ପ୍ରମୂଖ ଖବର
  • ଟି-ଟ୍ୱେଣ୍ଟି କ୍ରିକେଟ୍ ବିଶ୍ୱକପ୍ ୨୦୨୪: ସେଣ୍ଟ୍‌ଭିନ୍‌ସେଣ୍ଟରେ ସାମ୍ନାସାମ୍ନି ହେବେ ବାଂଲାଦେଶ- ନେଦରଲାଣ୍ଡ୍‌ସ
  • ||
  • ଜୁନ୍ ୧୮ରେ ବାରାଣସୀ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତୃତୀୟ ପାଳିରେ ହେବ ପ୍ରଥମ ଗସ୍ତ
  • ||
  • ଅରୁଣାଚଳର ମୁଖ୍ୟମନ୍ତ୍ରୀ ଭାବେ ଶପଥ ନେବେ ପେମା ଖାଣ୍ଡୁ, ସମାରୋହରେ ସାମିଲ୍ ହେବେ ଜେପି ନଡ୍ଡା, ଅମିତ ଶାହ
  • ||
  • ବିଧାୟକ ପଦରୁ ସପା ମୁଖ୍ୟ ଅଖିଳେଶ ଯାଦବଙ୍କ ଇସ୍ତଫା
  • ||
  • ପୁରୀ : ଖୋଲିଲା ଶ୍ରୀମନ୍ଦିର ୪ ଦ୍ବାର, ମଙ୍ଗଳ ଆଳତି ଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
  • ||

ଶାରିରୀକ କାର୍ଯ୍ୟକଳାପ କର୍କଟ ଓ ହୃଦ୍‌ରୋଗରେ ମୃତ୍ୟୁ ଆଶଙ୍କାକୁ ହ୍ରାସ କରିପାରିବ

ନୂଆଦିଲ୍ଲୀ ୦୫/୦୨: ବୟସ୍କ ଲୋକମାନେ ନିଜକୁ ଫିଟ୍‌ ରଖିବା ପାଇଁ ନିୟମିତ କିଛି ନା କିଛି ଶାରିରୀକ ଶ୍ରମ କରିବା ଏକାନ୍ତ ଜରୁରି । ସେମାନେ ନିୟମିତ ବିଭିନ୍ନ ଶାରିରୀକ କାର୍ଯ୍ୟକଳାପରେ ଅଂଶଗ୍ରହଣ କରିବା ଉଚିତ୍‌ ଯେପରିକି- ଚାଲିବା, ଜଗିଂ, ପହଁରିବା, ବ୍ୟାୟାମ ଓ ଟେନିସ୍‌ ଖେଳିବା ଆଦି । ଏସବୁ କରିବା ଦ୍ୱାରା ହୃଦ୍‌ରୋଗ ଓ କର୍କଟ ରୋଗର ଆଶଙ୍କାକୁ କମ୍‌ କରାଯାଇପାରେ ।

ଅଗଷ୍ଟ ୨୦୨୨ରେ ପ୍ରକାଶିତ ଏକ ଅନୁସନ୍ଧାନରୁ ଜଣାପଡିଛି ଯେ ବିଭିନ୍ନ ଶାରିରୀକ କାର୍ଯ୍ୟକଳାପ କର୍କଟ ଓ ହୃଦ୍‌ରୋଗରେ ମୃତ୍ୟୁ ଆଶଙ୍କାକୁ ହ୍ରାସ କରିଥାଏ। ଶାରିରୀକ କାର୍ଯ୍ୟକଳାପ ନିର୍ଦ୍ଦେଶାବଳୀ ଅନୁସାରେ ବୟସ୍କମାନେ ସପ୍ତାହରେ ୨.୫ରୁ ୫ ଘଣ୍ଟା ଯାଏ ମଧ୍ୟମ ଧରଣର ବ୍ୟାୟାମ କରିପାରିବେ କିମ୍ବା ୧.୨୫ରୁ ୨.୫ ଘଣ୍ଟା ତୀବ୍ର ବ୍ୟାୟାମ କରିପାରିବେ । ବ୍ୟାୟାମ କରୁ ନଥିବା ଲୋକଙ୍କ ଅପେକ୍ଷା ବ୍ୟାୟାମ କରୁଥିବା ଲୋକଙ୍କ କ୍ଷେତ୍ରରେ ୫ ପ୍ରତିଶତ ମୃତ୍ୟୁହାର ହ୍ରାସ ପାଇଥାଏ । ଯେଉଁମାନେ ଆରମ୍ଭରୁ ବ୍ୟାୟାମ କରି ସକ୍ରିୟ ରହିଥାନ୍ତି । ସେମାନଙ୍କ କ୍ଷେତ୍ରରେ ମୃତ୍ୟୁ ଆଶଙ୍କା ଆହୁରି ହ୍ରାସ ପାଇପାରେ ।

ଅବସର ସମୟରେ ଶାରିରୀକ ସକ୍ରିୟତା ସ୍ୱାସ୍ଥ୍ୟ ପାଇଁ ହିତକର ହୋଇଥାଏ । ଗବେଷକମାନେ ସେମାନଙ୍କ ସର୍ଭେରେ ୫୯ରୁ ୮୨ ବର୍ଷ ବୟସ ମଧ୍ୟରେ ୨୭୨,୫୫୦ଙ୍କୁ ସାମିଲ୍‌ କରିଥିଲେ । ଏହି ଅଂଶଗ୍ରହଣକାରୀମାନେ ପୂର୍ବରୁ ନ୍ୟାସନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ହେଲଥ୍‌ର ସର୍ଭେରେ ଭାଗ ନେଇଥିଲେ । ସେମାନେ କେତୋଟି ଭିନ୍ନ ଭିନ୍ନ କାର୍ଯ୍ୟକଳାପରେ ଅଂଶଗ୍ରହଣ କରିଥିଲେ ଯେପରିକି ଜଗିଂ ବା ଚାଲିବା, ସାଇକେଲ ଚଳାଇବା, ପହଁରିବା ଓ ଏରୋବିକ୍‌ ଆଦି । ଏହି ଗବେଷଣାରେ ଅଂଶଗ୍ରହଣ କରିଥିବା ସମସ୍ତ ବ୍ୟକ୍ତିବିଶେଷଙ୍କ ମୃତ୍ୟୁହାର ଅନ୍ୟମାନଙ୍କ ତୁଳନାରେ ୧୯ ପ୍ରତିଶତ କମ୍‌ ରହିଥିଲା ।

ଡାକ୍ତରଙ୍କ କହିବା କଥା ବ୍ୟାୟାମ କରିବା ଦ୍ୱାରା ଭଲ କେଲେଷ୍ଟ୍ରଲ୍‌ ବଢିବା ସହ ଖରାପ କେଲେଷ୍ଟ୍ରଲ୍‌ ଏବଂ ଟ୍ରାଇଗ୍ଲାଇସେରାଇଡ ହ୍ରାସ ପାଇଥାଏ । ନିୟମିତ ଏରୋବିକ୍‌ କରିବା ଦ୍ୱାରା ଶରୀରରେ ମେଟାବେଲିଜିମ୍‌ ବଢିଥାଏ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.