ଇଂଲଣ୍ଡ-ପାକିସ୍ତାନ ଦ୍ବିତୀୟ ଟେଷ୍ଟ ମ୍ୟାଚ୍, ଇଂଲଣ୍ଡ ଟିମ୍ ହୋଟେଲ ପାଖରେ ଗୁଳିକାଣ୍ଡ
ମୁଲତାନ,୯।୧୨: ଇଂଲଣ୍ଡ ଟେଷ୍ଟ ଟିମ୍ ବର୍ତ୍ତମାନ ପାକିସ୍ତାନ ଗସ୍ତ କୌଣସି ନା କୌଣସି କାରଣ ପାଇଁ ଚର୍ଚ୍ଚାରେ ରହିଛି। ଏବେ ମୁଲତାନରୁ ଆରମ୍ଭ ହୋଇଥିବା ଦ୍ବିତୀୟ ଟେଷ୍ଟ ମ୍ୟାଚ୍ ଦିନକ ପୂର୍ବରୁ ଅର୍ଥାତ ଗୁରୁବାର ଗୁଳିମାଡ ଶବ୍ଦ ଶୁଣିବାକୁ ମିଳିଥିଲା। ରିପୋର୍ଟ ଅନୁସାରେ, ଇଂଲଣ୍ଡ ଟେଷ୍ଟ ଟିମ୍ ୧୭ ବର୍ଷ ପରେ ପାକିସ୍ତାନ ଗସ୍ତରେ ଆସିଛି।‘ ଇଣ୍ଡିପେଣ୍ଡେଣ୍ଟ’ର ରିପୋର୍ଟ ଅନୁସାରେ, ଏହି ଫାୟାରିଂ ଦୁଇ ଗୋଷ୍ଠୀ ଭିତରେ ହୋଇଥିଲା ଓ ପାକିସ୍ତାନ ପୋଲିସ ଏହି ଘଟଣାକୁ ଦୃଷ୍ଟିରେ ରଖି ଚାରିଜଣଙ୍କୁ ଗିରଫ କରିଛି। ଇଂଲଣ୍ଡ ଟିମ୍ ପ୍ରାକ୍ଟିସ୍ କରିବା ପାଇଁ ହୋଟେଲ୍ରୁ ବାହାରିବା ପୂର୍ବରୁ ଗୁଳିମାଡ ଶବ୍ଦ ଶୁଣିବାକୁ ମିଳିଥିଲା। ରିପୋର୍ଟ ଅନୁସାରେ, ଇଂଲଣ୍ଡ ଟିମ୍ର ଅଭ୍ୟାସ ବେଳେ ଏହି ଘଟଣାର କୌଣସି ପ୍ରଭାବ ପଡିନାହିଁ। ଇଂଲଣ୍ଡର ଖେଳାଳିଙ୍କୁ କଥିତ ଭାବରେ ପାକିସ୍ତାନରେ ଚାଲିଥିବା ପ୍ରେସିଡେଣ୍ଟ ଲେବଲ ସୁରକ୍ଷା ପ୍ରଦାନ କରାଯାଇଛି।
ଏହି ଗୁଳିକାଣ୍ଡ ଘଟଣା ପୁଣିଥରେ ୩ ମାର୍ଚ୍ଚ ୨୦୦୯ ମସିହା କଥାକୁ ତାଜା କରିଦେଇଛି। ସେ ଦିନ ଶ୍ରୀଲଙ୍କା ଟିମ୍ ଉପରେ ବଡ ଧରଣର ଆକ୍ରମଣ ହୋଇଥିଲା। ଶ୍ରୀଲଙ୍କା ଟିମ୍ ଉପରେ ଏହି ଆକ୍ରମଣ ହୋଇଥିଲା। ଯେତେବେଳେ ଶ୍ରୀଲଙ୍କା ଖେଳାଳି ଟେଷ୍ଟ ମ୍ୟାଚ୍ ଖେଳିବାକୁ ନିଜ ହୋଟେଲରେ ଲାହୋରର ଗଦାଫି ଷ୍ଟାଡିୟମ୍ ଯାଉଥିଲେ। ଆକ୍ରମଣରେ ତତ୍କାଳୀନ କ୍ୟାପଟେନ୍ ମହିଳା ଜୟବର୍ଦ୍ଧନେ, କୁମାର ସଙ୍ଗକାରା, ଅଞ୍ଜଥା ମେଣ୍ଡିସ୍, ଥିଲନ୍ ସମରଭୀରା, ଚାମିଣ୍ଡା ଭାସ୍ଙ୍କ ଭଳି ଖେଳାଳି ଆହତ ହୋଇଥିଲେ। ଏହି ଆକ୍ରମଣରେ ପାକିସ୍ତାନ ପୋଲିସର ୬ ଜଣ ଯବାନଙ୍କ ସହିତ ୮ ଜଣ ଲୋକଙ୍କର ମୃତ୍ୟୁ ହୋଇଥିଲା।
ଦୁଇ ଟିମ୍ ଭିତରେ ଦ୍ବିତୀୟ ଟେଷ୍ଟ କଥା ଯଦି ହେବା ତେବେ ଇଂଲଣ୍ଡ ଏହି ମ୍ୟାଚ୍ ପାଇଁ ମାର୍କ ଉଡ୍ଙ୍କୁ ନିଜର ପ୍ଲେଇଂ-୧୧ ରେ ସାମିଲ କରିଛି। ଉଡ୍ ଅଲରାଉଣ୍ଡର ଲିୟାମ ଲିଭିଙ୍ଗଷ୍ଟୋନ୍ଙ୍କ ସ୍ଥାନ ନେଇଛନ୍ତି,ଯାହାଙ୍କୁ ରାଓ୍ବଲପିଣ୍ଡିରେ ହୋଇଥିବା ପ୍ରଥମ ଟେଷ୍ଟ ମ୍ୟାଚ୍ ବେଳେ ଆଣ୍ଠୁରେ ଆଘାତ ଲାଗିଥିଲା। ପ୍ରଥମ ଟେଷ୍ଟ ମ୍ୟାଚ୍ରେ ଇଂଲଣ୍ଡ ୭୪ ରନ୍ରେ ଜିତିଥିଲା। ଏଭଳି ସ୍ଥିତିରେ ଯଦି ଇଂଲଣ୍ଡ ଟିମ୍ ଏହି ମ୍ୟାଚ୍ ଜିତେ ତେବେ ସେ ଟେଷ୍ଟ ସିରିଜ୍ ଉପରେ କବଜା କରିନେବ।
