ନୂଆଦିଲ୍ଲୀ, ୨୮/୦୫ : ଦେଶର ନୂତନ ସଂସଦ ଭବନର ଅନେକ ଉପଲବ୍ଧି ରହିଛି। ନୂତନ ସଂସଦ ଗୃହକୁ ଫୁଲ୍‌ପ୍ରୁଫ୍ ସାଇବର ସିଷ୍ଟମ କରାଯାଇଛି। ଏହି ସିଷ୍ଟମକୁ ଡିଜାଇନ୍ କରିଥିବା ବିଶେଷଜ୍ଞମାନେ ଏହାକୁ 'ଷ୍ଟେଟ୍ ଅଫ୍ ଆର୍ଟ' ସାଇବର ସିକ୍ୟୁରିଟି ନାମରେ ନାମିତ କରିଛନ୍ତି। ଅର୍ଥାତ୍ ସାଇବର ସୁରକ୍ଷା କ୍ଷେତ୍ରରେ, ଅତ୍ୟାଧୁନିକ ସୁରକ୍ଷା କର୍ଡନ୍। ଏହି ସିଷ୍ଟମକୁ 'ପ୍ରୋ ଆକ୍ଟିଭ୍ ସାଇବର ସିକ୍ୟୁରିଟି' ମଧ୍ୟ କୁହାଯାଏ। ନୂଆ ସଂସଦ ଭବନରେ ଚୀନ୍, ପାକିସ୍ତାନ ସମେତ ଅନ୍ୟ କୌଣସି ଦେଶର ହ୍ୟାକର୍ସମାନେ ହ୍ୟାକ୍ କରିପାରିବେ ନାହିଁ। କେବଳ ସେତିକି ନୁହେଁ, ସଂସଦ ଗୃହର ସାଇବର ସୁରକ୍ଷା ବ୍ୟବସ୍ଥା ଏତେ ଶକ୍ତିଶାଳୀ ଯେ 'ଇଣ୍ଟରନେଟର ଅଣ୍ଡରୱାର୍ଲ୍ଡ' ନାମରେ ଜଣାଶୁଣା ସାଇବର ଅପରାଧର କଳା ଦୁନିଆ ଡାର୍କ ୱେବ୍ ସଂସଦର ଆଇଟି ସିଷ୍ଟମକୁ ଭେଦ କରିପାରିବ ନାହିଁ।

ଭେଦ କରିପାରିବେନି ହ୍ୟାକର-

କୌଣସି ହ୍ୟାକର୍ ଏଠାକାର ଯନ୍ତ୍ରପାତିକୁ ଭେଦ କରିପାରିବେ ନାହିଁ। ଏଥିପାଇଁ ଏହାକୁ 'ଷ୍ଟେଟ୍ ଅଫ୍ ଆର୍ଟ' କୁହାଯାଏ। ସଂସଦ ଗୃହର ପ୍ରତ୍ୟେକ କୋଣରେ 'ଡିଜିଟାଲ୍ ସିସିଟିଭି'ର ଏକ କର୍ଡନ୍ ରହିଛି। ଏଥିରେ କୃତ୍ରିମ ଇଣ୍ଟେଲିଜେନ୍ସର ସାହାଯ୍ୟ ମଧ୍ୟ ନିଆଯାଇଛି। କୌଣସି ଜରୁରୀକାଳୀନ ପରିସ୍ଥିତିକୁ ମୁକାବିଲା କରିବା ପାଇଁ ଡବଲ୍ ସିକ୍ୟୁରିଟି ଅପରେଟିଂ ସିଷ୍ଟମ୍ ଡିଜାଇନ୍ କରାଯାଇଛି। ସଂସଦ ଗୃହରେ ଏକ ଇଣ୍ଟିଗ୍ରେଟେଡ୍ ଇଣ୍ଟରନେଟ୍ ନେଟୱାର୍କ ବ୍ୟତୀତ ଏୟାର-ଗ୍ୟାପ୍ କମ୍ପ୍ୟୁଟର ଟେକ୍ନୋଲୋଜି ମଧ୍ୟ ରହିବ। ଏୟାର ଗ୍ୟାପ୍ କମ୍ପ୍ୟୁଟର, ନେଟୱର୍କ ସହ ଜଡିତ ଉପକରଣ ସହ ୱାୟାରଲେସ୍ କିମ୍ଵା ଭୌତିକ ରୂପରେ କନେକ୍ଟ ହୋଇପାରିବ ନାହିଁ।

ରାନ୍ସମୱେୟାରରେ ସୁରକ୍ଷିତ ରହିବ ସଂସଦ ଗୃହର ତଥ୍ୟ-
ସାଇବର ଆକ୍ରମଣରେ ଫିସିଂ ଏବଂ ରାନ୍ସମୱେୟାର ଘଟଣା ବଢିବାରେ ଲାଗିଛି। ରାନ୍ସମୱେୟାର ହେଉଛି ଏହା କୌଣସି ଘରୋଇ ଏବଂ ସରକାରୀ ଅନୁଷ୍ଠାନକୁ ଅସୁବିଧାରେ ପକାଇଥାଏ। ଏହା ମାଧ୍ୟମରେ କମ୍ପ୍ୟୁଟର ସିଷ୍ଟମର ଫାଇଲ ଗୁଡ଼ିକ ଏନକ୍ରିପ୍ଟ କରିଦିଆଯାଏ। ଅର୍ଥାତ୍ ଡାଟା ହ୍ୟାକ୍ ହୋଇଯାଏ। ଏପରି ପରିସ୍ଥିତିରେ, ଯଦି କାହାର ବ୍ୟାକଅପ୍ ଫାଇଲ୍ ନାହିଁ, ତେବେ ସେ ବଡ ଅସୁବିଧାରେ ପଡ଼ିପାରନ୍ତି।