ନୂଆଦିଲ୍ଲୀ ୧୬/୦୫: ସମାନ ଟାଇଟଲରେ ଅନେକ ଫିଲ୍ମ ନିର୍ମିତ ହୋଇଛି, ଯାହା ଆଜିକାଲି ଖୁବ୍ କମ୍ ଦେଖିବାକୁ ମିଳୁଛି। କିନ୍ତୁ, ଏହା ୮୦ ଏବଂ ୯୦ ଦଶକରେ ଏହା ଏକ ସାଧାରଣ କଥା ଥିଲା। ଦକ୍ଷିଣ ଭାରତୀୟ ଫିଲ୍ମଗୁଡ଼ିକ ହିନ୍ଦୀରେ ରିମେକ୍ କରାଯାଉଥିଲା, ଏପରିକି ତାହାର ଟାଇଟଲ ବି ସମାନ ବ୍ୟବହାର କରାଯାଉଥିଲା। ବଲିଉଡ୍ ଏହା ଅନେକ ଥର କରିଛି। ଏପରି ଦେଖିବାକୁ ଗଲେ ବଲିଉଡ୍ ନିଜ ଦେଶର ଫଲ୍ମ ରିମେକ୍ କରିଛି। କିନ୍ତୁ ଭାରତର ଏପରି କିଛି ଫିଲ୍ମ ଅଛି ଯାହାକୁ ପାକିସ୍ତାନରେ ନକଲ କରାଯାଇଛି। କେବଳ କାହାଣୀ ନୁହେଁ, ଏହାର ଟାଇଟଲ ବି କପି କରାଯାଇଛି। ୧୯୭୮ ମସିହାର ପ୍ରକାଶ ମେହରାଙ୍କ ଦ୍ୱାରା ନିର୍ଦ୍ଦେଶିତ ଏକ ଆକ୍ସନ୍ କ୍ରାଇମ୍ ଡ୍ରାମା ଫିଲ୍ମ । ଏହା ସେହି ବର୍ଷର ସର୍ବାଧିକ ଆୟକାରୀ ବଲିଉଡ୍ ଫିଲ୍ମ ଥିଲା। ଏହା ଦୀପାବଳିରେ ବ୍ଲକବଷ୍ଟର ହିଟ୍ ହୋଇଥିଲା। ତଥାପି, ଛଅ ବର୍ଷ ପରେ, ସମାନ ନାମରେ ଏକ ପାକିସ୍ତାନୀ ଫିଲ୍ମ ରିଲିଜ୍ କରିଥିଲା।
ଆମେ କହୁଥିବା ଫିଲ୍ମଟି ହେଉଛି ଅମିତାଭ ବଚ୍ଚନଙ୍କ ‘ମୁକଦ୍ଦର କା ସିକନ୍ଦର’ । ଯାହା ‘ଶୋଲେ’ ଏବଂ ‘ବବି’ ପରେ ଦଶନ୍ଧିର ତୃତୀୟ ସର୍ବାଧିକ ଆୟକାରୀ ଭାରତୀୟ ଫିଲ୍ମ ଥିଲା। ଏହି ଫିଲ୍ମଟି ବଙ୍ଗଳା ଉପନ୍ୟାସ ଦେବଦାସ ଏବଂ ଫରାସୀ ନାଟକ ‘ସାଇରାନୋ ଡି ବର୍ଗେରାକ୍’ ଦ୍ୱାରା ଅନୁପ୍ରାଣିତ। ଅମିତାଭ ବଚ୍ଚନ ଏଥିରେ ବିନୋଦ ଖାନ୍ନା, ରାଖୀ, ରେଖା, ରଞ୍ଜିତ ଏବଂ ଅମଜଦ ଖାନଙ୍କ ସହିତ ମୁଖ୍ୟ ଭୂମିକାରେ ଅଭିନୟ କରିଥିଲେ। କିନ୍ତୁ ଆପଣ ଜାଣନ୍ତି କି ‘ମୁକଦ୍ଦର କା ସିକନ୍ଦର’ ମଧ୍ୟ ୧୯୮୪ ମସିହାରେ ପାକିସ୍ତାନରେ ନିର୍ମିତ ହୋଇଥିଲା? ଇକବାଲ କାଶ୍ମୀରୀଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମଟି ଶେଖ ଇକବାଲ ଏବଂ ଆର୍ଶ ଲଖନଭିଙ୍କ ଦ୍ୱାରା ଲିଖିତ। ଏଥିରେ ମହମ୍ମଦ ଅଲି, ମୁମତାଜ, ବିନ୍ଦିୟା ଏବଂ ସୁଲତାନ ରାହି ମୁଖ୍ୟ ଭୂମିକାରେ ଅଭିନୟ କରିଥିଲେ। ଏହି ପାକିସ୍ତାନୀ ଫିଲ୍ମର ମୁଖ୍ୟ କଥା ହେଉଛି ଏହା ବକ୍ସ ଅଫିସରେ ସିଲଭର୍ ଜୁବଲୀ ହିଟ୍ ହୋଇଥିଲା।
ତେବେ ୧୯୭୮ ମସିହାରେ ନିର୍ମିତ ଭାରତୀୟ ଫିଲ୍ମ ‘ମୁକଦ୍ଦର କା ସିକନ୍ଦର’ ଏକ ଜବରଦସ୍ତ ପ୍ରତିକ୍ରିୟା ପାଇଥିଲା। ପରେ ଏହା ତେଲୁଗୁ ଏବଂ ତାମିଲ ଭାଷାରେ ପୁନଃନିର୍ମାଣ କରାଯାଇଥିଲା। ପ୍ରାୟ ୧ କୋଟି ବଜେଟରେ ନିର୍ମିତ ଏହି ଫିଲ୍ମଟି ୯ କୋଟି ଆୟ କରିଥିଲା, ଯାହା ଆଜି ମଧ୍ୟ ସମସ୍ତଙ୍କ ହୃଦୟରେ ରହିଛି।
ଆହୁରି ପଢ଼ନ୍ତୁ...ମହମ୍ମଦ ରଫିଙ୍କ କଣ୍ଠରେ ଏହି ଗୀତ ଶୁଣି ଭାବ ବିହ୍ୱୋଳ ହୋଇ ଥିଲେ ନେହେରୁ, ତାଙ୍କ ଆଖିରୁ ଆସି ଯାଇଥିଲା ଲୁହ
