ଭୁବନେଶ୍ଵର, ୦୮/୦୮: ଫିଜିକାଲ୍ ଟେଷ୍ଟ ବେଳେ ଟଳିପଡ଼ିଲେ ହୋମଗାର୍ଡ ପରୀକ୍ଷାର୍ଥୀ। ତରତୁଆ ରିଜର୍ଭ ପଡ଼ିଆରେ ଶାରୀରିକ ପରୀକ୍ଷା ଚାଲିଥିବା ବେଳେ ଛାତ୍ର ଜଣଙ୍କ ଅସୁସ୍ଥ ହୋଇ ତଳେ ପଡ଼ିଯାଇଥିଲେ। ତାଙ୍କୁ ଉଦ୍ଧାର କରି ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
ସୂଚାନାନୁଯାୟୀ, ଖୋର୍ଦ୍ଧା କେରଙ୍ଗ ଅଞ୍ଚଳର ଇମାଦୁଲ୍ ହକ୍ ହୋମଗାର୍ଡ ପରୀକ୍ଷା ଦେବାକୁ ଆସିଥିଲେ। ତରତୁଆ ରିଜର୍ଭ ପଡ଼ିଆରେ ଶାରୀରିକ ପରୀକ୍ଷା ଚାଲିଥିବା ବେଳେ ୧୬ଶହ ମିଟର ରନିଂରେ ଭାଗ ନେଇଥିଲେ। ଦୌଡ଼ୁଥିବା ବେଳେ ଇମାଦୁଲ୍ ହଠାତ୍ ଅସୁସ୍ଥ ହୋଇ ତଳେ ପଡ଼ିଯାଇଥିଲେ। ତାଙ୍କୁ ଉଦ୍ଧାର କରି ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ମୃତକଙ୍କ ପରିବାର ଲୋକେ ସରକାରଙ୍କୁ ସହାୟତା ରାଶି ମାଗିଛନ୍ତି।
