ପାଳ ବୋଝେଇ ଟ୍ରାକ୍ଟରରେ ଲାଗିଲା ନିଆଁ
ସାନଖେମୁଣ୍ଡି, ୨୬।୧ ସାନଖେମୁଣ୍ଡି ଖଲିଙ୍ଗୀ ପାଟପୁର ମୁଖ୍ୟ ରାସ୍ତା ଖଲିଙ୍ଗୀ ସାହି ମଝିରେ ଟ୍ରାକ୍ଟରଟି ପାଳ ବୋଝେଇ କରି ନେଉଥିବା ହଠାତ ନିଆଁ ଲାଗି ଯାଇଥିଲା। ଘଟଣା ସ୍ଥଳରେ ସ୍ଥାନୀୟ ଲୋକମାନେ ଏବଂ ଦିଗପହଣ୍ଡି ଅଗ୍ନିଶମ ବିଭାଗ ପହଞ୍ଚି ନିଆଁ ଲିଭାଇବାକୁ ଉଦ୍ୟମ କରୁଛନ୍ତି । ଖଲିଙ୍ଗୀ ବାସୁଦେବପୁର ବୁଡୁ ପ୍ରଧାନଙ୍କ ଟ୍ରାକ୍ଟରରେ ନିଆଁ ଲାଗି ପୋଡି ଯାଇଛି। ଅଗ୍ନିକାଣ୍ଡ ପ୍ରକୃତ କାରଣ ଜଣା ପଡି ନାହିଁ।
ଏକ ଘରୋଇ ବସ ବିଦ୍ୟୁତ ତାର ଛିଣ୍ଡାଇ ଦେଇଥିଲା। ଯାହା ଫଳରେ ସେହି ବିଦ୍ୟୁତ ତାର ସଂସ୍ପର୍ଶରେ ଆସି ଏଭଳି ହୋଇଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ବସ ଡ୍ରାଇଭର ବସଟିକୁ ରାସ୍ତା ଉପରେ ରଖି ଫେରାର ହୋଇ ଯାଇଛନ୍ତି। ଅଗ୍ନିଶମ ବିଭାଗ ର ତଦନ୍ତ ପରେ ପ୍ରକୃତ କାରଣ ସ୍ୱଷ୍ଟ ହେବ। ବର୍ତ୍ତମାନ ବିଦ୍ୟୁତ ସରବରାହ ବନ୍ଦ କରାଯାଇଛି।
ଅଳ୍ପକେ ଗୋଟିଏ ବଡ଼ ଅଘଟଣ ବର୍ତ୍ତି ଯାଇଛନ୍ତି ସ୍ଥାନୀୟ ଲୋକମାନେ। କାରଣ ସେହି ସ୍ଥାନଟି ଜନଗହଳି ପୂର୍ଣ୍ଣ ସ୍ଥାନ। ସବୁ ସମୟରେ ଗହଳି ଚହଳି ଲାଗି ରହି ଥାଏ। ନିକଟ ପଞ୍ଚାୟତ ଲୋକେ ଏଠି ସନ୍ଧ୍ୟା ସମୟରେ ରୁଣ୍ଡ ହୋଇ ଥାନ୍ତି।।
