ନୂଆଦିଲ୍ଲୀ,୨୫।୩: ଗୁଇନ୍ଦା ବିଭାଗରୁ ମିଳିଥିବା ସୂଚନା ଅନୁସାରେ ଆତଙ୍କବାଦୀମାନେ ମୁମ୍ବାଇ, ଦିଲ୍ଲୀ କିମ୍ବା ଗୋଆ ଭଳି ସହରରେ ଆକ୍ରମଣ ଯୋଜନା କରୁଛନ୍ତି। ଫଳରେ ଦିଲ୍ଲୀ, ମୁମ୍ବଇ ଏବଂ ଗୋଆରେ ହାଇ ଆଲର୍ଟ ଜାରି କରାଯାଇଛି। ସ୍ଥାନୀୟ ପୁଲିସ୍ ଓ ସୁରକ୍ଷା ବାହିନୀକୁସଜାଗ ରହିବାକୁ କୁହାଯାଇଛି। ଏହି ୩ ସହରର ଗୀର୍ଜା ଗୁଡିକ ଉପରେ ଆତଙ୍କବାଦୀମାନେ ଆକ୍ରମଣ ପାଇଁ ଯୋଜନା କରୁଛନ୍ତି। ବଡ଼ ଗାଡ଼ି କିମ୍ବା ଛୁରି ଯୋଗେ ଆତଙ୍କବାଦୀମାନେ ଏହି ଆକ୍ରମଣ କରିପାରନ୍ତି ।
ମୁମ୍ବାଇରେ ଇସ୍ରାଏଲର ଦୂତାବାସ, ମହାବାଣିଜ୍ୟିକ ଦୂତାବାସ ଏବଂ ଛାବଡ଼ ହାଉସରେ ସୁରକ୍ଷା ବ୍ୟବସ୍ଥାକୁ ବଢାଇବାକୁ ନିର୍ଦେଶ ଦିଆଯାଇଛି। ଏହି ଆକ୍ରମଣ ନ୍ୟୁଜିଲାଣ୍ଡର କ୍ରାଇଷ୍ଟଚର୍ଚରେ ମସଜିଦରେ ମୁସଲମାନଙ୍କ ଉପରେ ହୋଇଥିବା ଆକ୍ରମଣର ପ୍ରତିଶୋଧ ନେବାକୁ ଭାରତରେ ଆକ୍ରମଣ ପାଇଁ ଯୋଜନା କରାଯାଇଛି ବୋଲି ଗୁଇନ୍ଦା ବିଭାଗ ପକ୍ଷରୁ ସୂଚନା ଦିଆଯାଇଛି।
