସ ଭିତରେ ପୋଷ୍ଟ ମାଷ୍ଟର ମଦ୍ୟପାନ କରି ଗ୍ରାହକ ମାନଙ୍କୁ ଖରାପ ବ୍ୟବହାର ଦେଖାଉଥିବାର ଅଭିଯୋଗ ଆସିଛି। ଏହା ଦ୍ୱାରା  ଗ୍ରାହକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଏସମ୍ପର୍କରେ ଗଣମାଧ୍ୟମ ପ୍ରତିନିଧି ତାଙ୍କୁ ପଚାରିବାରୁ ପୋଷ୍ଟମାଷ୍ଟର ଜଣକ ଯୁକ୍ତି ବାଢିଛନ୍ତି, କହିଛନ୍ତି କି ହଁ ମୁଁ ମଦ ପିଇଛି । ମୋତେ ଫାଶୀ କରିଦେବ ନା କ’ଣ । ଏପରି ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ସଦର ମହକୁମାର ଡି.ଏନ.କେ କଲୋନି ପୋଷ୍ଟ ଅଫିସରେ। ଗ୍ରାହକ ମାନଙ୍କ ଅଭିଯୋଗ ହୋଇଛି ପ୍ରଭାସ ସାହୁ ନାମକ ଏହି ପୋଷ୍ଟ ମାଷ୍ଟର ପ୍ରାୟ ଦିନ ମଦ ପିଇ ନିଜ କାର୍ଯ୍ୟରେ ଯୋଗ ଦିଅନ୍ତି। ଗ୍ରାହକ ମାନଙ୍କୁ ଦୁର୍ବ୍ୟବହାର କରିବା ସହ ଲୋକଙ୍କ ପୋଷ୍ଟାଲ କାର୍ଯ୍ୟ ଠିକ ସମୟରେ କରନ୍ତି ନାହି। ଏନେଇ କିଛି ଅଭିଯୋଗ କଲେ ମୋର ସଂପର୍କୀୟ ବଡ ନେତା ବୋଲି କହିବା ସହ ଲୋକଙ୍କୁ ଧମକ ଚମକ ମଧ୍ୟ ଦିଅନ୍ତି। ତେବେ ଟଙ୍କା ପଇସା କାରବାର ହେଉଥିବା ଭଳି ଏକ ଗୁରୁତ୍ବପୁର୍ଣ ସ୍ଥାନରେ ଜଣେ ମଦୁଆ ପୋଷ୍ଟ ମାଷ୍ଟରଙ୍କୁ କେମିତି ରଖା ଯାଇଛି, ସେ ନେଇ ସାଧାରଣରେ ନାନା ପ୍ରଶ୍ନ ସୃଷ୍ଟି ହୋଇଛି।