ନୂଆଦିଲ୍ଲୀ,୧୪/୧୨; ଦେଶର ସର୍ବବୃହତ୍ ଏୟାର୍ଲାଇନ୍ସ ଇଣ୍ଡିଗୋର ବ୍ୟସ୍ତବହୂଳ ଏବଂ ଜଟିଳ ଉଡ଼ାଣ ସୂଚୀ ନଭେମ୍ବରରେ ଏକ୍ଦମ୍ ବିଗିଡ଼ିଗଲା । ପାଇଲଟ୍ ଏବଂ କ୍ର୍ୟୁ ସଦସ୍ୟମାନଙ୍କୁ ଅଧିକ ଆରାମ ଦେବା ପାଇଁ ଉଦ୍ଧିଷ୍ଟ ଏକ ନୂଆ ନିୟମ ଲାଗୁ କରିବା କାଳ ହୋଇଛି । ଇଣ୍ଡିଗୋ ନ ଉଡିବାରୁ ଯାତ୍ରୀ ନାକେଦମ ହୋଇଛନ୍ତି । କିଛି ଦିନ ହେବ ଇଣ୍ଡିଗୋ ଏୟାରଲାଇନ୍ସ ଦେଶରେ ଚର୍ଚ୍ଚାର ବିଷୟ ହୋଇଛି । ଇଣ୍ଡିଗୋ ସଙ୍କଟ ସାମାନ୍ୟ ସୁଧାର ଆସିଥିଲେ ବି ଅଟକୁଛି ବେଶୀ ଉଡୁଛି କମ । ଏବେ ପ୍ରଭାବିତ ଯାତ୍ରୀଙ୍କ ସମସ୍ୟା ଦୂର ହୋଇନାହିଁ । ସମସ୍ୟା ପାଇଁ ଫସିପାରେ ଇଣ୍ଡିଗୋ । ଏମିତିକି କୋର୍ଟକୁ ମଧ୍ୟ ଟଣା ହୋଇପାରେ । ଶହ ଶହ ଲୋକ ଏବେ ଏୟାରଲାଇନ୍ସ ବିରୋଧରେ 'କ୍ଲାସ୍ ଆକ୍ସନ୍' ମାମଲା ଦାୟର କରିବାକୁ ପ୍ରସ୍ତୁତ ହେଉଛନ୍ତି । ବିମାନ ଚଳାଚଳ ବିଶେଷଜ୍ଞ ସଞ୍ଜାୟ ଲାଜାର ସୋସିଆଲ ମିଡିଆ ଏକ୍ସରେ ପୋଷ୍ଟ କରି ଏହି ଦାବି କରିଛନ୍ତି ।

ଏକ୍ସରେ ସଞ୍ଜୟ ଲେଖିଛନ୍ତି, ଏୟାରଲାଇନ୍ସ ପାଇଁ କେବଳ ଇଣ୍ଡିଗୋ ସମସ୍ୟା ଦୂର ହୋଇଛି ହେଲେ ଏବେ ବି ବହୁ ସଂଖ୍ୟକ ବିମାନ ଯାତ୍ରୀ ପ୍ରଭାବିତ ହୋଇଛନ୍ତି । ଯାତ୍ରୀମାନେ ଏବେ ବି ସାହାଯ୍ୟ ପାଇଁ ଯୋଗାଯୋଗ କରୁଛନ୍ତି । ଇଣ୍ଡିଗୋ ସଙ୍କଟରେ ପ୍ରଭାବିତ ୮୨୯ ଯାତ୍ରୀ ଏକ ସମୂହ ହୋଇଛି । ଯିଏକି ଏବେ କ୍ଷତିପୂରଣ ଦାବି କରି ଆନ୍ଦୋଳନ ପାଇଁ ପ୍ରସ୍ତୁତ ହେଉଛନ୍ତି । ଏୟାରଲାଇନ୍ସ ବିରୋଧରେ ବଡ଼ ଆକ୍ସନ ନେବାକୁ ପ୍ରସ୍ତୁତି ଚଳାଇଛନ୍ତି । ଏହା ସହିତ ସଞ୍ଜୟ ଇଣ୍ଡିଗୋ ସଙ୍କଟରେ ପ୍ରଭାବିତ ଲୋକଙ୍କୁ ଏକ ଗୋଷ୍ଠୀରେ ଯୋଗଦେବାକୁ ନିବେଦନ କରିଛନ୍ତି । ସେ କହିଛନ୍ତି ଯେ, ଯେଉଁ ଯାତ୍ରୀମାନଙ୍କର ବିମାନ ବାତିଲ ହୋଇଛି, ବିମାନବନ୍ଦରରେ ଫସି ରହିଛି କିମ୍ବା ଅନ୍ୟଥା ବିଶୃଙ୍ଖଳା ଦ୍ୱାରା ପ୍ରଭାବିତ ହୋଇଛନ୍ତି ସେମାନେ ଏହି ଗୋଷ୍ଠୀରେ ଯୋଗ ଦେଇପାରିବେ । ସେ ଗୁରୁତ୍ୱାରୋପ କରିଛନ୍ତି ଯେ. ଗ୍ରୁପରେ ଗୋଷ୍ଠୀରେ ଯୋଗଦେବା ପାଇଁ, ଯାତ୍ରୀମାନଙ୍କୁ ଏକ ଇମେଲ୍ ପଠାଇବାକୁ ପଡିବ କିମ୍ବା ପ୍ରଦାନ କରାଯାଇଥିବା ଗୁଗୁଲ୍ ଫର୍ମ ପୂରଣ କରିବାକୁ ପଡିବ ଯାହା ଦ୍ଵାରା ସେମାନେ ସାମୂହିକ ଭାବରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ।