ସ୍ତ୍ରୀଙ୍କୁ ଛାଡିଥିବା ୪୫ ଜଣ ଏନ୍ଆରଆଇଙ୍କ ପାସପୋର୍ଟ ରଦ୍ଦ କଲେ ସରକାର
ନୂଆଦିଲ୍ଲୀ,୪।୩:କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ମେନକା ଗାନ୍ଧି କହିଛନ୍ତି ସରକାର ୪୫ଜଣ ପ୍ରବାସୀ ଭାରତୀୟ(ଏନ୍ଆରଆଇ)ଙ୍କ ପାସପୋର୍ଟ ରଦ୍ଦ କରିବାର ନିଷ୍ପତ୍ତି ନେଇଛନ୍ତି। ଏହି ସମସ୍ତେ ନିଜର ସ୍ତ୍ରୀଙ୍କୁ ଛାଡିଦେଇଛନ୍ତି। ମେନକା କହିଛନ୍ତି ଏହି ମାମଲାକୁ ଦେଖିବା ପାଇଁ ଗଠନ କରାଯାଇଥିବା ଇଣ୍ଟିଗ୍ରେଟେଡ୍ ନୋଡାଲ ଏଜେନ୍ସି ଏନ୍ଆରଆଇ ଲୋକଙ୍କ ବିବାହ ମାମଲାରେ ଫେରାର ଥିବା ସ୍ବାମୀଙ୍କ ପାଇଁ ଲୁକ୍-ଆଉଟ୍ ସର୍କୁଲାର ଜାରି କରିଛନ୍ତି ଓ ବୈଦେଶିକ ମନ୍ତ୍ରଣାଳୟ ୪୫ଟି ପାସପୋର୍ଟକୁ ରଦ୍ଦ କରିଦେଇଛି। ଏଜେନ୍ସିର ମୁଖ୍ୟ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ସଚିବ ରାକେଶ ଶ୍ରୀବାସ୍ତବ ଅଛନ୍ତି। ମେନକା କହିଛନ୍ତି ସରକାର ଏଭଳି ମହିଳାଙ୍କୁ ନ୍ୟାୟ ଦେବା ପାଇଁ ରାଜ୍ୟସଭାରେ ଏକ ବିଲ୍ ଆଗତ କରିଛି ଯେଉଁମାନଭ୍କୁ ତାଙ୍କର ସ୍ବାମୀମାନେ ଛାଡିକି ଚାଲିଯାଇଛନ୍ତି।
