PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଜେବି କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର
  • ||
  • ୨୦୨୨-୨୩ ବଜେଟ୍‌ : ଶିକ୍ଷା ଓ ଦକ୍ଷତା ବିକାଶ କ୍ଷେତ୍ର ପାଇଁ ୨୭,୩୨୪କୋଟି ଟଙ୍କା ଆବଣ୍ଟନ
  • ||
  • ଉଦୟପୁର ହତ୍ୟାକାଣ୍ଡ ଘଟଣା : କୋର୍ଟ ୪ ଅଭିଯୁକ୍ତଙ୍କୁ ୧୦ଦିନର NIA ରିମାଣ୍ଡରେ ପଠାଇଲେ
  • ||
  • ଭୁବନେଶ୍ବର ପରେ କଟକରେ ମାସ୍କ ପିନ୍ଧିବା ବାଧ୍ୟତାମୂଳକ
  • ||
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ସେନା କିମ୍ବା ସାଧାରଣ ଲୋକ ନୁହେଁ, କେବଳ ଆତଙ୍କବାଦୀ ଟାର୍ଗେଟରେ ଥିଲେ: ବୈଦେଶିକ ସଚିବ

ନୂଆଦିଲ୍ଲୀ,୨୬।୨: ପୁଲଓ୍ବାମାରେ ହୋଇଥିବା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେଇଛି ଭାରତ। ଏଲଓସି ପାର କରି ଆତଙ୍କବାଦୀ କ୍ୟାମ୍ପକୁ ସମ୍ପୂର୍ଣ୍ଣ ଭାବରେ ନଷ୍ଟ କରିଦେଇଛି ଭାରତୀୟ ବାୟୁସେନା। ସୋମବାର ବିଳମ୍ବିତ ରାତି ପ୍ରାୟ ୩ଟା୩୦ ମିରାଜର ୧୨ଟି ଫାଇଟର ଜେଟ୍ ଯୋଗେ ଆକ୍ରମଣ କରିଥିଲେ ଓ ମୁଜାଫରବାଦ, ବାଲକୋଟ ଓ ଚକୋଟ ସ୍ଥିତ ଆତଙ୍କବାଦୀ କ୍ୟାମ୍ପ ଉପରେ ବୋମା ବର୍ଷଣ ହୋଇଥିଲା। ଏଥରେ ଆତଙ୍କବାଦୀଙ୍କ କ୍ୟାମ୍ପ ସମ୍ପୂର୍ଣ୍ଣ ଭାବରେ ନଷ୍ଟ ହୋଇଯାଇଛି। ଭାରତୀୟ ବାୟୁସେନାର ଏହି ବଡ କାର୍ଯ୍ୟାନୁଷ୍ଠାନରେ ବୈଦେଶିକ ସଚିବ ବିଜୟ ଗୋଖଲେ କହିଛନ୍ତି ୧୪ ଫେବୃଆରୀରେ ଜୈଶ-ଏ-ମହମ୍ମଦ ସିଆରପିଏଫ୍ ଉପରେ ଆକ୍ରମଣ କରିଥିଲା। ଏଥିରେ ୪୦ ଜଣ ଯବାନ ନିହତ ହୋଇଥିଲେ। ଏହି ସଂଗଠନ ପାକିସ୍ତାନରେ ଦୁଇ ଦଶକ ଧରି ସକ୍ରିୟ ରହିଛି।  ପାକିସ୍ତାନକୁ ତାଙ୍କର କ୍ୟାମ୍ପ ବିଷୟରେ ଲଗାତାର ସୂଚନା ଦିଆଯାଉଛି କିନ୍ତୁ ସେ ଏହାକୁ ମନା କରିଦେଇଛନ୍ତି। ସେମାନେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହାଁନ୍ତି।ଆମେ ଗୁଇନ୍ଦା ସୂଚନାକୁ ଆଧାର କରି ସକାଳେ ବାଲକୋଟରେ ଏୟାରଷ୍ଟ୍ରାଇକ କରିଥିଲୁ। ଏଥିରେ କେବଳ ଆତଙ୍କବାଦୀ ନିହତ ହୋଇଛନ୍ତି। କୌଣସି ସାଧାରଣ ଲୋକଙ୍କ କ୍ଷତି ହୋଇନାହିଁ। ଆମେ ସେନା କିମ୍ବା ସାଧାରଣ ଲୋକଙ୍କୁ ନୁହେଁ କେବଳ ଆତଙ୍କବାଦୀଙ୍କୁ ଟାର୍ଗେଟ କରିଥିଲୁ। ବାୟୁସେନା ଘଞ୍ଚ ଜଙ୍ଗଲରେ ଜୈଶର ବଡ କ୍ୟାମ୍ପ ଉପରେ ଏହି ସର୍ଜିକାଲ ଷ୍ଟ୍ରାଇକ୍ କରିଛି।

source: https://www.livehindustan.com

ଆମକୁ ସୂଚନା ମିଳିଥିଲା ଯେ ଦେଶରେ ଆହୁରି ଆତଙ୍କବାଦୀ ଆକ୍ରମଣ ହୋଇପାରେ। ଏହାପରେ ଭାରତ ବାଲକୋଟରେ ଜୈଶ କ୍ୟାମ୍ପ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଯେଉଁଥିରେ ଜୈଶ ଆତଙ୍କୀ ଓ ଟ୍ରେନର ନିହତ ହୋଇଛନ୍ତି। ଜୈଶ କମାଣ୍ଡର ୟୁସୁଫ୍ ଆଝାର ମଧ୍ୟ ନିହତ ହୋଇଛି। ସେ ଏହି କ୍ୟାମ୍ପକୁ ଚଳାଉଥିଲା। ଭାରତ ପାଇଁ ଏହି ସର୍ଜିକାଲ ଷ୍ଟ୍ରାଇକ୍ ଖୁବ୍ ଜରୁରୀ ଥିଲା। ବୈଦେଶିକ ମନ୍ତ୍ରଣାଳୟର ଏହି ସାମ୍ବାଦିକ ସମ୍ମିଳନୀ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଘରେ ସିସିଏସର ବୈଠକ ହୋଇଥିଲା। ଯେଉଁଥିରେ ନିର୍ମଳା ସୀତାରମଣ, ବୈଦେଶିକ ମନ୍ତ୍ରୀ ସୁଷମା ସ୍ବରାଜ, ଗୃହମନ୍ତ୍ରୀ ରାଜନାଥ ସିଂ ଓ ଏନ୍ଏସ୍ଏ ଅଜିତ ଡେଭାଲ ଉପସ୍ଥିତ ଥିଲେ। ସୂଚନା ଅନୁସାରେ ବାୟୁସେନାର ୧୨ ମିରାଜ ୨୦୦୦ ମିରାଜ ଆତଙ୍କବାଦୀଙ୍କ କ୍ୟାମ୍ପ ଉପରକୁ ୧୦୦୦ କିଲୋଗ୍ରାମର ବିସ୍ଫୋରକ ପକାଇଥିଲା ଯେଉଁଥିରେ ୨୦୦ ରୁ ୩୦୦ ଆତଙ୍କବାଦୀ ନିହତ ହୋଇଥିବା କଥା କୁହାଯାଉଛି।