ଭୁବନେଶ୍ୱର ୮/୬: ପୁଣି ଫେରିଲା ଫାଇନ୍ । ଜୁନ୍ ୨୩ରୁ ପୁଣି ନମ୍ବର ପ୍ଲେଟ୍ ଫାଇନ୍ ନିୟମ ଲାଗୁ ହେବ । ଏଥିପାଇଁ ଯାଞ୍ଚ କଡାକଡି ହେବ । ହାଇ ସିକ୍ୟେରିଟି ନମ୍ବର ପ୍ଲେଟ୍ ନଥିଲେ ଫାଇନ୍ ଆଦାୟ କରାହେବ । ସ୍ପେଶାଲ ଡ୍ରାଇଭ୍ କରି ଯାଞ୍ଚ ହେବ । ଯେଉଁ ଗାଡିରେ ହାଇ ସିକ୍ୟେରିଟି ନମ୍ବର ପ୍ଲେଟ୍ ନଥିବ ସେମାନଙ୍କ ପାଇଁ ୫ରୁ ୧୦ ହଜାର ଟଙ୍କା ପର୍ଯ୍ୟନ୍ତ ଇ-ଚାଲାଣ ଲାଗୁହେବ ।

ହାଇ ସିକ୍ୟେରିଟି ନମ୍ବର ପ୍ଲେଟ୍‌ ପାଇଁ କେମିତି କରିବେ ଆବେଦନ
ଯଦିଓ ଏହି ରେଜିଷ୍ଟ୍ରେସନ ପ୍ରକ୍ରିୟା ଅଲଗା ଅଲଗା ରାଜ୍ୟ ପାଇଁ ଭିନ୍ନ ଭିନ୍ନ କିନ୍ତୁ ଏହି ଉଦାହରଣରେ ଆପଣ ଆକଳନ କରିପାରିବେ ଯେ କେମିତି ଅନଲାଇନ୍ ଆବେଦନ କରିବେ । ଏଥିପାଇଁ ପ୍ରଥମେ ନିଜ ରାଜ୍ୟର ଅଫିସିଆଲ୍ ଏଚଏସଆରପି ୱେବସାଇଟକୁ ଯାଆନ୍ତୁ । ସେଠାରେ ଆପଣ ନିଜ ଗାଡି ସହିତ ଜଡିତ ସମସ୍ତ ସୂଚନା ଦେବାକୁ ହେବ । ଯେମିତିକି ଆପଣଙ୍କ ଗାଡି ପ୍ରାଇଭେଟ୍ କିମ୍ବା କମର୍ସିଆଲ୍, ଦୁଇଚକିଆ କିମ୍ବା ଚାରିଚକିଆ, କେଉଁ କମ୍ପାନୀର ଗାଡି, ଗାଡିର ନମ୍ବର କମ୍ ଆଦି ସୂଚନା ଦେବାକୁ ହେବ । ସେଠାରେ ଆପଣଙ୍କୁ ନିଜ ଡିଲର ମଧ୍ୟ ଚୟନ କରିବାକୁ ହେବ ଯାହାଠୁ ଆପଣ ଗାଡି କିଣିଛନ୍ତି ଅର୍ଥାତ୍ ଯିଏ ଆପଣଙ୍କୁ ଗାଡିରେ ହାଇ ସିକ୍ୟେରିଟି ନମ୍ବର ପ୍ଲେଟ୍ ଲଗାଇବ ।

ନଜର ପକାନ୍ତୁ ହାଇ ସିକ୍ୟୁରିଟି ନମ୍ବର ପ୍ଲେଟ୍‌ ମାମଲା : ବ୍ୟବସ୍ଥା ନଥାଇ ଡେଡ୍‌ ଲାଇନ୍‌କୁ ନାପସନ୍ଦ କଲେ ହାଇକୋର୍ଟ, ଆସନ୍ତା ୩୦ରେ ପରବର୍ତ୍ତୀ ଶୁଣାଣୀ

ଆପଣଙ୍କୁ ନିଜ ରାଜ୍ୟର ଏଚଏସଆରପି ୱେବସାଇଟ୍ ଲିଙ୍କ ଜାଣିବା ପାଇଁ ହାଇ ସିକ୍ୟେରିଟି ନମ୍ବର ପ୍ଲେଟ୍ସ କଷ୍ଟମର କେୟାର ନମ୍ବର ୦୧୧-୪୭୫୦୪୭୫୦ ରେ ଫୋନ୍ କରିବାକୁ ପଡିବ । ଆପଣ ଏହି ନମ୍ବରରେ ଫୋନ୍ କରି ସୂଚନା ନେଇପାରିବେ । ଆପଣ [email protected],[email protected] କିମ୍ବା pr[email protected] ରେ ମଧ୍ୟ ଇମେଲ୍ କରି ଜାଣିପାରିବେ ଯେ ଆପଣଙ୍କ ରାଜ୍ୟର ଏଚଏସଆରପି ୱେବସାଇଟ୍ ଲିଙ୍କ କଣ ଏବଂ କେତେ ଚାର୍ଜ  ଲାଗିବ । ଚାରିଚକିଆ ବାହନ ପାଇଁ ରେଜିଷ୍ଟ୍ରେସନ ଫିସ୍ ୬୦୦ ଟଙ୍କାରୁ ଆରମ୍ଭ କରି ୧୧୦୦ ଟଙ୍କା ପର୍ଯ୍ୟନ୍ତ ରହିଥିବାବେଳେ ଦୁଇଚକିଆ ବାହନ ପାଇଁ ୩୦୦-୪୦୦ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡିପାରେ ।

ପସନ୍ଦ ଆସିପାରେ ଏଚ୍‌ଏସ୍‌ଆର୍‌ପି ନମ୍ବର ପ୍ଲେଟ୍‌ ଲଗାଇବା ଅବଧି ସେପ୍ଟେମ୍ବର ୩୦ ଯାଏ ବୃଦ୍ଧି, ଧାର୍ଯ୍ୟ ସମୟ ଭିତରେ ନଲଗାଇଲେ କାର୍ଯ୍ୟାନୁଷ୍ଠାନ