PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

ସିବିଆଇ ଜାଲରେ ଏୟାର୍‌ ଇଣ୍ଡିଆର ପୂର୍ବତନ ସିଏମ୍‌ଡି

ନୂଆଦିଲ୍ଲୀ,୨୩ା୧(ଏଜେନ୍ସି):ଦୁର୍ନୀତି ଅଭିଯୋଗରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) କବ୍‌ଜାକୁ ଆସିଛନ୍ତି ରାଷ୍ଟ୍ରାୟତ୍ତ ବିମାନ କମ୍ପାନି ଏୟାର୍‌ ଇଣ୍ଡିଆର ପୂର୍ବତନ ମୁଖ୍ୟ ଅରବିନ୍ଦ ଯାଦବ । କମ୍ପାନିର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ (ସିଏମ୍‌ଡି) ଥିବା ସମୟରେ ପଦୋନ୍ନତି ଏବଂ ନିଯୁକ୍ତି କ୍ଷେତ୍ରରେ ସେ ଅନେକ ନିୟମର ଉଲ୍ଲଂଘନ କରିଥିବା ଅଭିଯୋଗ ହୋଇଛି । ଯାଦବଙ୍କ ସମେତ ଆହୁରି ଅନେକ ପୂର୍ବତନ ଅଧିକାରୀଙ୍କ ନାମରେ ବି ମାମଲା ଦାଏର୍‌ କରିଛି ସିବିଆଇ । ତାଙ୍କ ସହିତ ଏୟାର୍‌ ଇଣ୍ଡିଆର ତତ୍କାଳୀନ କାର୍ଯ୍ୟନିର୍ବାହୀ ନିର୍ଦ୍ଦେଶକ (କାର୍ମିକ) ଏଲ୍‌. ପି. ନଖ୍‌ୱା, ପୂର୍ବତନ ଅତିରିକ୍ତ ମହାପ୍ରବନ୍ଧକ (ଅପରେସନ୍‌) ଏ. କାଠ୍‌ପଲିଆ, ଅମିତାଭ ସିଂହ ଏବଂ ରୋହିତ୍‌ ଭାସିନ୍‌ଙ୍କ ନାମରେ ମଧ୍ୟ ମାମଲା ଦାଏର୍‌ ହୋଇଛି । ଅପରାଧିକ ଷଡଯନ୍ତ୍ର ଏବଂ ଦୁର୍ନୀତି ନିବାରଣ ଆଇନର ବିଭିନ୍ନ ବ୍ୟବସ୍ଥା ଅଧୀନରେ ଏମାନଙ୍କ ନାମରେ ଏଫ୍‌ଆଇଆର୍‌ ଦାଏର୍‌ କରିଛି ସିବିଆଇ । ଯାଦବଙ୍କ ନାଁରେ ଅଭିଯୋଗ ରହିଛି ଯେ, ୨୦୧୦ରେ ସେ ଏକ କମିଟି ଗଠନ କରିଥିଲେ । ନିୟମର ଉଲ୍ଲଂଘନ କରି ସେ କେତେକ ଅଧିକାରୀଙ୍କୁ ମହାପ୍ରବନ୍ଧକ(ଅପରେସନ୍‌) ପଦକୁ ଉନ୍ନୀତ କରିବା ପାଇଁ ଏହି କମିଟି ଗଠନ କରିଥିଲେ । ଏହି ୩ ଜଣିଆ ସଦସ୍ୟବିଶିଷ୍ଟ କମିଟିରେ ଏୟାର୍‌ ଇଣ୍ଡିଆର ତତ୍କାଳୀନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଗୁସ୍ତଭ ବାଲ୍‌ଦଫ୍‌, ତତ୍କାଳୀନ କାର୍ଯ୍ୟନିର୍ବାହୀ ନିର୍ଦ୍ଦେଶକ (ଅପରେସନ୍‌) ଏ. ଏସ୍‌. ସୋମନ୍‌ ଏବଂ ପୂର୍ବତନ କାର୍ଯ୍ୟନିର୍ବାହୀ ନିର୍ଦ୍ଦେଶକ (କାର୍ମିକ) ଏଲ୍‌. ପି. ନଖ୍‌ୱା ରହିଥିଲେ ।