PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ପଞ୍ଜାବରେ ୪ଟି ଏଫ୍‌-୧୬ ଯୁଦ୍ଧବିମାନର ପ୍ରବେଶ ଉଦ୍ୟମ

ନୂଆଦିଲ୍ଲୀ,୧ ।୪(ଏଜେନ୍ସି): ପାକିସ୍ତାନ ପୁଣି ଉଭୟ ସ୍ଥଳଭାଗ ଏବଂ ଆକାଶମାର୍ଗରେ ଯୁଦ୍ଧ ପାଇଁ ଭାରତକୁ ଉସୁକାଇବା ଭଳି ହରକତ କରିଛି । ଏଲଓସିରେ ପାକ୍‌ ଆକ୍ରମଣରେ ଆଜି ଜଣେ ବିଏସ୍‌ଏଫ୍‌ ଅଧିକାରୀ ଏବଂ ଆଉ ଜଣେ ନାବାଳିକା ପ୍ରାଣ ହରାଇଥିଲାବେଳେ ପାକିସ୍ତାନର କେତେକ ସାମରିକ ବିମାନ ପଞ୍ଜାବ ସଂଲଗ୍ନ ସୀମାରେ ଭାରତ ଭିତରେ ପ୍ରବେଶ କରିବାକୁ ଉଦ୍ୟମ କରିଛନ୍ତି । କିନ୍ତୁ ଭାରତୀୟ ବାୟୁସେନା ସେମାନଙ୍କ ଉଦ୍ୟମକୁ ପଣ୍ଡ କରିଦେଇଛି ।

ପ୍ରତିରକ୍ଷା ସୂତ୍ରରୁ ମିଳିଥିବା ସୂଚନା ଅନୁସାରେ, ରବିବାର ରାତି ୩ଟା ସମୟରେ ପାକିସ୍ତାନର କିଛି ବିମାନ ଭାରତୀୟ ସୀମା ଆଡକୁ ଅଗ୍ରସର ହେଉଥିବାର ରାଡାରରେ ଧରାପଡିଥିଲା । ଏକ ବଡ଼ ଆକାରର ଡ୍ରୋନ ସହିତ ଚାରିଟି ଏଫ୍‌-୧୬ ଯୁଦ୍ଧବିମାନ ପଞ୍ଜାବର ଖେମକରନ ସେକ୍ଟରରେ ଭାରତୀୟ ସୀମାର ଅତି ନିକଟକୁ ଚାଲି ଆସିଥିଲେ । ଭାରତୀୟ ବାୟୁସେନା ଏହା ଦେଖି ତୁରନ୍ତ ନିଜର ସୁଖୋଇ-୩୦ ଏମକେଆଇ ଏବଂ ମିରେଜ ଯୁଦ୍ଧବିମାନକୁ ସକ୍ରିୟ କରିଦେଇଥିଲା । ଏହାପରେ ପାକ୍‌ ବିମାନ ଭୟଭୀତ ହୋଇ ନିଜ ଦେଶ ଆଡକୁ ଫେରିଯାଇଥିଲେ ।

ପାକିସ୍ତାନ ରବିବାର ଯେଉଁ ହରକତ କରିଛି, ସେଥିରୁ ସିଏ ପଞ୍ଜାବ ସୀମାନ୍ତରେ ଭାରତୀୟ ସ୍ଥଳସେନା କିପରି ବିଭିନ୍ନ ୟୁନିଟ୍‌ ସବୁ ମୁତୟନ କରିଛି, ସେସମ୍ପର୍କରେ ତଥ୍ୟ ହାସଲ କରିବାକୁ ଯୋଜନା କରିଥିଲା ବୋଲି ସନ୍ଦେହ କରାଯାଉଛି । ଆଜି ମଧ୍ୟ ଜମ୍ମୁ-କାଶ୍ମୀରର ପୁଞ୍ଚ ଜିଲ୍ଲା ଅନ୍ତର୍ଗତ ନିୟନ୍ତ୍ରଣ ରେଖା (ଏଲ୍‌ଓସି)ରେ ପାକିସ୍ତାନୀ ସେନା ପ୍ରବଳ ଗୁଳିଗୋଳା ମାଡ଼ କରିଛି । ଏଥିରେ ଜଣେ ବିଏସ୍‌ଏଫ ଇନ୍ସପେକ୍ଟର ସହିଦ୍‌ ହୋଇଥିଲା ବେଳେ ଜଣେ ନାବାଳିକାର ମୃତ୍ୟୁ ଘଟିଛି । ସେହିଭଳି ଏହି ଗୁଳିଗୋଳା ମାଡ଼ରେ ୬ ଯବାନଙ୍କ ସମେତ ୧୧ ଜଣ ଆହତ ହୋଇଛନ୍ତି ।

ପାକ୍‍ ସେନା ଆଜି ଅପରାହ୍ନରେ ନିୟନ୍ତ୍ରଣ ରେଖାର କ୍ରିଷ୍ଣାଘାଟି, କର୍‌ନୀ, ମାନ୍‌କୋଟ, ଗୁଲପୁର, ଦେଗୱାରଶାହାପୁର ଓ ପୁଞ୍ଚ ସବ୍‌ସେକ୍ଟର ଅଞ୍ଚଳରେ ଥିବା ସେନା ଶିବିର ଓ ଜନବସତି ଉପରକୁ ପ୍ରବଳ ଗୁଳିଗୋଳା ବର୍ଷଣ କରିଥିଲା । ପୁଞ୍ଚର ଏକ ଫରୱାର୍ଡ ପୋଷ୍ଟରେ ନିୟୋଜିତ ବିଏସ୍‌ଏଫ ଇନ୍ସପେକ୍ଟର ଟି. ଆଲେକ୍ସ ଲାଲମିନିଲୁନ ଓ ତାଙ୍କର ୫ ଜଣ ସାଥୀଙ୍କ ଦେହରେ ଗୁଳି ଲାଗିଥିଲା । ଗୁରୁତର ଅବସ୍ଥାରେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଲାଲମିନିଲୁନ୍‌ଙ୍କର ମୃତ୍ୟୁ ଘଟିଛି । ସେହିଭଳି ଶାହାପୁର ସବ୍‌ସେକ୍ଟରରେ ଥିବା ଏକ ଘର ଉପରେ ଗୋଟିଏ ଗୋଳା ପଡିଥିଲା । ଏଥିରେ ସେଠାରେ ରହୁଥିବା ସୋବିୟା ନାମକ ଜଣେ ୫ ବର୍ଷୀୟା ବାଳିକାର ମୃତ୍ୟୁ ଘଟିଥିବା ବେଳେ ପରିବାରର ଅନ୍ୟ ଦୁଇଜଣ ସଦସ୍ୟ ଆହତ ହୋଇଛନ୍ତି ।

ସମ୍ବନ୍ଧିତ ଖବର