ଆଜିଠାରୁ ଆରମ୍ଭ ହୋଇଯାଇଛି ମାର୍ଚ୍ଚ ମାସ । ଯାହା ଗ୍ରହ ଗୋଚର ଦୃଷ୍ଟିରୁ ବେଶ୍ ସ୍ୱତନ୍ତ୍ର। ଏହି ସମୟ ମଧ୍ୟରେ ଉପବାସ ଏବଂ ପର୍ବପର୍ବାଣୀ ସହିତ,ପ୍ରଭାବଶାଳୀ ଗ୍ରହମାନଙ୍କର ଗୋଚର ମଧ୍ୟ ଘଟୁଛି। ବୈଦିକ ପଞ୍ଚାଙ୍ଗ ଅନୁସାରେ, ହୋଲି ପର୍ବ ମାର୍ଚ୍ଚ ମାସରେ ପାଳିତ ହେବ।ଯାହାର ଗୋଟିଏ ଦିନ ପୂର୍ବରୁ ହୋଲିକା ଦହନ ହେବ। ହୋଲିକା ଦହନର ୮ ଦିନ ପୂର୍ବରୁ ହୋଳାଷ୍ଟକ ଆରମ୍ଭ ହୁଏ। ଯାହା ପୂର୍ବରୁ ଏଥର ସୂର୍ଯ୍ୟ ଦେବତାଙ୍କ ଗତି ପରିବର୍ତ୍ତନ ହେଉଛି। ତେବେ ଆସନ୍ତୁ ଜାଣିବା ହୋଲିକା ଦହନର କେତେ ଦିନ ପୂର୍ବରୁ ସୂର୍ଯ୍ୟ ଗୋଚର ହେବ ଏବଂ କେଉଁ ତିନୋଟି ରାଶିର ପ୍ରଭାବ ସବୁଠାରୁ ଶୁଭ ରହିବ।
ବୈଦିକ ପଞ୍ଚାଙ୍ଗ ଅନୁସାରେ,ଚଳିତ ବର୍ଷ ହୋଲି ପର୍ବ ୧୪ମାର୍ଚ୍ଚ ରେ ପାଳନ କରାଯିବ। ହୋଲିକା ଦହନ ହୋଲିର ଗୋଟିଏ ଦିନ ପୂର୍ବରୁ, ମାର୍ଚ୍ଚ ୧୩ ତାରିଖରେ ହେବ। ସେହିପରି ହୋଲାଷ୍ଟକ ୭ ମାର୍ଚ୍ଚ ରୁ ୧୩ ମାର୍ଚ୍ଚ ପର୍ଯ୍ୟନ୍ତ ହେବ। ତେଣୁ ହୋଲିକା ଦହନର ୮ ଦିନ ପୂର୍ବରୁ ଅର୍ଥାତ ମାର୍ଚ୍ଚ ୪ ତାରିଖ ମଙ୍ଗଳବାରରେ ସୂର୍ଯ୍ୟଙ୍କ ଗତି ପରିବର୍ତ୍ତନ ହେବ। ମଙ୍ଗଳବାର ସନ୍ଧ୍ୟା ୬ଟା ୪୮ ମିନିଟରେ ସୂର୍ଯ୍ୟ ଦେବତା ପୂର୍ବଭାଦ୍ରପଦ ନକ୍ଷତ୍ରରେ ଗୋଚର କରିବେ।
ସୂର୍ଯ୍ୟ ଗୋଚର ଯୋଗୁଁ ଚମକିବ ୩ ରାଶିର ଭାଗ୍ୟ
