ୱାର୍କଆଉଟ୍ କରିବା ପୂର୍ରରୁ ଶରୀରକୁ ଷ୍ଟ୍ରେଚିଂ କରିବାକୁ ଭୁଲନ୍ତୁନି, ଏମିତି ମିିଳିଥାଏ ଫାଇଦା
ନୂଆଦିଲ୍ଲୀ ୦୩/୦୨: ୱାର୍କଆଉଟ୍ କରିବା ପୂର୍ରରୁ ଶରୀରକୁ ଷ୍ଟ୍ରେଚିଂ କରାଯାଇଥାଏ । କେବେ ଭାବିଛନ୍ତି ୱାର୍କଆଉଟ୍ କରିବା ପୂର୍ବରୁ କାହିଁକି ଷ୍ଟ୍ରେଚିଂ କରାଯାଏ? ଚାଲନ୍ତୁ ଜାଣିବା ଷ୍ଟ୍ରେଚିଂର ଫାଇଦା ।
> ବଢାଏ ରକ୍ତ ସଞ୍ଚାଳନ
ଶରୀରକୁ ଷ୍ଟ୍ରେଚ୍ କରିବା ଦ୍ୱାରା ରକ୍ତ ସଞ୍ଚାଳନ ବଢିଥାଏ । ନିୟମିତ ଜୀବନରେ ଷ୍ଟ୍ରେଚ୍କୁ ସାମିଲ୍ କରନ୍ତୁ । ଫଳରେ ଶରୀର ସୁସ୍ଥ ରହିବ ।
> ଚିନ୍ତାରୁ ଦୂରାଏ
କୌଣସି ଚିନ୍ତା ଥିଲେ, ଆପଣ ଶରୀରରକୁ ଷ୍ଟ୍ରେଚ୍ କରିବା ଦ୍ୱାରା ଏହା କମ୍ ହୋଇଥାଏ । ମସ୍ତିଷ୍କର ସ୍ନାୟୁଗୁଡିକୁ ଶାନ୍ତ କରିବା ପାଇଁ ଷ୍ଟ୍ରେଚିଂ ସବୁଠାରୁ ଭଲ ଉପାୟ । ତେଣୁ ଚିନ୍ତାମୁକ୍ତ ରହିବା ପାଇଁ ଶରୀରକୁ ଷ୍ଟ୍ରେଚ୍ କରନ୍ତୁ ।
> ସୁସ୍ଥ ମାଂସପେଶୀ
ଷ୍ଟ୍ରେଚ୍ କରିବା ଦ୍ୱାରା ମାଂସପେଶୀ ଭଲ ଭାବେ ଟାଣିଭିଡି ହୋଇଥାଏ, ଯାହା ଶରୀରର ଆବଶ୍ୟକତା । ବ୍ୟାୟାମ ମାଂସପେଶୀକୁ ସୁସ୍ଥ ରଖିବା ସହ ମାଂସପେଶୀର ରକ୍ତ ସଞ୍ଚାଳନକୁ ତୀବ୍ର କରାଇଥାଏ ।
> ପୋଶ୍ଚରରେ ସୁଧାର ଆଣେ
ଷ୍ଟ୍ରେଚିଂ ମାଧ୍ୟମରେ ଶରୀରର ପୋଶ୍ଚରରେ ସୁଧାର ଆସିଥାଏ । ସାରାଦିନ ବସି ରହିବା ବା ବସି କାମ କରିବା ଦ୍ୱାରା କ୍ରମଶଃ ଶରୀରର ପୋଶ୍ଚର ବଦଳି ଯାଇଥାଏ । ତେଣୁ ଷ୍ଟ୍ରେଚ୍ କରିବା ଦ୍ୱାରା ଶରୀରର ପୋଶ୍ଚର ପୂର୍ବାବସ୍ଥାକୁ ଫେରିଆସେ ।
> ହାଇ ଇଣ୍ଟେନ୍ସ ୱାର୍କଆଉଟ୍
କୌଣସି ହାଇ ଇଣ୍ଟେନ୍ସ ୱାର୍କଆଉଟ୍ କରିବା ପୂର୍ବରୁ ଷ୍ଟ୍ରେଚିଂ ପାଇଁ କୁହାଯାଇଥାଏ । ଏହାକୁ କରିବା ଦ୍ୱାରା ଶରୀର ୱାର୍କଆଉଟ୍ ପାଇଁ ପ୍ରସ୍ତୁତ ହୋଇଥାଏ । ଫଳରେ ୱାର୍କଆଉଟ୍ ପରେ ଶରୀରରେ କୌଣସି ଯନ୍ତ୍ରଣା ଦେଖିବାକୁ ମିଳିନଥାଏ
