ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ଶେଷ ହୋଇଛି। ଆଉ ଏହାରି ଭିତରେ ଏନଡିଏ ମେଣ୍ଟ ବହୁମତ ହାସଲ କରିଛି ଏବଂ ନୂତନ ସରକାର ଗଠନ ପାଇଁ ନୂତନ ପ୍ରୟାସ ଆରମ୍ଭ କରିଛି। ମେଣ୍ଟର ସହଯୋଗୀ ଦଳ ଗୁଡ଼ିକର ଶୀର୍ଷ ନେତା ମାନଙ୍କ ମଧ୍ୟରେ ବୈଠକ ଏବଂ ଆଲୋଚନା ଆରମ୍ଭ ହୋଇଛି। ଏହି ସମୟରେ, ନୂଆ ସରକାରଙ୍କ କ୍ୟାବିନେଟରେ ପ୍ରତ୍ୟେକ ଦଳର ଆସନ ଭାଗବଣ୍ଟାକୁ ନେଇ ଖବର ସାମ୍ନାକୁ ଆସୁଛି । ମନ୍ତ୍ରୀଙ୍କ ସଂଖ୍ୟା ସମ୍ପର୍କରେ ଗୁରୁତ୍ୱପୂର୍ଣ୍ଣ ସୂଚନା ଏବେ ବିଭିନ୍ନ ଜାତୀୟ ଗଣମାଧ୍ୟମ ରିପୋର୍ଟ କରୁଛି। ସୂତ୍ର ଅନୁସାରେ, ବିଧାୟକଙ୍କ ସଂଖ୍ୟା ଆଧାରରେ, ପ୍ରତ୍ୟେକ ଦଳର ଜଣେ ମନ୍ତ୍ରୀ ନୂତନ ସରକାରଙ୍କ କ୍ୟାବିନେଟରେ ଯୋଗ ଦେବାକୁ ଯାଉଛନ୍ତି ।
ବିଭିନ୍ନ ବୈଠକ ମଧ୍ୟରେ, ଏନଡିଏର ସହଯୋଗୀ ଦଳ ନେତା ମାନେ କହିଛନ୍ତି ଯେ, ସରକାର ଗଠନର ସମସ୍ତ କାର୍ଯ୍ୟ ଗୋଟିଏରୁ ଦୁଇ ଦିନ ମଧ୍ୟରେ ସମାପ୍ତ ହେବ। ସୂତ୍ର ଅନୁସାରେ ପ୍ରତ୍ୟେକ ଦଳ ପ୍ରତି ଛଅ ବିଧାୟକଙ୍କ ପାଇଁ ଗୋଟିଏ ମନ୍ତ୍ରୀ ପଦବୀ ପାଇପାରନ୍ତି। ଏହି ଫର୍ମୁଲା ସମସ୍ତ ଦଳ ମଧ୍ୟରେ କାର୍ଯ୍ୟକାରୀ ହେବ। ଏନଡିଏର ସହଯୋଗୀ ଦଳଗୁଡ଼ିକ ମଧ୍ୟରେ ଏହି ପ୍ରସଙ୍ଗରେ ଏକ ସହମତି ପ୍ରକାଶ ପାଇଛି ବୋଲି ସୂଚନା ଆସିଛି। ଏପରି ପରିସ୍ଥିତିରେ, ମନ୍ତ୍ରିମଣ୍ଡଳର ଗଠନ ଏହିପରି ହୋଇପାରେ …
ବିଜେପି- ୧୫/୧୬
ଜେଡିୟୁ- ୧୪
ଏଲଜେପି (ଆର) ୩
ଆରଏଲଏମ- ୧
ହାମ- ୧
ତେବେ ନୂତନ ସରକାରଙ୍କ ଶପଥ ଗ୍ରହଣ ସମାରୋହ ସମ୍ପର୍କରେ ଏକ ପ୍ରଶ୍ନର ଉତ୍ତରରେ, କେନ୍ଦ୍ର ମନ୍ତ୍ରୀ ଏବଂ ଏଲଜେପି ମୁଖ୍ୟ ଚିରାଗ ପାସୱାନ କହିଛନ୍ତି କି,"ଏହା ଖୁବ୍ ଶୀଘ୍ର ହେବ । ଆଲୋଚନା ଚାଲିଛି। ସରକାରଙ୍କ ରୂପରେଖ ଉପରେ ସ୍ପଷ୍ଟତା ଆସିବ। ମୁଁ ଭାବୁଛି ଆଜି ରାତି ସୁଦ୍ଧା, ମୁଁ ବରିଷ୍ଠ କେନ୍ଦ୍ର ମନ୍ତ୍ରୀମାନଙ୍କ ସହିତ ମଧ୍ୟ କଥା ହେବି, ଏବଂ ରୂପରେଖ ଆଜି କିମ୍ବା କାଲି ସୁଦ୍ଧା ପ୍ରସ୍ତୁତ ହୋଇଯିବ। ଆମକୁ ନଭେମ୍ବର ୨୨ ପୂର୍ବରୁ ସରକାର ଗଠନ କରିବାକୁ ପଡିବ।
