ବ୍ରହ୍ମପୁର,୨୪।୬ : ନାବାଳିକା ଦୁଷ୍କର୍ମ ଅଭିଯୋଗରେ ନକଲି ଡାକ୍ତର ସହ ୨ ଜଣ ମହିଳାଙ୍କୁ ବ୍ରହ୍ମପୁର ବୈଦ୍ୟନାଥପୁର ଥାନା ପୁଲିସ ଗିରଫ କରିଛି। ବାଜପେୟୀ ଆରୋଗ୍ୟଧାମ ମାଲିକ ଡ଼ା.ଭବାନୀ ଶଙ୍କର ଦାଶଙ୍କ ସମେତ ଦୁଇ ଜଣ ମହିଳାଙ୍କୁ ପୁଲିସ ଗିରଫ କରିଛି।
ଜନୈକ ଅଙ୍ଗଡ଼ାୱାଡି କର୍ମୀଙ୍କ ସଂସ୍ପର୍ଶରେଆସିଥିଲେ ପୀଡ଼ିତାଙ୍କ ମାଆ । ବାଜପେୟୀ ଆରୋଗ୍ୟଧାମର ମାଲିକ ଜଣେ ଉତ୍ତମ ବ୍ୟକ୍ତି ବୋଲି ପୀଡ଼ିତାଙ୍କ ମାଆଙ୍କୁ ଅଙ୍ଗନାବାଡ଼ି କର୍ମୀ କହିଥିଲେ । ବିଏସସି ନର୍ସିଙ୍ଗ ପାଠ ପଢା ବିନା ଖର୍ଚ୍ଚରେ ପଢାଇବାକୁ କହି ପରିବାରବର୍ଗଙ୍କ ବିଶ୍ୱାସ ଭାଜନ ଭବାନୀ ସୃଷ୍ଟି କରିଥିଲେ। ଭବାନୀଙ୍କ କଥାରେ ବିଶ୍ୱାସ କରି ନାବାଳିକାକୁ ତାଙ୍କ ମା’ ଛାଡିଥିଲେ । କୋର୍ଟପେଟା ଛକରେ ଥିବା ରାଜାରାଣୀ ଏର୍ପାଟାମେଣ୍ଟର ପ୍ରଥମ ମହଲାରେ ବାଜପେୟୀ ଆରୋଗ୍ୟଧାମ ରେ ନାବାଳିକାଙ୍କୁ ତାଙ୍କ ମା’ ଛାଡିଥିଲେ। ପରେ ସେହି ଆର୍ପଟମେଣ୍ଟର ତୃତୀୟ ମହଲାରେ ୩୦୨ ନମ୍ବର ରୁମରେ ପୀଡ଼ିତାଙ୍କୁ ନିଶା ପାଣି ଦେଇ ଭବାନୀ ଦୁଷ୍କର୍ମ କରିଥିଲେ । ନାବାଳିକା ଜଣକ ସେଠାରୁ ଆସି ସମ୍ପର୍କୀୟ ମାଉସୀଙ୍କୁ ଘଟଣା ବିଷୟରେ ଜଣାଇଥିଲେ। ଗତକାଲି ଥାନାରେ ମାମଲା ରୁଜୁ ପରେ ପୁଲିସ ଘଟଣାର ତଦନ୍ତ କରି ଭବାନୀ ସହ ୨ ଜଣ ମହିଳାଙ୍କୁ ଗିରଫ କରିଛି। ଦୁଇଜଣ ମହିଳା ଭବାନୀଙ୍କୁ ସହଯୋଗ କରିଥିଲେ। ଜଣେ ପରିଚିତ କରାଇଥିଲେ ଏବଂ ଅନ୍ୟ ଜଣେ ପାଣି ପିଇବାକୁ ଦେଇଥିଲେ । ଭବାନୀଙ୍କ ହୋମିଓ ପାଥିକ ଡାକ୍ତରର ସାର୍ଟିଫିକେଟ ନକଲି ଥିବା ପୁଲିସ ଜାଣିବାକୁ ପାଇଛି। ଏହାର ଅଧିକ ତଦନ୍ତ ଚାଲିଥିବା ସୂଚନା ଦେଇଛନ୍ତି ବ୍ରହ୍ମପୁର ଏସ. ପି ।
