ଜହ୍ନlପଙ୍କ, ୩୦/୮: ଗତ ସପ୍ତାହେ ହେଲା ଆଠମଲ୍ଲିକ ରେଞ୍ଜ ଅଞ୍ଚଳରୁ ଚାଲି ଆସିଥିବା ୮ ଟିକିଆ ହାତୀପଲ ବୌଦ୍ଧ ବନଖଣ୍ଡର ଡ଼ମ୍ବରୁଗଡ଼, ରଜାମୁଣ୍ଡା, ଚଣ୍ଡିଗଡ ଓ ବଲାସିଙ୍ଗା ମହୁଲମୂଳ ମହିମା ଆଶ୍ରମ ନିକଟରେ ରହି ଶନିବାର ଭୋରରୁ ମହାନଦୀର ଚଣ୍ଡିଗଡ ଘାଟରୁ ପାର ହୋଇ କିଆକଟା ରେଞ୍ଜ ଅନ୍ତର୍ଗତ ନାଏକପଡା ଜଙ୍ଗଲକୁ ଯାଇଥିବା ବୌଦ୍ଧ ବନ ବିଭାଗ ପକ୍ଷରୁ ସୂଚନା ମିଳିଛି। ଯେଉଁ ବାଟ ଦେଇ ଯାଇଛନ୍ତି ବ୍ୟାପକ ପନିପରିବା ସହିତ ଧାନ ଫସଲ ନଷ୍ଟ କରିଥିବା ଅଭିଯୋଗ ହେଉଛି।

କଙ୍କଲାଠାରେ ୨/୩ ଟା ଡ଼ଙ୍ଗା ଭାଙ୍ଗିଥିବାବେଳେ, କମ୍ପରା ଓ ଜଗତିରେ ମାଖନ ବଗିଚା ନଷ୍ଟ କରିଛନ୍ତି। ମର୍ଯ୍ୟାଦପୁରରେ କଦଳୀ ବଗିଚା ନଷ୍ଟ କରିଥିବା ଜଣାପଡିଛି । ହାତୀପଲଙ୍କ ଗତିବିଧିକୁ ବୌଦ୍ଧ ଡ଼ିଏଫଓ ରାଜେନ୍ଦ୍ର ଗୋଛାୟତ, ଏସିଏଫ ମିନାକ୍ଷୀ କୁମୁରା, ରେଞ୍ଜର ଅର୍ଚନା ଗମାଙ୍ଗ ପହଂଚି ହାତୀପଲର ଗତିବିଧି ଉପରେ ତୀକ୍ଷଣ ନଜର ରଖିଥିବାରୁ ଏବଂ ଡାକବାଜି ଯନ୍ତ୍ର ସାହାଯ୍ୟରେ ଲୋକଙ୍କୁ ସଚେତନତା କରାଇଥିବାରୁ ଧନ ଜୀବନ ବେଶୀ ପ୍ରଭାବିତ ହୋଇନଥିବା ବନ ବିଭାଗ ପକ୍ଷରୁ କୁହାଯାଉଛି । ତଥାପି ଯେଉଁମାନେ ଏଥିରେ ପ୍ରଭାବିତ ହୋଇଛନ୍ତି ତାଙ୍କୁ କ୍ଷତି ପୂରଣ ଦେବାକୁ ଚାଷୀମାନେ ଦାବି କରିଛନ୍ତି।