ଭୁବନେଶ୍ଵର, ୨୧/୦୩ : ହୁ ହୁ ହୋଇ ଜଳୁଛି ପାହାଡ଼ି ଜଙ୍ଗଲ। ନିଆଁ ଲାଗି ନଷ୍ଟ ହେଲାଣି ହେକ୍ଟର ହେକ୍ଟର ଜଙ୍ଗଲ। ଗଞ୍ଜାମ ଜିଲ୍ଲା ଦକ୍ଷିଣ ଘୁମୁସର ବନଖଣ୍ଡର ଆସ୍କା ବନାଞ୍ଚଳ ଧରାକୋଟ ସେକ୍ସନ୍ ବାହାରପୁରୁ ପଞ୍ଚାୟତ ଟିଣିଟିଣିଆ ପଲ୍ଲୀ କୁଠାରୀ ପାହାଡ଼ ଆମ୍ବଡା ଜଙ୍ଗଲରେ ଲାଗିଛି ନିଆଁ। ନିଆଁକୁ ଆୟତ୍ତ କରିବାରେ ବନବିଭାଗ ଫେଲ୍। ସେହିପରି ଶେରଗଡ଼ ସୁଲିଆ ପାହାଡ଼ରେ ମଧ୍ୟ ନିଆଁ ଲାଗି ପାହାଡ଼ ଜଳୁଥିବା ନଜର ଆସୁଛି।
ଖରା ଦିନିଆ ଜଙ୍ଗଲ ପୋଡ଼ିକୁ ରୋକିବା ପାଇଁ ବନବିଭାଗ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି। ପାହାଡ଼ି ଅଞ୍ଚଳର ଗାଁ ଲୋକମାନଙ୍କୁ ସଚେତନ ମଧ୍ୟ କରାଯାଉଛି। ବର୍ତ୍ତମାନ ମାର୍ଚ୍ଚ ମାସ ଚାଲିଥିବା ବେଳେ ଆଗକୁ ଏପ୍ରିଲ୍ ଓ ମେ ମାସ ରହିଛି । ସେ ସବୁ ମାସ ଗୁଡ଼ିକରେ ଗ୍ରୀଷ୍ମ ପ୍ରବାହ ବଢିବା ସହ ଜଙ୍ଗଲରେ ନିଆଁ ଲାଗିବାର ସମ୍ଭାବନା ଆହୁରି ଅଧିକ ରହୁଛି। ଜଙ୍ଗଲ ନିଆଁକୁ ପ୍ରତିହିତ କରିବାକୁ ବନ ବିଭାଗ ପାଇଁ ବଡ଼ ଚ୍ୟାଲେଞ୍ଜ ପାଲଟିଛି।
ଏହି ଖବରଟିକୁ ପଢନ୍ତୁ-ଅନ୍ତର୍ଜାତୀୟ ବନ ଦିବସ: ଜଳୁଛି ଜଙ୍ଗଲ, ଥମୁନି ବନ୍ୟଜନ୍ତୁ ଶିକାର
