PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନରେ ବାୟୁସେନାର ବିମାନ କ୍ରାସ୍‌: ଖସିବା ମାତ୍ରେ ଲାଗିଲା ନିଆଁ, ପ୍ରଚଣ୍ଡ ଶବ୍ଦରେ ଥରି ଉଠିଲା ପୁରା ଗାଁ
  • ||
  • ଧାନବାଦ: ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଡାକ୍ତର ଦମ୍ପତ୍ତିଙ୍କ ସହ ୬ ମୃତ, ଅଳ୍ପକେ ଉଦ୍ଧାର ହେଲେ ରୋଗୀ
  • ||
  • ମଧ୍ୟପ୍ରଦେଶରେ ବାୟୁସେନାର ଯୁଦ୍ଧ ବିମାନ ସୁଖୋଇ ଓ ମିରାଜ ୨୦୦୦ ଦୁର୍ଘଟଣାଗ୍ରସ୍ତ
  • ||

ପ୍ରଥମେ ରେଳ ଇଞ୍ଜିନ୍‌ , ଏହାପରେ ବ୍ରିଜ୍‌ ଓ ଏବେ ମୋବାଇଲ ଟାୱାର ଚୋରି ; ବିହାରରେ ଅଜବ ଘଟଣା !

ପାଟନା : ବିହାରରେ ଯେମିତି ଖାଲି ଅଜବ ଧରଣର ଘଟଣା ସବୁ ଘଟି ଚାଲିଛି। କେବେ ରେଳ ଇଞ୍ଜିନ୍‌ ଚୋରି ହୋଇ ଯାଉଛି ତ କେବେ ପୋଲ ଚୋରି ହୋଇ ଯାଉଛି, ଆଉ ଏବେ ଏକ ଆଶ୍ଚର୍ଯ୍ୟ କରିଦେବା ଭଳି ମାମଲା ସାମ୍ନାକୁ ଆସିଛି  , ଯାହାକି ଚୋରମାନେ ମୋବାଇଲ ଟାୱାର ବି ଚୋରି କରି ନେଇଛନ୍ତି । ଏହି ଘଟଣା ପାଟଣାର ଗର୍ଦନିବାଗ ଅଞ୍ଚଳରେ ଘଟିଛି , ଯେଉଁଠି ଜିଟିପିଏଲ ଟାୱାରର ଅଧିକାରୀ ହୋଇ ଚୋର ଦଳ ମୋବାଇଲ ଟାୱାରକୁ ଉଠେଇ ନେଇଛନ୍ତି। କାହାକୁ ବି କିଛି ସୁରାକ ଟିକେ ମିଳିଲା ନାହିଁ।  ଲୋକେ ଭାବିଲେ କି ଏମାନେ ଟାୱାର କମ୍ପାନୀର କର୍ମଚାରୀ ,  ଚୋର ଏତେ ଚତୁର କି କିଛି ଘଣ୍ଟାରେ ଟାୱାରର ସବୁ ଜିନିଷ ଖୋଲି ଟ୍ରକ୍‌ରେ ଲଦି ନେଇ ଚାଲିଗଲେ । ଏହି ଘଟଣା ସାମ୍ନାକୁ ଆସିବା ପରେ ପାଟନା ପୁଲିସ ଯାଞ୍ଚରେ ଲାଗିଛି  , ଗର୍ଦନିବାଗ ଥାନାରେ ଚୋରି ମାମଲା ରୁଜୁ ହୋଇଛି ।  

Gmail ବ୍ୟବହାର କରୁଛନ୍ତି କି ? ଏହି ୪ ଦରକାରୀ ଫିଚରକୁ ଜାଣି ନିଅନ୍ତୁ

ଉଲ୍ଲେଖନୀୟ ଯେ,  ଚୋରମାନେ ପୂର୍ବରୁ ହିଁ ପୁଲିସର ନିଦ ହଜେଇ ଦେଇଛନ୍ତି ଏବଂ ଏବେ ମୋବାଇଲ ଟାୱାର ଚୋରିର ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । ଦିନ ଦ୍ୱିପ୍ରହରରେ ଟାୱାର ଚୋରି ହୋଇଗଲା । ପ୍ରଶାସନକୁ କିଛି ବି ମାଲୁମ ପଡ଼ିଲାନି । ଏହା ପୂର୍ବରୁ ବିହାରର ଭିନ୍ନ ଭିନ୍ନ ଜିଲ୍ଲାରେ ରେଲ ଇଞ୍ଜିନ ଓ ଲୁହା ଚୋରି ହେବା ଘଟଣା ସାମ୍ନାକୁ ଆସିଥିଲା। ଚୋରି ଗ୍ୟାଙ୍ଗ ସୁଢ଼ଙ୍ଗ କରି ଚୋରି କରିବାରେ ସଫଳ ହୋଇଥିଲେ ଏବଂ ଲକ୍ଷ ଲକ୍ଷ ଟଙ୍କା ମୂଲ୍ୟର ରେଲୱେର ଜିନିଷ ହୋଇ କରି ନେଇଥିଲେ । ଖାଲି ଏତିକି ନୁହେଁ ବିହାରରେ ଚୋରମାନେ ପୋଲକୁ ବି ଛାଡ଼ି ନାହାନ୍ତି । ପୋଲର ଅନେକ ଲୁହା ଜିନିଷ ଚୋର ମାନେ ଗାଏବ କରି ଦେଇ ଥିଲେ।

ହେଲେ ଅନେକ ମାମଲାର ପୁଲିସ ଖୁଲାସା ବି କରିଛି ଏବଂ ଏଥିରେ ସଂପୃକ୍ତ ଅନେକ ଲୋକଙ୍କୁ ବି ଗିରଫ କରିଛି । କିନ୍ତୁ ଏବେ ବିହାରରେ ଚୋରି ଘଟଣା ଯେମିତି ଏକ ସାଧାରଣ ଘଟଣା ପାଲଟି ଗଲାଣି । ଚୋରମାନେ ବଡ଼ ଚତୁରତାର ସହ ଏସବୁ କାମ କରୁଛନ୍ତି । ଏବେ ଦେଖିବାକୁ ବାକି ରହିବା ପାଟନାରେ ମୋବାଇଲ ଟାୱାରର ଚୋରଙ୍କୁ କୁ ପୁଲିସ କେତେ ଶୀଘ୍ର ଗିରଫ କରୁଛି।