ଜୁନିଅର ଏନଟିଆରଙ୍କ ଜନ୍ମଦିନ ପାଳନ କରିବାକୁ ଏମିତି କିଛି କଲେ ଫ୍ୟାନ୍ସ, ୯ ଜଣଙ୍କୁ ଗିରଫ କଲା ପୋଲିସ

ନୂଆଦିଲ୍ଲୀ ୨୪/୦୫: ସାଉଥ୍ ଫିଲ୍ମ ସୁପରଷ୍ଟାର ଜୁନିଅର ଏନଟିଆରଙ୍କ ପାଇଁ ସାରା ବିଶ୍ୱରେ ଏକ ଭିନ୍ନ ପ୍ରକାରର କ୍ରେଜ ଦେଖିବାକୁ ମିଳେ। ତାଙ୍କ ଫିଲ୍ମର ରିଲିଜ୍ ଫ୍ୟାନ୍ସଙ୍କ ପାଇଁ କୌଣସି ଉତ୍ସବଠାରୁ କମ୍ ନୁହେଁ। ମେ ୨୦ ରେ, ଅଭିନେତା ତାଙ୍କର ୪୦ ତମ ଜନ୍ମଦିନ ପାଳନ କରିଥିଲେ। ଯାହାକୁ ତାଙ୍କ ଫ୍ୟାନ୍ସ ଭିନ୍ନ ଭିନ୍ନ ଅନ୍ଦାଜରେ ପାଳନ କରିଥିଲେ। କିନ୍ତୁ କିଛି ପ୍ରଶଂସକଙ୍କ ଏପରି ପାଗଳାମି ଦେଖାଯାଇଛନ୍ତି ଯାହା ଦେଖି ଲୋକ ଆଶ୍ଚର୍ଯ୍ୟ ହୋଇଯାଇଛନ୍ତି।

ସୂଚନା ଅନୁଯାୟୀ, କିଛି ପ୍ରଶଂସକ ଜୁନିଅର ଏନଟିଆରଙ୍କ ଜନ୍ମଦିନ ପାଳନ କରିବା ପାଇଁ ୨ ଛେଳିକୁ ବଳି ଦେଇଥିଲେ। ଏହା ପରେ, ସେମାନଙ୍କ ରକ୍ତକୁ ଅଭିନେତାଙ୍କ ଫ୍ଲେକ୍ସି ଉପରେ ଢାଳିଥିଲେ। ତେବେ କର୍ଣ୍ଣାଟକ ପୋଲିସ ଏହି ଘଟଣାରେ ୯ ଜଣଙ୍କୁ ଗିରଫ କରିଛି। ତେବେ ଫ୍ୟାନ୍ସଙ୍କ ଏପରି କାର୍ଯ୍ୟରେ ସମସ୍ତେ ଚକିତ ହୋଇଛନ୍ତି।

ଏଥିସହିତ ଜୁନିଅର ଏନଟିଆରଙ୍କ ଜନ୍ମଦିନରେ ଆଉ ଏକ ଘଟଣା ମଧ୍ୟ ସାମ୍ନାକୁ ଆସିଛି। ସୁପରଷ୍ଟାରଙ୍କ ୪୦ ତମ ଜନ୍ମଦିନରେ ତାଙ୍କର ୨୦ ବର୍ଷ ପୁରୁଣା ଫିଲ୍ମ ‘ସିହ୍ମାଦାରୀ’ ପୁନଃ ରିଲିଜ୍ କରାଯାଇଥିଲା। ଏହି ଫିଲ୍ମ ପାଇଁ ପ୍ରେକ୍ଷାଳୟରେ ବହୁ ସଂଖ୍ୟାରେ ଜନସମାଗମ ହୋଇଥିଲା। ପ୍ରଶଂସକମାନେ ଖୁସିରେ ଥିଏଟର ଭିତରେ ବାଣ ଫୁଟାଇଥିଲେ, ଯେଉଁଥିପାଇଁ ଥିଏଟରରେ ନିଆଁ ଲାଗିଯାଇଥିଲା।