ଇଓଡବ୍ଲୁୟ ରିମାଣ୍ଡରେ ଗୋଲଡେନ୍ ବାବା

ଭୁବନେଶ୍ବର,12।1(ବ୍ୟୁରୋ): ଆତ୍ମଘୋଷିତ ‘ଗୋଲଡେନ ବାବା’ ଓରଫ ଜ୍ୟୋତିରଞ୍ଜନ ବେଉରାଙ୍କୁ କ୍ରାଇମ୍ ବ୍ରାଞ୍ଚର ଅର୍ଥନୈତିକ ଅପରାଧ ଶାଖା (ଇଓଡବ୍ଲୁୟ) ରିମାଣ୍ଡରେ ନେଇଛି। 3 ଦିନ ରିମାଣ୍ଡ ପାଇଁ ଇଓଡବ୍ଲୁୟ ଆବେଦନ କରିଥିଲା। କୋର୍ଟ ଗୋଟିଏ ଦିନ ମଞ୍ଜୁର କରିଥିଲେ। ଇଓଡବ୍ଲୁୟ ଅଧିକାରୀମାନେ ଜ୍ୟୋତିରଞ୍ଜନଙ୍କୁ ଜେରା କରିଛନ୍ତି। ହେଲେ ଜେରା ସମୟରେ ତାଙ୍କ ଠାରୁ କିଛି ତଥ୍ୟ ମିଳିଛି କି ନାହିଁ ସେ ବିଷୟରେ ପଦେ କହିନାହାନ୍ତି ଇଓଡବ୍ଲୁୟର ଅଧିକାରୀମାନେ। ବାବା ଯୁବତୀମାନଙ୍କୁ ବଡ଼ ବଡ଼ ବ୍ୟବସାୟୀଙ୍କୁ ଯୋଗାଇ ସେମାନଙ୍କ ଠାରୁ ମୋଟା ଟଙ୍କା କମାଉଥିଲେ। ଏ ନେଇ ଅଧିକ ଖୋଳତାଡ଼ ହେବ। ରବିବାର ଦିନ ଜ୍ୟୋତିରଞ୍ଜନଙ୍କୁ କୋର୍ଟରେ ହାଜର କରାଯିବ।
ପୁଲିସ୍ ଜ୍ୟୋତିରଞ୍ଜନଙ୍କ ଘରୁ ଏକ ଡାଏରି ଜବତ କରିଥିଲା। କେଉ ନେତା କେତେ ନେଇଛନ୍ତି ତାହା ଉକ୍ତ ଡାଏରିରେ ଉଲ୍ଲେଖ ଅଛି। କିଛି ନେତା ଧମକଚମକ ଦେଇ ଟଙ୍କା ନେଇଥିବା ବେଳେ ଆଉ କିଛି ନେତାଙ୍କୁ ବାବା ଟଙ୍କା ବାଣ୍ଟିଛନ୍ତି। ଲକ୍ଷ ଲକ୍ଷ ନେଇ ନେତା ଓ ଯୁବନେତା ବିଦେଶ ଗସ୍ତ କରିଛନ୍ତି। ହେଲେ ସେ ଡାଏରିକୁ ପୁଲିସ୍ ଇଓଡବ୍ଲୁୟକୁ ଦେଇନାହିଁ। ବାବାଙ୍କ ସମ୍ପର୍କରେ ଚନ୍ଦ୍ରଶେଖରପୁର ଥାନା ପୁଲିସ୍ କିଛି ତଥ୍ୟ ଲୁଚାଉଥିବା ଚର୍ଚ୍ଚ। ହେଉଛି।
କାର୍ କାଚ ଭାଙ୍ଗି ଲୁଟିଲେ