ପାଟନା,୦୫/୦୯: ନିର୍ବାଚନ କମିଶନ ଆସନ୍ତା ଅକ୍ଟୋବରରେ ବିହାର ବିଧାନସଭା ନିର୍ବାଚନ ତାରିଖ ଘୋଷଣା କରିପାରନ୍ତି । ଅକ୍ଟୋବରର ପ୍ରଥମ କିମ୍ବା ଦ୍ୱିତୀୟ ସପ୍ତାହରେ ନିର୍ବାଚନ ଘୋଷଣା ହୋଇପାରେ ।
ସୂଚନା ଅନୁସାରେ, ରାଜ୍ୟରେ ଦୁଇ କିମ୍ବା ତିନି ପର୍ଯ୍ୟାୟରେ ମତଦାନ ହେବାର ସମ୍ଭାବନା ରହିଛି । ନଭେମ୍ବରରେ ଭୋଟିଂ ଅନୁଷ୍ଠିତ ହୋଇପାରେ । ଦୁର୍ଗାପୂଜା, ଦଶହରା, ଛଟ୍ ପୂଜା ଆଦି ପରେ ନିର୍ବାଚନ ହେବାର ଯଥେଷ୍ଟ ସମ୍ଭାବନା ରହିଥିବା ଜଣାଯାଇଛି ।
ସୂତ୍ର ମୁତାବକ, ନଭେମ୍ବର ୫ରୁ ୧୫ ତାରିଖରେ ମତଦାନ ଏବଂ ନଭେମ୍ବର ୨୦ରେ ଭୋଟ ଗଣତି ତାରିଖ ଧାର୍ଯ୍ୟ ହୋଇପାରେ । ନିର୍ବାଚନ କମିଶନ ନଭେମ୍ବର ୨୨ ଡେଡ୍ଲାଇନ ପୂର୍ବରୁ ବିହାରରେ ନିର୍ବାଚନ ପ୍ରକ୍ରିୟା ସମ୍ପନ୍ନ କରିବେ ।
କମିଶନଙ୍କ ଅନୁସାରେ, ଏସ୍ଆଇଆର୍ ପରେ ବିହାରରେ ମତଦାତାଙ୍କ ଚୂଡ଼ାନ୍ତ ତାଲିକା ପ୍ରକାଶ ପାଇବ । ସେପ୍ଟେମ୍ବର ୩୦ରେ ଏହି ତାଲିକା ଜାରି ହେବ । ଏହା ପରେ କମିଶନ ବିହାରରେ ନିର୍ବାଚନ ଘୋଷଣା କରିବେ ।
