PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ଆସ୍ଥା ଜିତିଲେ ସିନ୍ଦେ ସରକାର; ଫ୍ଳୋରଟେଷ୍ଟରେ ବହୁମତ ହାସଲ କରି ବିଜୟ ହେଲେ ସିନ୍ଦେ ସରକାର

ମୁମ୍ବାଇ,୦୪/୦୭: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟ ବା ଆସ୍ଥା ପରୀକ୍ଷାକୁ ନେଇ ଯେଉଁ କଳ୍ପନାଜଳ୍ପନା ଲାଗି ରହିଥିଲା, ତାହାର ଅନ୍ତ ଘଟିଚି। ଫ୍ଳୋର ଟେଷ୍ଟ ବହୁମତ ହାସଲ କରି ସିନ୍ଦେ ସରକାରଙ୍କର ବାଜିମାତ୍‌ ହୋଇଛି। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା। ଏହା ସହିତ ଉଦ୍ଧବ ଠାକରେଙ୍କ ଶିବସେନା ତୁଳନାରେ ସିନ୍ଦେଙ୍କର ଫାଇନାଲରେ ବାଜିମାତ୍‌ ହୋଇଛି। ସିନ୍ଦେଙ୍କ ସରକାରକୁ ସମର୍ଥନ କରି ମୋଟ ୧୬୪ ଭୋଟ୍ ଦିଆଯାଇଥିବାବେଳେ ୯୯ଟି ଭୋଟ୍ ବିରୋଧୀଙ୍କ ଖାତାକୁ ଯାଇଛି। ଏହାପୂର୍ବରୁ ରବିବାର ଦିନ ବିଜେପି ଏବଂ ଏକନାଥ ସିନ୍ଦେ ଦଳର ପ୍ରାର୍ଥୀ ରାହୁଲ ନର୍ଭେକର ମଧ୍ୟ ସମାନ ସଂଖ୍ୟକ ଭୋଟ୍ ପାଇ ବାଚସ୍ପତି ନିର୍ବାଚନରେ ​​ବିଜୟୀ ହୋଇଥିଲେ।

ଏହି ମତଦାନରେ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚୌହାନଙ୍କ ସମେତ ୫ ଜଣ କଂଗ୍ରେସ ବିଧାୟକ ଭୋଟ୍ ଗ୍ରହଣ କରିପାରିନଥିଲେ। କୁହାଯାଉଛି ଯେ ଏହି ଲୋକମାନେ ନିର୍ଦ୍ଧାରିତ ସମୟ ୧୧ଟା ପରେ ବିଧାନସଭାରେ ପହଞ୍ଚିଥିଲେ ଏବଂ ସେତେବେଳକୁ ଗେଟ୍ ବନ୍ଦ ହୋଇଯାଇଥିଲା। ତେଣୁ ସେ ଭୋଟ୍ ଦେବାର ସୁଯୋଗ ପାଇପାରିନଥିଲେ। ଏଥିସହିତ ଦଳର ହ୍ବିପ ଆଧାରରେ କେବଳ ୧୫ଜଣ ଶିବସେନା ବିଧାୟକ ସରକାରଙ୍କ ବିରୋଧରେ ଭୋଟ୍ ଦେଇଥିବାବେଳେ ୪୦ ଜଣ ବିଧାୟକ ସିନ୍ଦେ ସରକାରଙ୍କୁ ସମର୍ଥନ କରି ଭୋଟ୍ ଦେଇଛନ୍ତି। କେବଳ ଏତିକି ନୁହେଁ, ଏହାରି ଭିତରେ ଉଦ୍ଧବ ଠାକରେଙ୍କ ଶିବସେନା ମଧ୍ୟ ପୂର୍ବ ଅପେକ୍ଷା ଦୁର୍ବଳ ସ୍ଥିତିରେ ରହିଥିଲା। ତାଙ୍କ ସମର୍ଥକ ବିଧାୟକ ସନ୍ତୋଷ ଓ୍ବାଙ୍ଗଡେ ଏବଂ ଶ୍ୟାମ ସୁନ୍ଦର ସିନ୍ଦେ ମଧ୍ୟ ସୋମବାର ଏକନାଥ ସିନ୍ଦେ ସରକାରଙ୍କ ସପକ୍ଷରେ ହାଜର ହୋଇଥିଲେ।

ସମ୍ବନ୍ଧିତ ଖବର