PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ: ରେଞ୍ଜରଙ୍କ ହେପାଜତରେ ଅଭିଯୁକ୍ତଙ୍କ ମୃତ୍ୟୁ, ବଡ଼ମ୍ବା ରେଞ୍ଜରଙ୍କ ସମେତ ୧୫ ଅଟକ
  • ||
  • ଭୁବନେଶ୍ୱର: ଥଣ୍ଡା ଜ୍ୱରରେ ରାଜ୍ୟ କଲବଲ: ପୀଡ଼ିତ ଶିଶୁଙ୍କ ସଂଖ୍ୟା ୩ଗୁଣ ବଢ଼ିଛି, ଚିନ୍ତାରେ ଅଭିଭାବକ
  • ||
  • ଭୁବନେଶ୍ୱର: ବରମୁଣ୍ଡା ବସ୍ ଷ୍ଟାଣ୍ଡରେ ବୋମାମାଡ଼, ଜଣେ ଅଟକ
  • ||
  • ଭୁବନେଶ୍ୱର: ସରିଲା ଖଣ୍ଡଗିରି କୁମ୍ଭମେଳା, ଫେରିଲେ ସାଧୁସନ୍ଥ
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ତ୍ରୀବତା ଥିଲା ୭.୮
  • ||

ରୋଜ୍‌ ଡେ’ରେ ପ୍ରେମୀଯୁଗଳ ଫେରାର

source:www.amarujala.com

ଭୁବନେଶ୍ୱର,୮ ।୨(ବ୍ୟୁରୋ): ରୋଜ ଡେ’ସେଲିବ୍ରେସନ ଚାଲିଲା । ଗୋଲାପ ଦିଆନିଆ ବି ହେଲା । ଏହାପରେ ଆଉ ମନ ଥୟ ଧରିଲାନି । ପ୍ରେମିକଙ୍କ ସହ ଖସି ପଳାଇଲେ । ଟ୍ୟୁସନ ବାହାନାରେ ଘରୁ ଖସି ପଳାଇଥିବା ଦୁଇ ନାବାଳିକାଙ୍କୁ କ୍ୟାପିଟାଲ ଥାନା ପୁଲିସ ଉଦ୍ଧାର କରିଛି । ପରିବାର ଲୋକଙ୍କ ଅଭିଯୋଗ ପରେ ପୁଲିସ ଅପହରଣ ମାମଲା ରୁଜୁ କରି ଅଭିଯୁକ୍ତ ପ୍ରେମିକଙ୍କୁ ଖୋଜୁଛି । ପୁଲିସଠାରୁ ମିଳିଥିବା ସୂଚନା ମୁତାବକ, ସୂର୍ଯ୍ୟନଗର ଅଞ୍ଚଳରେ ଦୁଇ ସାଙ୍ଗ (ଲିଲି,ପ୍ରୀତି, ଛଦ୍ମନାମ) ସ୍ଥାନୀୟ ବାଳିକା ଉଚ୍ଚ ବିଦ୍ୟାଳୟରେ ଦଶମ ଶ୍ରେଣୀରେ ପଢ଼ନ୍ତି । ଉଭୟେ ଗତକାଲି ସକାଳେ ଟ୍ୟୁସନ ନାଁରେ ଗଙ୍ଗନଗର ଛକକୁ ଯିବେ ବୋଲି କହି ସାଇକେଲରେ ଘରୁ ବାହାରିଥିଲେ । ହେଲେ ଟ୍ୟୁସନ ନ ଯାଇ ଉଭୟେ ସେମାନଙ୍କ ପ୍ରେମିକଙ୍କୁ ଭେଟିଥିଲେ । ସକାଳୁ ଗୋଟିଏ ପାର୍କରେ ରୋଜ ଡେ’ ସେଲିବ୍ରେସନ ଚାଲିଲା । ପରେ ଆଉ ଘରକୁ ଯିବାକୁ ମନ ହେଲାନି । ପ୍ରେମିକଙ୍କ ସହ ବାଇକ୍‌ରେ ନିର୍ଧୁମ ବୁଲିିଲେ । ଟ୍ୟୁସନରୁ ନ ଫେରିବାରୁ ଉଭୟଙ୍କ ଘରେ ଭାଳେଣି ପଡ଼ିଥିଲା । ଅନେକ ଖୋଜାଖୋଜି ପରେ ନ ପାଇବାରୁ ପରିବାର ଲୋକ ଥାନାରେ ଅଭିଯୋଗ କରିଥିଲେ । ପୁଲିସ ଉଭୟ ମୋବାଇଲ ନମ୍ବର ଟ୍ରାକ୍‌ କରି ୨ ନାବାଳିକାଙ୍କୁ ନୟାଗଡ଼ରୁ ଉଦ୍ଧାର କରିଥିଲା । ହେଲେ ପ୍ରେମିକଙ୍କୁ ପାଇନଥିଲା । ନାବାଳିକା ଦ୍ୱୟଙ୍କୁ ପୁଲିସ ପରିବାର ଲୋକଙ୍କୁ ହସ୍ତାନ୍ତର କରିଛି । ଏବେ ଅଭିଯୋଗ ମୁତାବକ, ପ୍ରେମିକଙ୍କୁ ଧରିବାକୁ ଖୋଜାଖୋଜି ଆରମ୍ଭ କରିଛି ।