ରାଞ୍ଚି,୨୪/୧୧: ଝାଡଖଣ୍ଡରେ ପୁଣି କ୍ଷମତାକୁ ଫେରିଛି ଜେଏମଏମ୍ । ସଦ୍ୟ ପ୍ରକାଶିତ ବିଧାନସଭା ନିର୍ବାଚନରେ ଝାଡଖଣ୍ଡରେ ବାଜି ମାରି ନେଇଛି ଝାଡଖଣ୍ଡ ମୁକ୍ତି ମୋର୍ଚ୍ଚା । ଦ୍ବିତୀୟ ଥର କାର୍ଯ୍ୟକାଳ ନେଇ ସୋରନଙ୍କୁ ବହୁମତ ମିଳିଛି । ଆଜି ଅପରାହ୍ନ ୪ଟାରେ ହେମନ୍ତ ସୋରେନ ଝାଡଖଣ୍ଡ  ରାଜ୍ୟପାଳଙ୍କୁ ଭେଟିବେ । ନିଜର ଇସ୍ତଫା ପତ୍ର ଦେଇ ପୁଣି ସରକାର ଗଠନ ନେଇ ଦାବି କରିବେ ।

କଂଗ୍ରେସର ସମସ୍ତ ୧୬ ବିଧାୟକ ରାଞ୍ଚିରେ ମୁଖ୍ୟମନ୍ତ୍ରୀଙ୍କ ବାସଭବନ ଯାଇଥିବା ଦେଖିବାକୁ ମିଳିଛି । ବୈଠକରେ ହେମନ୍ତ ସୋରେନଙ୍କୁ ବିଧାୟକ ଦଳର ନେତା ବଛା ଯାଇଛି । ଝାଡଖଣ୍ଡ ନିର୍ବାଚନରେ ଜବରଦସ୍ତ ବିଜୟ ପରେ ହେମନ୍ତ ସୋରେନଙ୍କ ନେତୃତ୍ବରେ ନୂଆ ସରକାର ଗଠନ ନେଇ ପ୍ରକ୍ରିୟା ଆରମ୍ଭ ହୋଇଛି । ବିଶେଷ ସୁତ୍ରରୁ ମିଳିଥିବା ସୂଚନା ଅନୁସାରେ ଆସନ୍ତା ୨୬ ତାରିଖରେ ମୁଖ୍ୟମନ୍ତ୍ରୀ ଭାବେ ଶପଥ ନେବେ ହେମନ୍ତ ସୋରେନ । ହେମନ୍ତ ସୋରେନଙ୍କ ବ୍ୟତୀତ ଜେଏମଏମ କୋଟାରୁ ୬ଜଣ, କଂଗ୍ରେସ କୋଟାରୁ ୪ଜଣ ଏବଂ ଆରଜେଡି କୋଟାରୁ ଜଣେ ମନ୍ତ୍ରୀ ରହିବେ ।

Jharkhand CM Hemant Soren will go to Raj Bhavan in Ranchi at 4 pm to resign and stake the claim to form the government again in Jharkhand.

Hemant Soren-led JMM steered the INDIA bloc to victory with 56 seats in the 81-member Jharkhand assembly.

— ANI (@ANI) November 24, 2024

ପ୍ରକାଶ ଥାଉ କି, ନଭେମ୍ବର ୨୬ ତାରିଖରେ ଝାଡଖଣ୍ଡ ମୁଖ୍ୟନ୍ତ୍ରୀ ଭାବେ ଶପଥ ନେବେ ହେମନ୍ତ ସୋରେନ୍ । ଆଜି ଅପରାହ୍ନ ୪ଟାରେ ସେ ରାଜ ଭବନ ଯାଇ ରାଜ୍ୟପାଳଙ୍କୁ ଭେଟିବେ । ନିଜ ଇସ୍ତଫା ପତ୍ର ଦେବେ । ଏହାପରେ ପୁନର୍ବାର ସରକାର ଗଠନ ନେଇ ଦାବି କରିବେ । ଗତକାଲି (ଶନିବାର) ଝାଡଖଣ୍ଡ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇଥିଲା । 

ଏଥିରେ ଜେଏମଏମ ସରକାର ବାଜି ମାରି ନେଇଛି । ବିଧାନସଭା ନିର୍ବାଚନରେ ବିପୁଳ ଭୋଟରେ ବିଜୟ ହାସଲ କରିଛି ଦଳ । ୮୧ ଆସନରୁ ଝାଡଖଣ୍ଡ ମୁକ୍ତି ମୋର୍ଚ୍ଚା ୫୬ଟି ଆସନ ହାତେଇଛି । ବିଜେପିକୁ କେବଳ ୨୪ଟି ଆସନ ମିଳିଛି ।  ପୁଣି ଆଉ ଥରେ ହେମନ୍ତ ସୋରେନଙ୍କ ସରକାର ଗଠନ ନେଇ ପ୍ରତିକ୍ରିୟା ଆରମ୍ଭ ହୋଇଛି ।