ନୂଆଦିଲ୍ଲୀ ୨୬/୦୫: ବୈଜ୍ଞାନିକମାନେ ପୃଥିବୀ ବାହାରେ ଜୀବଜଗତର ଅନୁସନ୍ଧାନ ଚଳାଇଥିବାବେଳେ ମଙ୍ଗଳ ଗ୍ରହରୁ ପ୍ରଥମ ଥର ଏଲିଅନ୍ ସଙ୍କେତ ପୃଥିବୀକୁ ମିଳିଛି । ୟୁରୋପୀୟ ମହାକାଶ ସଂସ୍ଥାର ଏକ୍ସୋମାର୍ସ ଟ୍ରେସ୍ ଗ୍ୟାସ୍ ଅର୍ବିଟର (ଟିଜିଓ) ଗତ ବୁଧବାର ରାତି ୯ଟାରେ ମଙ୍ଗଳ କକ୍ଷରେ ଘୂରିବା ସମୟରେ ପୃଥିବୀକୁ ଏକ ଏନ୍କୋଡେଡ୍ ବାର୍ତ୍ତା ପଠାଇଛି, ଫଳରେ ଯେତେବେଳେ ଅନ୍ୟ ଏକ ସଭ୍ୟତାରୁ ଏକ ବାସ୍ତବ ସଙ୍କେତ ମିଳେ, ଏହି ସ୍ଥିତିର ଅନୁକରଣ ହୋଇପାରିବ । ୧୬ ମିନିଟ୍ରେ ଏହି ସଙ୍କେତ ଗ୍ରହଣ କରାଯାଇଛି ।
ବାହ୍ୟ ସଭ୍ୟତାରୁ ଏକ ବାର୍ତ୍ତା ଗ୍ରହଣ କରିବା ସମଗ୍ର ମାନବ ଜାତି ପାଇଁ ଗଭୀର ପରିବର୍ତ୍ତନକାରୀ ଅନୁଭବ ହେବ ବୋଲି ଏ ସାଇନ୍ ଇନ୍ ସ୍ପେସ୍ ପ୍ରୋଜେକ୍ଟରେ ସଂଶ୍ଳିଷ୍ଟ ଡାନିଏଲା ଡି ପଲିସ୍ କହିଛନ୍ତି । ରିସର୍ଚ୍ଚ ଫର୍ ଏକ୍ସଟ୍ରାଟେରେଷ୍ଟ୍ରିୟାଲ ଇଣ୍ଟେଲିଜେନ୍ସ (ସେଟି) ଇନ୍ଷ୍ଟିଚ୍ୟୁଟ୍ର କଳାକାର ଥିବା ପଲିସ୍ ଅନ୍ତର୍ଜାତୀୟ ବିଶେଷଜ୍ଞ ଟିମ୍, ମହାକାଶ ବୈଜ୍ଞାନିକ ଏବଂ ବାହ୍ୟ ଜଗତରୁ ଆସିଥିବା ଅଲୌକିକ ବାର୍ତ୍ତାକୁ ଡିକୋଡ୍ ଓ ବ୍ୟାଖ୍ୟା କରିବାର ପ୍ରକ୍ରିୟାର ଅନ୍ୱେଷଣ ଲାଗି ଏକ ପ୍ରୋଜେକ୍ଟ ଆରମ୍ଭ କରିବାକୁ କଳାକାରମାନଙ୍କୁ ଏକତ୍ର କରିଥିଲେ ।
ୟୁରୋପୀୟ ଯାଞ୍ଚ୍ ଜରିଆରେ ଦିଆଯାଇଥିବା ଏହି ସଙ୍କେତ ଗ୍ରୀନ୍ ବ୍ୟାଙ୍କ୍ ଟେଲିସ୍କୋପ୍ (ୱେଷ୍ଟ୍ ଭର୍ଜିନିୟା), ଦ ମେଡିସିନା ରେଡିଓ ଆଷ୍ଟ୍ରୋନୋମିକାଲ ଷ୍ଟେସନ୍ (ଇଟାଲି), ଦ ଆଲେନ ଟେଲିସ୍କୋପ୍ ଆରେ (କାଲିଫର୍ଣ୍ଣିୟା) ଏବଂ ଭେରି ଲାର୍ଜ ଆରେ (ନ୍ୟୁ ମେକ୍ସିକୋ) ଦ୍ୱାରା ଗ୍ରହଣ କରାଯାଇଥିଲା । ବିଶେଷଜ୍ଞମାନଙ୍କୁ ଏହି ବାର୍ତ୍ତାର ଡିକୋଡ୍ ଓ ବ୍ୟାଖ୍ୟା ଲାଗି ପଲିସ୍ ଅନୁରୋଧ କହିଛନ୍ତି । ଏହି ଡିକୋଡ୍ ଓ ବ୍ୟାଖ୍ୟା ପ୍ରକ୍ରିୟା ବାର୍ତ୍ତାର ଉଭୟ ବୈଷୟିକ ଓ ସାଂସ୍କୃତି ବିଷୟବସ୍ତକୁ ନିର୍ଦ୍ଧାରଣ କରିବ ବୋଲି ପ୍ରୋଜେକ୍ଟ ୱେବ୍ସାଇଟ୍ ଉଲ୍ଲେଖ କରିଛି । ପଲିସ୍ ଓ ତାଙ୍କ ଟିମ୍ ଏହି ବାର୍ତ୍ତାକୁ ଡିଜାଇନ୍ କରିବା ସହିତ ଏନ୍କୋଡ୍ କରିଛନ୍ତି । ତେବେ ଏହାର ପରିଣାମକୁ ସେମାନେ ଏବେ ସାମ୍ନାକୁ ଆଣିନାହାନ୍ତି।
