ପ୍ରମୁଖ ଖବର
  • ବିଜେପି ନୀଳଗିରି ବିଧାୟକ ଇଂ ସୁକାନ୍ତ ନାୟକ
  • ||
  • ଏପ୍ରିଲ୍‌ ୨ରୁ ନୂଆ ଶ୍ରେଣୀରେ ପଢ଼ିବେ ପିଲା, ନିର୍ଦ୍ଧାରିତ ସମୟରେ ବଣ୍ଟନ ହେବ ପାଠ୍ୟପୁସ୍ତକ
  • ||
  • ଏବେଠୁ ଜଳିଲାଣି ସାରା ଓଡ଼ିଶା, ଦିନ ସାଢେ ୧୧ଟାରେ ଟପିଗଲା ୩୬ ଡିଗ୍ରୀ
  • ||
  • ବିଜେଡିରେ ମିଶିଲେ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ, ବଲାଙ୍ଗୀର ଲୋକସଭା ପ୍ରାର୍ଥୀ ନେଇ ଚର୍ଚ୍ଚା
  • ||
  • ବିଶ୍ୱରେ ୩୦% ହାରରେ ବଢ଼ୁଛି ଏଆଇ ନିଯୁକ୍ତି, ମେଶିନ ଲଣ୍ଣିଂ ସହ ଜଡିତ ପ୍ରଫେସନାଲଙ୍କ ବଢ଼ୁଛି ଚାହିଦା
  • ||
  • ବିଜେପିରେ ଟିକଟ କସରତ: ଆଜି ଆସିପାରେ ଦ୍ୱିତୀୟ ପର୍ଯ୍ୟାୟ ତାଲିକା, କୋର୍ କମିଟି ବୈଠକରେ ଚୂଡ଼ାନ୍ତ
  • ||
  • ବିଜେପି ଛାଡିଲେ ସାଲେପୁର ପୂର୍ବତନ ବିଧାୟକ ପ୍ରକାଶ ବେହେରା
  • ||

'ସଲମାନ ଖାନଙ୍କୁ ହତ୍ୟା କରିବା ମୋ ଜୀବନର ସବୁଠୁ ବଡ ଲକ୍ଷ୍ୟ': ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ

ନୂଆଦିଲ୍ଲୀ ୧୯/ ୦୩: ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ପୁଣି ସୁପରଷ୍ଟାର ସଲମାନ ଖାନଙ୍କୁ ଧମକ ଦେଇଛି । ଜେଲ୍‌ରେ ଥାଇ ବି ତା'ର ତୋଡ କମୁନି । କଳା ହରିଣ ହତ୍ୟା କରି ସଲମାନ ଖାନ ଆମ ସମ୍ପ୍ରଦାୟଙ୍କୁ ଅପମାନିତ କରିଥିବା କହିଥିଲା ଲରେନ୍ସ ବିଷ୍ଣୋଇ । ଏବେ ପୁଣି ଜେଲ୍‌ରୁ ଖୋଲାଖୋଲି ଭାବେ ସଲମାନ ଖାନଙ୍କୁ ଧମକ ଦେଇଛି । ପୂର୍ବରୁ ସେ ସଲମାନ ଖାନ ଓ ତାଙ୍କ ପିତା ସଲିମ ଖାନଙ୍କୁ ହତ୍ୟା କରିବାକୁ ଧମକପୂର୍ଣ୍ଣ ଚିଠି ଦେଇଥିଲା ଲରେନ୍ସ । ପଞ୍ଜାବୀ ଗାୟକ ସିଦ୍ଧୁ ମୁସେଓ୍ବାଲା ହତ୍ୟାକାଣ୍ଡର ମାଷ୍ଟର ମାଇଣ୍ଡ ଲରେନ୍ସ ବିଷ୍ଣୋଇ ଗିରଫ ହୋଇ ଜେଲରେ ରହିଛି । କିନ୍ତୁ ହାଜତରେ ଥାଇ ବି ଭିଡିଓ ବାର୍ତ୍ତା ଜାରି କରି ଧମକ ଦେଉଛି ।

ଲରେନ୍ସ ବିଷ୍ଣୋଇ ଜାରି କରିଥିବା ଭିଡିଓ ଫୁଟେଜରେ କହିଛି ଯେ, 'ମୋ ଜୀବନର ଲକ୍ଷ୍ୟ ହେଉଛି ସଲମାନ ଖାନଙ୍କୁ ହତ୍ୟା କରିବା । ଯଦି ସେ ବିକାନେରରେ ଥିବା ଆମ ମନ୍ଦିରକୁ ଯାଇ କ୍ଷମା ନମାଗିବେ ତେବେ ତାଙ୍କୁ ହତ୍ୟା କରିବି । ଯଦି ତାଙ୍କ ସୁରକ୍ଷା ବ୍ୟବସ୍ଥା ହଟାଇଦିଆଯିବ ତେବେ ମୁଁ ନିଶ୍ଚୟ ହତ୍ୟା କରିବି । କିନ୍ତୁ ଯଦି ସେ କ୍ଷମା ମାଗନ୍ତି ତେବେ ବର୍ତ୍ତିଯିବେ । ସଲମାନ ଖାନ ହେଉଛନ୍ତି ଜଣେ ଅହଂକାରୀ ମଣିଷ । ସିଦ୍ଧୁ ମୁସେଓ୍ବାଲା ମଧ୍ୟ ଅହଂକାରୀ ଥିଲା । ସଲମାନ ଖାନଙ୍କ ଅହଂକାର ରାବଣ ଠାରୁ ବି ଅଧିକ'।

ସୂଚନାଯୋଗ୍ୟ ଯେ, ଲୋକପ୍ରିୟ ପଞ୍ଜାବୀ ଗାୟକ ସିଦ୍ଧୁ ମୁସେଓ୍ବାଲାଙ୍କୁ ଦିନ ଦ୍ବିପ୍ରହରେ ହତ୍ୟା କରାଯାଇଥିଲା । ଗତ ବର୍ଷ ମେ ୨୯ ତାରିଖରେ ଘର ଠାରୁ କିଛି ଦୂରେ ତାଙ୍କୁ ହତ୍ୟା କରାଯାଇଥିଲା । ହତ୍ୟାକାଣ୍ଡର ମୁଖ୍ୟ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ସମେତ ଆଉ କିଛି ଅଭିଯୁକ୍ତଙ୍କୁ ଗିରଫ କରାଯାଇଥିଲା । ୨୦୨୨ରେ ମଧ୍ୟ ସେ ସଲମାନ ଖାନଙ୍କୁ ହତ୍ୟା କରିବାକୁ ଧମକ ଦେଇଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.