PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ଶ୍ରୀଗୁଣ୍ଡିଚା ମନ୍ଦିର ଆଗରେ ଲାଗିଲା ତିନି ରଥ
  • ||
  • ଜଳେଶ୍ବର : ରଥଟଣାବେଳେ ଲାଗିଲା ବିଦ୍ୟୁତ ତାର, ଜଣେ ମୃତ ଓ ୭ ଗୁରୁତର
  • ||
  • ସମ୍ବଲପୁର : ପାରିବାରିକ କଳହର କରୁଣ ପରିଣତି, ସ୍ତ୍ରୀକୁ ପିଟିପିଟି ହତ୍ୟା କଲା ପିଶାଚ ସ୍ଵାମୀ
  • ||
  • ଭୁବନେଶ୍ଵର : ନିଅଣ୍ଟିଆ ଜୁନ, ଆସୁଛି ଦୁଇଟି ଲଘୁଚାପ, ୪ରୁ ବଢ଼ିବ ବର୍ଷା
  • ||
  • ପୁରୀ : ସୁଦର୍ଶନଙ୍କ ବାଲୁକାକଳା ରେକର୍ଡ, ପୁରୀ ବେଳାଭୂମିରେ ତିଆରି କଲେ ୧୨୫ ବାଲି ରଥ
  • ||
  • ଭୁବନେଶ୍ୱର : ରାଜ୍ୟରେ ଦ୍ରୁତ ଗତିରେ ବଢ଼ିଲା କରୋନା, ୨୦୦ ଟପିଲା ଦୈନିକ ସଂକ୍ରମଣ
  • ||
  • ଭୁବନେଶ୍ଵର : ଅଧାରେ ରହିଗଲା ପୁରୀ ଯାତ୍ରା, ରଥଯାତ୍ରାରେ ଆରପାରିକୁ ଚାଲିଗଲେ ବରିଷ୍ଠ ଫଟୋଗ୍ରାଫର ଅଶୋକ ପଣ୍ଡା
  • ||
  • ଭୁବନେଶ୍ଵର : ପବିତ୍ର ରଥଯାତ୍ରା ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ
  • ||

୮ ମାର୍ଚ୍ଚରୁ କମିବ କର୍କଟ ଔଷଧର ମୂଲ୍ୟ

ନୂଆଦିଲ୍ଲୀ,୧।୩: କର୍କଟ ରୋଗ ଭାରତରେ ଅସଂକ୍ରାମକ ରୋଗ ଜନିତ ଅସୁସ୍ଥତା ଏବଂ ମୃତ୍ୟୁର ଏକ ପ୍ରମୂଖ କାରଣ ଭାବେ ଉଭା ହୋଇଛି । ଦେଶରେ କର୍କଟ ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ୨୦୦୪ରେ ବାର୍ଷିକ ୮ ଲକ୍ଷ ଲୋକ କର୍କଟ ରୋଗରେ ଆକ୍ରାନ୍ତ ହେଉଥିବା ବେଳେ ୨୦୧୮ରେ ଏହା ପାଖାପାଖି ୧୫ ଲକ୍ଷରେ ପହଂଚିଛି । ଏପରିକି ଏହି ରୋଗ କାରଣରୁ ଦୁଇ-ତୃତୀୟାଂଶ ରୋଗୀଙ୍କର ମୃତ୍ୟୁ ଘଟୁଛି । ବର୍ତ୍ତମାନ ଭାରତରେ ୨୨.୫ ଲକ୍ଷ କର୍କଟ ରୋଗୀଥିବା ଆକଳନରୁ ଜଣାଯାଇଛି ।

