ନୂଆଦିଲ୍ଲୀ,୧୨/୭ : ଭାରତଠାରୁ ୪ବର୍ଷ ପରେ ଟି-୨୦ ରାକିଂର ତାଜ୍ ହାତଛଡ଼ା ହୋଇଛି । ଆୟରଲାଣ୍ଡ ଏବଂ ଇଂଲଣ୍ଡ ବିପକ୍ଷରେ ବିପର୍ଯ୍ୟସ୍ତ ଭାବେ ସିରିଜ ହାରିବା ପରେ ଟିମ୍ ଇଣ୍ଡିଆ ପ୍ରଥମରୁ ଦ୍ବିତୀୟ ସ୍ଥାନକୁ ଖସି ଆସିଛି । ଟିମ୍ ଇଣ୍ଡିଆଠାରୁ ୪-୦ରେ ସିରିଜ ଜିତିବା ପରେ ଇଂଲଣ୍ଡକୁ ଟି-୨୦ ରାକିଂରେ ଜବରଦସ୍ତ ଲାଭ ମିଳିଛି ।
ଅଲମ୍ପିକ ଦୃଷ୍ଟିରୁ ଦେଖିଲେ ବିଶ୍ବସାରା ଟିମ୍ ଟି-୨୦ ରାକିଂରେ ଭଲ ପଜିଶନରେ ରହିବାକୁ ପ୍ରୟାସ ଜାରି ରଖିଛନ୍ତି । ପ୍ରକାଶ ଯେ,୩୧ ଡିସେମ୍ବର ୨୦୨୬ ଦିନ ଏସିଆ, ଆଫ୍ରିକା, ୟୁରୋପ ଏବଂ ଓଶିନିୟା ମହାଦ୍ବିପରେ ଯିଏ ବି ଟି-୨୦ ରାକିଂର ଟପ୍ ଟିମ୍ ହେବେ ତାଙ୍କୁ ଅଲମ୍ପିକର ଟିକେଟ ମିଳିବ । ଏଥିଲାଗି ଟିମ୍ ଏହି ଚିନ୍ତାରେ ଅଛନ୍ତି କି ଅତି କମରେ ଚଳିତ ବର୍ଷ ଶେଷ ସୁଦ୍ଧା ନିଜ ନିଜ ମହାଦ୍ବିପରେ ଟପ ରାକଂରେ ଟିମ୍ ରହିଥିବେ ।
ଭାରତକୁ ୪-୦ରେ ହରାଇ ଇଂଲଣ୍ଡ ବିଶ୍ବର ନମ୍ବର-୧ଟିମ୍ ହୋଇଯାଇଛି । ଫଳରେ ଭାରତ ଦ୍ବିତୀୟ ସ୍ଥାନକୁ ଚାଲି ଯାଇଛି । ଟପ୍ -୧୦ ଟିମରେ କୌଣସି ଅନ୍ୟ ଦେଶର ରାକିଂରେ ପରିବର୍ତ୍ତନ ହୋଇନାହିଁ । ଅଷ୍ଟ୍ରେଲିଆ ତୃତୀୟ ଏବଂ ନ୍ୟୁଜିଲାଣ୍ଡ ଚତୁର୍ଥ ସ୍ଥାନରେ ରହିଛି । ସେହିଭଳି ପାକିସ୍ତାନ ଏବେ ଷଷ୍ଠ ସ୍ଥାନରେ ରହିଛି ।
୧- ଇଂଲଣ୍ଡ
୨- ଭାରତ
୩- ଅଷ୍ଟ୍ରେଲିଆ
୪- ନ୍ୟୁଜିଲାଣ୍ଡ
୫- ଦକ୍ଷିଣ ଆଫ୍ରିକା
୬- ପାକିସ୍ତାନ
୭- ଓ୍ବେଷ୍ଟଇଣ୍ଡିଜ
୮- ବାଂଲାଦେଶ
୯- ଶ୍ରୀଲଙ୍କା
୧୦- ଆଫଗାନିସ୍ତାନ
ଭାରତୀୟ ଟିମ୍ ପ୍ରାୟ ସାଢେ ୪ବର୍ଷ ପରେ ଟି-୨୦ ଟିମ୍ ରାକିଂରେ ପ୍ରଥମ ସ୍ଥାନରୁ ତଳକୁ ଖସିଯାଇଛି । ଫେବୃଆରୀ ୨୦୨୨ରୁ ଭାରତ ବିଶ୍ବର ନମ୍ବର-୧ ଟି-୨୦ ଟିମ୍ ହୋଇ ରହିଥିଲା । ଏହି ସମୟରେ ରୋହିତ ଶର୍ମା ଏବଂ ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ବରେ ୨୦୨୪ ଏବଂ ୨୦୨୬ର ଟି-୨୦ ବିଶ୍ବକପର ତାଜ୍ ବି ଜିତିଥିଲା ।
