କୂଳଡିହାରେ ହାତୀଙ୍କ ଉପଦ୍ରବ, ଶିଶୁକନ୍ୟାକୁ ଦଳିଦେଲା ଦନ୍ତା
ନୀଳଗିରି/ସୋର, ୨୭/୫ : କୂଳଡିହାରେ ହାତୀଙ୍କ ଉପଦ୍ରବ। ସୋର ଥାନା ସିଙ୍ଗାଖୁଣ୍ଟା ପଞ୍ଚାୟତ ସରଳିଆ ଚିତ୍ରାଶୁଳ ଗ୍ରାମର ବିଳମ୍ବିତ ରାତିରେ ହାତୀ ଦଳିଦେବାରୁ ଜଣେ ନିଷ୍ପାପ ଶିଶୁକନ୍ୟାର ମୃତ୍ୟୁ ଘଟିଛି।
ସୂଚନା ଅନୁସାରେ, ସରଳିଆ ଚିତ୍ରାଶୁଳ ଗ୍ରାମର ନିଶିକାନ୍ତ ଦେଉରୀ ନିଜ ପରିବାର ସହିତ ଘରେ ଶୋଇଥିଲେ। ଏହି ସମୟରେ ୫ ରୁ ୬ ଟି ହାତୀ କୂଳଡିହା ଅଭୟାରଣ୍ୟରୁ ବାହାରି ତାଙ୍କ ବାଡ଼ି ଭିତରେ ଉପଦ୍ରଵ କରିଥିଲେ। ନଡିଆ ଗଛ ଖାଉଥିବା ବେଳେ ହାତୀର ଶବ୍ଦ ଶୁଣି ପରିବାର ଲୋକେ ଉଠି ହାତୀକୁ ଘଉଡାଇବା ବେଳେ ଗୋଟିଏ ହାତୀ ଘର ଭିତରକୁ ପଶି ହଠାତ୍ ଶିଶୁ କନ୍ୟାଟି ଉଠି ଆସୁଥିବା ବେଳେ ତା ମୁଣ୍ଡ ଉପରେ ଚଢ଼ି ଯାଇଥିଲା। ଗ୍ରାମବାସୀମାନେ ପହଞ୍ଚି ହାତୀକୁ ଘଉଡାଇବା ସହିତ ଶିଶୁ କନ୍ୟାକୁ ଉଦ୍ଧାର କରି ଅର୍ଜୁନ ସେବା ଆମ୍ବୁଲାନ୍ସ ଯୋଗେ ସୋର ଡାକ୍ତରଖାନାକୁ ଆଣିଥିଲେ । ହେଲେ ସେଠାରେ ଡାକ୍ତର ଶିଶୁ କନ୍ୟାକୁ ମୃତ ଘୋଷଣା କରିଥିଲେ।
