ବେଙ୍ଗାଲୁର,୧୯।୭: କର୍ଣ୍ଣାଟକରେ ଏବେ ବି ଜାରି ରହିଛି ରାଜନୈତିକ ସଙ୍କଟ। ବିଧାସଭାରେ କାଲିଠାରୁ କଂଗ୍ରେସ ଓ ଜେଡିଏସର କୁମାରସ୍ବାମୀ ସରକାରଙ୍କ ଶକ୍ତି ପରୀକ୍ଷଣ ଜାରି ରହିଛି, କିନ୍ତୁ ସରକାର ରହିବ କି ନାହିଁ, ଏହି ପ୍ରଶ୍ନ ସମୟ ସହିତ ଅଡୁଆ ହେବାରେ ଲାଗିଛି। ଶୁକ୍ରବାର ବହୁମତ ପ୍ରମାଣିତ କରିବା ପାଇଁ ରାଜ୍ୟପାଳଙ୍କ ପକ୍ଷରୁ ଦିଆଯାଇଥିବା ଦ୍ବିପ୍ରହର ସାଢେ ଗୋଟାଏ ପର୍ଯ୍ୟନ୍ତର ଡେଡଲାଇନ୍ ମଧ୍ୟ ସରିଯାଇଛି। ଏବେ ରାଜ୍ୟରେ ରାଜନୈତିକ ଘଟଣାକ୍ରମ ଆଗକୁ କେଉଁ ମୋଡ ନେବ ତାହା ସ୍ପଷ୍ଟ ହୋଇପାରିନାହିଁ। ଏହା ମଧ୍ୟରେ କଂଗ୍ରେସ ଓ ଜେଡିଏସର ବିଧାୟକମାନେ ଗୃହକୁ ଅପରାହ୍ନ ୩ଟା ପର୍ଯ୍ୟନ୍ତ ମୁଲତବୀ ରଖିଥିଲେ।
wp:gallery {"ids":[28001]}
ଚର୍ଚ୍ଚା ସମୟରେ ମୁଖ୍ୟମନ୍ତ୍ରୀ କୁମାରସ୍ବାମୀ କହିଛନ୍ତି, ପ୍ରଥମେ ରାଜ୍ୟରେ ଜାରି ରାଜନୈତିକ ସଙ୍କଟ ଉପରେ ଚର୍ଚ୍ଚା ହେବ। ଏହାପରେ ଆସ୍ଥା ଭୋଟ ହେବ। ରାଜ୍ୟରେ ଯେବେଠାରୁ ଜେଡିଏସ୍-କଂଗ୍ରେସ ସରକାର ଗଠନ ହୋଇଛି ସେବେଠାରୁ ଏହାକୁ ଭାଙ୍ଗିବାକୁ ଚେଷ୍ଟା କରାଯାଉଛି। ପ୍ରସଙ୍ଗ ଉପରେ ଚର୍ଚ୍ଚା ହେବା ଦରକାର। ବିଜେପି ଏବେ ବି ସରକାର ଗଠନ କରିପାରେ। କୌରସି ତରବର ହେବା ଦରକାର ନାହିଁ, ଆପଣମାନେ ସୋମବାର କିମ୍ବା ମଙ୍ଗଳବାର ମଧ୍ୟ ସରକାର ଗଠନ କରିପାରନ୍ତି।
wp:gallery {"ids":[28002]}
ପୂର୍ବରୁ ଏହି ପ୍ରସଙ୍ଗରେ କର୍ଣ୍ଣାଟକ ବିଧାନସଭାର ବାଚସ୍ପତି ରମେଶ କୁମାର ବିଜେପିକୁ କହିସାରିଛନ୍ତି, ଯେଉଁ ପର୍ଯ୍ୟନ୍ତ ଚର୍ଚ୍ଚା ହୋଇନାହିଁ ସେ ଯାଏ ଆପଣ ଆସ୍ଥା ଭୋଟ ପାଇଁ କହିପାରିବେ ନାହିଁ। ବିଜେପି ପକ୍ଷରୁ ଅଭିଯୋଗ କରାଯାଇଛି ଜେଡିଏସ୍ ଓ କଂଗ୍ରେସ ବିଧାନସଭାରେ ଆସ୍ଥା ଭୋଟ୍ କରାଇ ଦେବାକୁ ଚାହୁଁନାହିଁ। ଏ ପ୍ରସଙ୍ଗରେ ପୁଣିଥରେ ରାଜ୍ୟପାଳଙ୍କୁ ଭେଟିବେ।
