ଦିବ୍ୟାଙ୍ଗଙ୍କୁ ସହାୟକ ଉପକରଣ ପ୍ରଦାନ
କାଶୀପୁର ୨୬/୫: ଚଳିତ ମାସ ୨୨ ତାରିଖ ଠାରୁ ୨୯ ପର୍ଯ୍ୟନ୍ତ ବିଦ୍ୟାଙ୍ଗ ସମାଜିକ ସୁରକ୍ଷା ସପ୍ତାହ ପାଳନ ଅବସରରେ କାଶୀପୁର ତାଳୁକ ଆଇନ ସେବା ସମିତି ଏବଂ ବ୍ଲକ ମିଳିତ ଆନୁକୂଲ୍ୟରେବୃଦ୍ଧ ଏବଂ ଦିବ୍ୟାଙ୍ଗଙ୍କୁ ହୁଇଲ ଚେୟାର, ହ୍ଵାଇଟ ଷ୍ଟିକ ଭଳି ସହାୟକ ଉପକରଣ ପ୍ରଦାନ କରାଯାଇଛି । ଏହି ଅବସରରେ କାଶୀପୁର ପଞ୍ଚାୟତ ଅନ୍ତର୍ଗତ କୁମ୍ଭାର ଶିଳା ଗ୍ରାମଠାରେ ଆୟୋଜିତ କାର୍ଯ୍ୟକ୍ରମରେ ତାଳୁକ ଆଇନ ସେବା ସମିତିର ଅଧ୍ୟକ୍ଷ ତଥା ଜେ ଏମ ଏଫ ସି ଶୋଭନ କୁମାର ପଣ୍ଡା ମୁଖ୍ୟ ଅତିଥି ଏବଂ କାଶୀପୁର ବାର ଆସୋସିଏସନ ସଭାପତି, କହ୍ନେଇ ଲାଲ ଜୈନ, ବ୍ଲକ ସାମାଜିକ ସୁରକ୍ଷା ଅଧିକାରୀ ରମାକାନ୍ତକୁମ୍ବିରିକା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।
ବିଦ୍ୟାଙ୍ଗଙ୍କ ଆଇନ ଗତ ଅଧିକାର ଏବଂ ସମାଜିକ ସୁରକ୍ଷା ବ୍ୟବସ୍ଥାରେ ମିଳୁ ଥିବା ବିଭିନ୍ନ ସୁବିଧା ସମ୍ପର୍କରେ ମୁଖ୍ୟ ଅତିଥି ପଣ୍ଡାଙ୍କ ସହିତ ଅତିଥିମାନେ କହିଥିଲେ । ଏହି ଅଵସରରେ ଚାରି ଜଣଙ୍କୁ ହୁଇଲ ଚେୟାର ଏବଂ ତିନି ଜଣଙ୍କୁ ହ୍ଵାଇଟ ଷ୍ଟିକ ପ୍ରଦାନ କରାଯାଇଥିଲା ।ଅଦାଲତର କର୍ମଚାରୀଙ୍କ ମଧ୍ୟରେ ଏପିପି କରମ ଚାନ୍ଦ ପ୍ରଧାନ ସହିତ ସନ୍ତୋଷ କୁମାର ନାଏକ, ଦୁଷ୍ମନ୍ତ କୁମ୍ଭାର ପ୍ରମୁଖ ପଞ୍ଚାୟତ ପ୍ରତିନିଧି ମାନେ ଉପସ୍ଥିତ ଥିଲେ । ଆଇନ ସେବା ସମିତିର ସମ୍ପାଦକ ସୂର୍ଯ୍ୟ କାନ୍ତ ସାହୁ କାର୍ଯ୍ୟକ୍ରମକୁ ପରିଚାଳନା କରିଥିଲେ ।
