ପେଡ୍ ସର୍ଭିସ ଆଣିଲେ ଫେସବୁକ ଓ ଇନ୍ଷ୍ଟା: ୟୁଜରଙ୍କୁ ଏଣିକି ମାସକୁ ଦେବାକୁ ହେବ ୧୨୩୭ ଟଙ୍କା…
ନୂଆଦିଲ୍ଲୀ,୧୯/୦୩: ମାଇକ୍ରୋବ୍ଲଗିଂ କମ୍ପାନି ଟୁଇଟର ପେଡ୍ ସର୍ଭିସ ଆରମ୍ଭ କରିବା ପରେ ଏବେ ଏହି ଧାରାରେ ସାମିଲ ହୋଇଛନ୍ତି ସୋସିଆଲ ମିଡିଆ ପ୍ଲାଟଫର୍ମ ଫେସବୁକ ଓ ଇନ୍ଷ୍ଟାଗ୍ରାମ । ଏହି ୨ କମ୍ପାନି ଆଣିଛନ୍ତି ବ୍ଲୁ-ଟିକ ସର୍ଭିସ । ପ୍ରାଥମିକ ପର୍ଯ୍ୟାୟରେ ଏହାକୁ ଆମେରିକାରେ ଆରମ୍ଭ କରାଯାଇଛି । ତେବେ ଏହାକୁ ଶୀଘ୍ର ଅନ୍ୟ ଦେଶଗୁଡିକରେ ମଧ୍ୟ ଶୁଭାରମ୍ଭ କରାଯିବ ।
ଏଣିକି ଫେସବୁକ ଓ ଇନ୍ଷ୍ଟାର କୌଣସି ବି ୟୁଜର ନିଜ ଆକାଉଣ୍ଟରେ ବ୍ଲୁ-ଟିକ ଲଗାଇପାରିବେ । ୱେବରେ ସାଇନଅପ୍ କରୁଥିବା ୟୁଜରଙ୍କୁ କେବଳ ଫେସବୁକରେ ବ୍ଲୁ-ଟିକ ମିଳିବ । ମୋବାଇଲ ୟୁଜରଙ୍କୁ ଉଭୟ ଫେସବୁକ ଓ ଇନଷ୍ଟାଗ୍ରାମ ଲାଗି ବ୍ଲୁ-ଟିକ୍ ମିଳିପାରିବ । ୱେବ୍ ୟୁଜର ସାଇନ ଅପ୍ ଉପରେ ପ୍ରତି ମାସ ୧୧.୯୯ ଡଲାର (୯୮୯ ଟଙ୍କା) ଏବଂ ମୋବାଇଲ ୟୁଜରଙ୍କୁ ୧୪.୯୯ ଡଲାର (୧୨୩୭ ଟଙ୍କା) ଦେବାକୁ ପଡିବ । ଏହି ସେବା ନେବାକୁ ଚାହୁଁଥିବା ଗ୍ରାହକ ଏକ ସରକାରୀ ପରିଚୟପତ୍ର ଦେଇ ପ୍ରୋଫାଇଲକୁ ଭେରିଫାଏଡ କରିପାରିବେ । ବ୍ଲୁ-ଟିକ ଏକ ଭେରିଫିକେସନ ବ୍ୟାଜ ହୋଇଥିବା ବେଳେ ବ୍ୟକ୍ତି ବିଶେଷଙ୍କ ଏହା ପ୍ରକୃତ ଆକାଉଣ୍ଟ ବୋଲି ଦର୍ଶାଇଥାଏ । ଏହା ସାଧାରଣତଃ ପବ୍ଲିକ ଫିଗର, ସେଲିବ୍ରିଟି ଏବଂ ବ୍ରାଣ୍ଡକୁ ପ୍ରତିନିଧିତ୍ୱ କରିଥାଏ ।
