ରାଉରକେଲା,୨୦/୬ : ବର୍ଷା ଋତୁରେ ଡ଼ାଇରିଆ ସଂକ୍ରମଣର ଭୟ ଥିବାରୁ ଆରଏମସିର ଖାଦ୍ୟ ନିରାପତ୍ତା ବିଭାଗ ପକ୍ଷରୁ ସହରର ବିଭିନ୍ନ ସ୍ଥାନରେ ଖାଦ୍ୟ ପଦାର୍ଥର ମାନ ଯାଞ୍ଚ କରାଯାଉଛି । ଏହି କ୍ରମରେ ଗତକାଲି ଉଦିତ ନଗର ଫୁଡ୍ କୋର୍ଟ ସମେତ କୋଏଲ ନଗର ଏବଂ କଳିଙ୍ଗ ବିହାରର ବିଭିନ୍ନ ହୋଟେଲ, ଚିକେନ୍ ଦୋକାନ ଏବଂ ରାସ୍ତା କଡ଼ ଖାଦ୍ୟ ଦୋକାନ ଗୁଡ଼ିକରେ ଚଢ଼ଉ କରାଯାଇ ଖାଦ୍ୟ ନମୁନା ସଂଗ୍ରହ କରାଯାଇଛି।
ଖାଦ୍ୟ ବିକ୍ରେତାଙ୍କଠାରୁ ୫ଟି ଖାଦ୍ୟ ନମୁନା ଏବଂ ଗୋଟିଏ ପାଣି ନମୁନା ସଂଗ୍ରହ କରାଯାଇ ଏହାର ମାନ ନିରୂପଣ ପାଇଁ ପରୀକ୍ଷାଗାରକୁ ପଠାଯିବା ସହ ପ୍ରାୟ ୫କିଲୋଗ୍ରାମ ବାସି ଖାଦ୍ୟ ନଷ୍ଟ କରାଯାଇ ଜରିମାନା ଆଦାୟ କରାଯାଇଥିଲା । ଏଥିସହ ଦୋକାନରେ ପରିଷ୍କାର ଓ ପରିଚ୍ଛନ୍ନତା ବଜାୟ ରଖିବା ପୂର୍ବକ ତଟକା ଖାଦ୍ୟ ବିକ୍ରୟ ପାଇଁ ଦୋକାନୀଙ୍କୁ ପରାମର୍ଶ ଦିଆଯାଇଥିଲା।
