ପଞ୍ଚମୁଖୀ ସାନିଟାରୀ ଗୋଦାମ ସହ ୪ଟି ସ୍ଥାନରେ ଜିଏସଟି ରେଡ୍, ଟିକସ ଫାଙ୍କିବା ନେଇ ଆସିଥିଲା ଅଭିଯୋଗ…
କଟକ ୦୭/୦୨: କଟକ ଓଏମପି ଛକ ନିକଟରେ ଥିବା ପଞ୍ଚମୁଖୀ ସାନିଟାରୀ ଗୋଦାମ ସହ ଚାରୋଟି ସ୍ଥାନରେ ଜିଏସଟି ବିଭାଗର ଚଢାଉ। ରମେଶ ଚନ୍ଦ୍ର ଚୌଧୁରୀଙ୍କ ବ୍ୟବସାୟିକ ପ୍ରତିଷ୍ଠନ ପଞ୍ଚମୁଖୀ ସାନିଟାରୀରେ ଚଢ଼ାଉ ଜାରି ରହିଛି। ଟିକସ ଫାଙ୍କିବା ଅଭିଯୋଗରେ ଚଢ଼ାଉ କରାଯାଇଛି। ଜିଏସ୍ଟିର ୪ଟି ଟିମରେ ୨୦ ଜଣ ଅଫିସର ରେଡ ସାମିଲ ହୋଇଛନ୍ତି।
ପୂର୍ବରୁ ଏହି ସଂସ୍ଥା ନାମରେ ଜିଏସଟି ଫାଙ୍କିବା ନେଇ ଅଭିଯୋଗ ହୋଇଥିଲା। ତେବେ ଏହି ରେଡ଼ ସମୟରେ ଜିଏସଟି କଣ ଜବତ କରିଛି ସେନେଇ ସୂଚନା ମିଳି ପାରିନାହିଁ। ଚଢାଉ ସମୟରେ ଘରୁ ନଗଦ ପାଖାପାଖି ୫ ରୁ ୬ ଲକ୍ଷ ଟଙ୍କା ଟିମ ଠାବ କରିଥିବା ସୂଚନା ମିଳୁଛି। ଏହାସହ କିଛି ଜରୁରୀ କାଗଜପତ୍ର ମଧ୍ୟ ଜବତ କରିଛି ଟିମ। ବ୍ୟବସାୟ ସମୟରେ କିଣା ବିକା ର ବ୍ୟାଙ୍କ ଚେକ ମଧ୍ୟ ଜବତ କରିଛି ଟିମ। ଅଧିକ ଚଢ଼ାଉ ଜାରି ରହିଛି। ଘଟଣା ସ୍ଥଳରେ ଟିମ ମୁତୟନ ରହିଛି। ଅଧିକ ଯାଞ୍ଚ ଜାରି ରହିଛି। ତେବେ ରେଡ଼ ସରିଲା ପରେ ପ୍ରକୃତ ତଥ୍ୟ ସାମ୍ନା କୁ ଆସିବ ବୋଲି କହିଛନ୍ତି ଜିଏସଟି ଅଧିକାରୀ।
