କୋଟିଏ ଟଙ୍କାର ବସ୍ଷ୍ଟାଣ୍ଡ ନିର୍ମାଣ ପରେ ମଧ୍ୟ ରାସ୍ତାରେ ଜମୁଛି ପାଣି, ଯାତ୍ରୀ ହନ୍ତସନ୍ତ
ଜୁନାଗଡ଼,୧୯/୦୨: କଳାହାଣ୍ଡି ଜିଲ୍ଲା ଜୁନାଗଡ଼ ଠାରେ ଆଗରୁ ଥିବା ନୂଆବସ ଷ୍ଟାଣ୍ଡକୁ ଭାଙ୍ଗି ପୁନଃ ସେହି ସ୍ଥାନରେ ବର୍ତ୍ତମାନ ନୂଆ କରି ଓଡିଶା ରାଜ୍ୟ ସଡ଼କ ପରିବହନ ନିଗମ ଦ୍ୱାରା ଏକ ବସଷ୍ଟାଣ୍ଡ ନିର୍ମାଣ କରାଯାଇଛି । ଏହି ନୂତନ ବସଷ୍ଟାଣ୍ଡ ଯୋଗୁ ଅନେକାଂଶରେ ଟ୍ରାଫିକ ସମସ୍ୟା ସୃଷ୍ଟି ହୋଇଛି । ଅନ୍ୟ ପକ୍ଷରେ ବସଷ୍ଟାଣ୍ଡର ଭୁଲ ଡିଜାଇନ ଯୋଗୁ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି । ବସଷ୍ଟାଣ୍ଡରେ ଯାତ୍ରୀମାନେ ରହିବାକୁ ଜାଗା ନଥିବା ଏବଂବସଷ୍ଟାଣ୍ଡ ସାମ୍ନାରେ ଅଯଥାରେ ଉଚ୍ଚତା କରି କଂକ୍ରିଟରାସ୍ତା ନୂତନ ଭାବେ ତିଆରି କରିବା ଯୋଗୁଁ ଏବେବି ରାସ୍ତାରେ ପାଣି ଜମୁଛି।
ଗତକାଲି କାଳବୈଶାଖୀ ସହ ଅଳ୍ପ ବର୍ଷା ହୋଇଥିଲା ବେଳେ ଏହି ନୂତନ ବସଷ୍ଟାଣ୍ଡ ରେ ପାଣି ଜମୁଥିବା ଦେଖିବାକୁ ମିଳିଥିଲା। ତେବେ ବର୍ଷା ଋତୁରେ ଏହା କିଭଳି ହେବ ସେନେଇ ଜନସାଧାରଣଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି ।
ସୂଚନା ଅନୁସାରେ, ବସ ରହଣି ଓ ଲୋକେ ବସକୁ ଅପେକ୍ଷା କରିବା ପାଇଁ ତତ୍କାଳୀନ ଧର୍ମଗଡ଼ ଉପଜିଲ୍ଲାପାଳ ତଥା ବର୍ତ୍ତମାନର ମୁଖ୍ୟମନ୍ତ୍ରୀଙ୍କ ୫ଟି ସଚିବ ଭି. କେ ପାଣ୍ଡିଆନ ଏକ ବସଷ୍ଟାଣ୍ଡ ନିର୍ମାଣ କରିଥିଲେ । ବସଷ୍ଟାଣ୍ଡ ନିର୍ମାଣ ହେବା ପରେ ଯାତ୍ରୀମାନଙ୍କ ପାଇଁ ସୁବିଧା ହେବା ସହ ଅନେକ ସରକାରୀ ଓ ବେସରକାରୀ ବସ ବସଷ୍ଟାଣ୍ଡ ଭିତରେ ରହୁଥଲା। ନୂତନ ବସଷ୍ଟାଣ୍ଡ ନିର୍ମାଣ ପାଇଁ ପୁରୁଣା ବସଷ୍ଟାଣ୍ଡକୁ ଭାଙ୍ଗି ଦିଆଗଲା । ଅନେକ ଆସ୍ଥାୟୀ ଦୋକାନକୁ ଭାଙ୍ଗି ଦେବା ଫଳରେ ଦୋକାନୀମାନେ ମଧ୍ୟ ପରିବାର ପ୍ରତିପୋଷଣ ପାଇଁ ଅନେକ ସମ୍ମୁଖୀନ ହେଉଥିବା ଦେଖିବାକୁ ମିଳୁଛି । ବର୍ତ୍ତମାନ କୋଟିଏ ଟଙ୍କାରେ ନୂତନ ବସଷ୍ଟାଣ୍ଡ ନିର୍ମାଣ କରାଯାଇଛି । ହେଲେ ଭୁଲ ଡିଜାଇନରେ ନିର୍ମାଣ ହୋଇଥିବା ନେଇ ଲୋକେ ଅଭିଯୋଗ କରିଛନ୍ତି ।
ଯାତ୍ରୀଙ୍କ ପାଇଁ ଆଗଭଳି ବସିବା ସୁବିଧା ନ ଥିବା ବେଳେ ବସ ଆଉ ବସଷ୍ଟାଣ୍ଡ ଭିତରକୁ ପ୍ରଵେଶ ପାଇଁ ସୁବିଧା କରାଯାଇନାହିଁ । ଗର୍ଭବତୀ ମହିଳା, କିମ୍ବା ବୁଢ଼ାବୁଢ଼ୀ ,ଛୋଟ ଛୁଆ ବସ ଅପେକ୍ଷା କରିବାକୁ ହେଲେ ଘଣ୍ଟା ଘଣ୍ଟା ଠିଆ ହେବାକୁ ପଡୁଛି । କେବଳ ଜାତୀୟ ରାଜପଥ ୨୬ ଉପର ବସ ରହୁଥିବା ଯୋଗୁଁ ସବୁ ବେଳେ ସବୁ ସମୟରେ ଟ୍ରାଫିକ ସମସ୍ୟା ସୃଷ୍ଟି ହେଉଛି । ବର୍ତ୍ତମାନ ଏହୂ ନୂତନ ବସଷ୍ଟାଣ୍ଡ ଉପରେ ପାଣି ଜମୁଥିବା ଦଖିବାକୁ ମିଳୁଛି । ଯଦି ଗ୍ରୀଷ୍ମପ୍ରବାହ ସମୟରେ ପାଣି ଜାମୁ ଥିବା ବେଳେ ବର୍ଷା ହେଲେ ବଢି ପରିସ୍ଥିତି ମଧ୍ୟ ସୃଷ୍ଟି ହୋଇପାରେ ।
