ବ୍ରିଜ୍ ତଳେ ପଡିଛି ବସ୍ତା ବସ୍ତା ସରକାରୀ ଔଷଧ
ନୟାଗଡ ୨/୨: ବ୍ରିଜ୍ ତଳେ ବସ୍ତା ବସ୍ତା ସରକାରୀ ଔଷଧ । ନୟାଗଡ ଜିଲ୍ଲା ଖଣ୍ଡପଡା ଥାନା ଗୋଛାବାରୀ ନିକଟ ବ୍ରିଜ୍ ତଳେ ବ୍ୟାପକ ପରିମାଣର ଔଷଧ ପଡିଥିବା ଦେଖିବାକୁ ମିଳିଛି । ମେଡିସିନ୍ ଗୁଡିକରେ ସରକାରୀ ଯୋଗାଣ ଲେଖାଯାଇଛି । ଅଧିକାଂଶ ମେଡିସିନ୍ ର ଏକ୍ସପାୟାରୀ ଡେଟ୍ ୨୦୧୯ ରହିଥିବା ବେଳେ କିଛି ଏକ୍ସପାରୀ ହୋଇଯାଇଛି ।
ଏତେ ପରିମାଣର ମେଡିସିନ୍ ପଡିଥିବା ଦେଖି ଗ୍ରାମବାସୀମାନେ ଅସନ୍ତୋଷ ପ୍ରକାଶ କରିଛନ୍ତି ।ଲୋକଙ୍କୁ ମେଡିସିନ୍ ଦିଆନଯାଇ କିଭଳି ଏକ୍ସପାରୀ ହୋଇଯାଉଛି ଏବଂ ସେଗୁଡିକୁ ରାସ୍ତାକଡରେ କିଏ ଫୋପାଡୁଛି ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି । ତେବେ ଏସବୁ ମେଡିସିନ୍ ପଡିଥିବା ସ୍ଥାନରୁ ନୂଆଗଡିଆସାହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ମାତ୍ର ୫୦୦ମିଟର ଦୂରରେ ରହିଥିବା ବେଳେ ଅଧିକାରୀଙ୍କ ପାଖରେ ଏନେଇ କୌଣସି ଖବର ନଥିବା ଜଣାପଡିଛି । ସେପଟେ ଜିଲ୍ଲା ମୁଖ୍ୟ ଚିକିତ୍ସାଅଧିକାରୀ ତଦନ୍ତ ପରେ କାର୍ୟ୍ୟାନୁଷ୍ଠନ ନିଆଯିବ ବୋଲି କହିଛନ୍ତି ।