ଅନ୍ୟ ରୋଗ ଅପେକ୍ଷା କର୍କଟ କାରଣରୁ ଚିକିତ୍ସାଜନିତ ଖର୍ଚ୍ଚ ବହୁତ ଅଧିକ । ଏହାକୁ ଆଖି ଆଗରେ ରଖି ଜାତୀୟ ଫାର୍ମାସ୍ୟୁଟିକାଲ ମୂଲ୍ୟ ନିର୍ଦ୍ଧାରଣ ପ୍ରାଧିକରଣ (ଏନପିପିଏ) ୨୬ ଫେବୃଆରୀ ୨୦୧୯ରେ ଅନୁଷ୍ଠିତ ଏକ ବୈଠକରେ ଜନ ସ୍ୱାର୍ଥକୁ ଦୃଷ୍ଟିରେ ରଖି ଅସାଧାରଣ କ୍ଷମତାର ପ୍ରୟୋଗ କରିଛି । ଔଷଧ (ମୂଲ୍ୟ ନିୟନ୍ତ୍ରଣ ନିର୍ଦ୍ଦେଶ ୨୦୧୩)ର ପାରା ୧୯ ଅନୁଯାୟୀ ୪୨ଟି ଅଣଅଧିସୂଚୀତ କର୍କଟ ନିରୋଧି ଔଷଧକୁ ମୂଲ୍ୟ ନିୟନ୍ତ୍ରଣ ବ୍ୟବସ୍ଥା ମଧ୍ୟକୁ ଅଣାଯାଇଛି । ବାଣିଜ୍ୟିକ ଲାଭ ସୀମାକୁ ଯୁକ୍ତିଯୁକ୍ତ କରାଯାଇ ଏହା କରାଯାଇଛି ।

ବର୍ତ୍ତମାନ ସୁଦ୍ଧା ଅଧିସୂଚୀତ ବ୍ୟବସ୍ଥା ଅନୁଯାୟୀ ୫୭ଟି କର୍କଟ ନିରୋଧି ଔଷଧକୁ ମୂଲ୍ୟ ନିୟନ୍ତ୍ରଣ ବ୍ୟବସ୍ଥା ମଧ୍ୟକୁ ଅଣାଯାଇଛି । ବର୍ତ୍ତମାନ ଆହୁରି ୪୨ଟି ଅଣଅଧିସୂଚୀତ କର୍କଟ ନିରୋଧି ଔଷଧକୁ ମୂଲ୍ୟ ନିୟନ୍ତ୍ରଣ ବ୍ୟବସ୍ଥା ମଧ୍ୟକୁ ଆଣିବା ଲାଗି ଏଗୁଡିକର ବିକ୍ରି ମୂଲ୍ୟ (ଏମଆରପି)ରେ ବାଣିଜ୍ୟିକ ଲାଭ ପରିମାଣକୁ ସର୍ବାଧିକ ୩୦ ପ୍ରତିଶତ ମଧ୍ୟରେ ରଖିବାକୁ ନିର୍ଦ୍ଦେଶ ଦିଆଯାଇଛି । ଏନପିପିଏ ନିକଟରେ ଉପଲବ୍ଧ ତଥ୍ୟ ଅନୁଯାୟୀ ଏହା ୭୨ଟି ବ୍ୟବସ୍ଥା ଏବଂ ୩୫୫ଟି ବ୍ରାଣ୍ଡକୁ କଭର କରିବ । ୮ ମାର୍ଚ୍ଚ ୨୦୧୯ଠାରୁ ସଂଶୋଧିତ ମୂଲ୍ୟ ଲାଗୁ ହେବ । ଏନପିପିଏ ନିକଟରେ ରହିଥିବା ତଥ୍ୟ ଅନୁଯାୟୀ, ୧୦୫ଟି ବ୍ରାଣ୍ଡର ଔଷଧ ଉପରେ ୮୫ ପ୍ରତିଶତ ପର୍ଯ୍ୟନ୍ତ ଉପଯୁକ୍ତ ମୂଲ୍ୟ ହ୍ରାସ କରାଯାଇଛି । ବର୍ତ୍ତମାନ ସୁଦ୍ଧା ପ୍ରାୟ ୧ ହଜାର ଔଷଧ ଉପରେ ମୂଲ୍ୟ ହ୍ରାସ ଲାଗୁ କରାଯାଇଛି ।

ସମ୍ବନ୍ଧିତ ଖବର