ମେଷ ରାଶି:ମେଷ ରାଶିର ଲୋକଙ୍କ ଉପରେ ସୂର୍ଯ୍ୟଙ୍କ ଗୋଚର ସବୁଠାରୁ ଶୁଭ ପ୍ରଭାବ ପକାଇବ। କର୍ମକ୍ଷେତ୍ରରେ ପ୍ରଶଂସା ମିଳିବ । ଏହି ସପ୍ତାହରେ ଆପଣଙ୍କ ଦରମା ବଢ଼ିପାରେ ବୋଲି ଆଶା କରାଯାଉଛି। ରାଜନୀତି, ଗଣମାଧ୍ୟମ ଏବଂ କଳାକ୍ଷେତ୍ର ସହିତ ଜଡିତ ଲୋକଙ୍କର ସମାଜରେ ପ୍ରତିଷ୍ଠା ବୃଦ୍ଧି ପାଇବ। ଯଦି ସ୍ୱାସ୍ଥ୍ୟ ସମ୍ବନ୍ଧୀୟ କୌଣସି ସମସ୍ୟା ଅଛି, ତେବେ ଚାପ ହ୍ରାସ ହେବାର ସମ୍ଭାବନା ଅଛି। ପାରିବାରିକ ଜୀବନରେ ଖୁସି ବଜାୟ ରହିବ।
କର୍କଟ ରାଶି:ସୂର୍ଯ୍ୟଙ୍କ ଗୋଚର କର୍କଟ ରାଶି ଲୋକଙ୍କ ଜୀବନରେ ସକାରାତ୍ମକ ପରିବର୍ତ୍ତନ ଆଣିବ। ଯଦି ଆପଣ କର୍ମକ୍ଷେତ୍ରରେ ନିଷ୍ଠାର ସହିତ କାମ କରନ୍ତି, ତେବେ ଲକ୍ଷ୍ୟ ସମୟ ମଧ୍ୟରେ ପୂରଣ ହେବ। ବ୍ୟବସାୟୀ ଏବଂ ଦୋକାନୀମାନଙ୍କର ଆର୍ଥିକ ଅବସ୍ଥା ସୁଦୃଢ଼ ହେବ। ଆପଣ ଏକ ଗାଡ଼ି କିମ୍ବା ବାଇକ୍ କିଣିବାକୁ ନିଷ୍ପତ୍ତି ନେଇପାରିବେ। ଯଦି ଆପଣଙ୍କ ପ୍ରେମ ଜୀବନରେ ବାଧା ସୃଷ୍ଟି ହେଉଛି ।ତେବେ ଆପଣ ଶୀଘ୍ର ସମସ୍ୟାର ସମାଧାନ ପାଇବେ। ଯେଉଁମାନେ ଅବିବାହିତ ହୋଲି ପୂର୍ବରୁ ସେମାନଙ୍କ ଜୀବନରେ ଜଣେ ବିଶେଷ ବ୍ୟକ୍ତିଙ୍କ ଆସିବାର ସମ୍ଭାବନା ଥାଏ।
ବିଛା ରାଶି:ହୋଲିକା ଦହନ ପୂର୍ବରୁ ସୂର୍ଯ୍ୟଙ୍କ ଗୋଚର ହେତୁ ବିଛା ରାଶିର ଲୋକଙ୍କ ଆର୍ଥିକ ସ୍ଥିତିରେ ଉନ୍ନତି ହେବ। ହଠାତ୍ ଆର୍ଥିକ ଲାଭ ହେତୁ, ଆପଣ ଆପଣଙ୍କ ଋଣ ସହଜରେ ପରିଶୋଧ କରିପାରିବେ। ନିବେଶ ଭଲ ଫଳାଫଳ ଦେବ। ପ୍ରେମ ଜୀବନରେ ସମସ୍ୟା କମିବ ଏବଂ ସମ୍ପର୍କରେ ଉନ୍ନତି ହେବ। ଯେଉଁମାନଙ୍କର ବୟସ ୫୦ ରୁ ୯୦ ବର୍ଷ ମଧ୍ୟରେ, ସେମାନଙ୍କୁ ମୁଣ୍ଡବିନ୍ଧା ଏବଂ ମାନସିକ ଚାପରୁ ମୁକ୍ତି ମିଳିବ।
