କଳିଙ୍ଗା ୧୮/୫ ଗତ କିଛି ଦିନ ଧରି କନ୍ଧମାଳ ଜିଲ୍ଲାର ବିଭିନ୍ନ ଅଞ୍ଚଳରେ ହାତୀ ଉପଦ୍ରବ ଦେଖିବାକୁ ମିଳୁଛି। ଜି.ଉଦୟଗିରି ବ୍ଲକ ଅନ୍ତର୍ଗତ କଳିଙ୍ଗା ପଞ୍ଚାୟତର କୁରୁ୍ମିଙ୍ଗିଆ, ସୁଜେଲି, ଗାମୁଲି, ରେଟୁଡ଼ି,ପୁକୁଲିଙ୍ଗିଆ, ମାଲାନସୁଗା, ନନ୍ଦଗିରି ଭଳି ବିଭିନ୍ନ ଅଞ୍ଚଳରେ ବଣୁଆ ହାତୀପଲ କ୍ଷୟକ୍ଷତି କରିଥିବା ଜଣାପଡିଛି। ଲୋକଙ୍କ ଘର ଭାଙ୍ଗିବା ସହିତ ଫସଲ ନଷ୍ଟ କରିଛନ୍ତି। ଶୁକ୍ରବାର ବିଳମ୍ବିତ ରାତିରେ  ଦୁଇଟି ବଣୁଆ ହାତୀ ଆସି ପୁକୁଲିଙ୍ଗିଆର ପ୍ରେମଚାନ୍ଦ ନାୟକଙ୍କ ଘର ପାଖରେ ଥିବା ଆସବାବ ଫିଙ୍ଗା ଫୋପଡା କରିଥିଲେ I ପ୍ରେମଚାନ୍ଦ ଘର ବାହାରକୁ ଆସି ଦୁଇଗୋଟି ବିରାଟକାୟ ବଣୁଆ ହାତୀ ଘର ସାମନାରେ ଠିଆ ହୋଇଥିବା ଦେଖିବା ପରେ ଭୟରେ ଦୌଡ଼ି ପଳାଇଥିଲେ I ବଣୁଆ ହାତୀ ପ୍ରେମଚାନ୍ଦଙ୍କ ଘରକୁ ସମ୍ପୂର୍ଣ୍ଣ ନଷ୍ଟ କରିବା ସହିତ ବାଡିରେ ଥିବା କଦଳୀ ଗଛ, ପନିପରିବା ନଷ୍ଟ କରି ଦେଇଛନ୍ତି। ପ୍ରେମଚାନ୍ଦ ସ୍ଥାନୀୟ ପ୍ରଶାସନ ପାଖରେ ସହାୟତା ପାଇଁ ଗୁହାରୀ କରିଛନ୍ତି I ଅପରପକ୍ଷେ, ହାତୀପଲର ଉପସ୍ଥିତି ଯୋଗୁଁ ଅଞ୍ଚଳବାସୀ ଭୟଭୀତ ଅବସ୍ଥାରେ ଅଛନ୍ତି। ବନବିଭାଗ ଏ ଦିଗରେ ପଦକ୍ଷେପ ନେବା ପାଇଁ ଦାବି କରିଛନ୍ତି ଲୋକେ।