କମ୍ପ୍ୟୁଟର, ଲାପଟପ୍ ଏବଂ ମୋବାଇଲ୍ରେ ଦିର୍ଘ ସମୟ କାମ କରିବା ପରେ ଆଖିରେ ଯନ୍ତ୍ରଣା ହେଉଛି କି ? ଏଭଳି ଉପାୟରେ ବଢାନ୍ତୁ ଦୃଷ୍ଟିଶକ୍ତି…
ବର୍ତ୍ତମାନ ସମୟରେ ପିଲା ଠାରୁ ଆରମ୍ଭ କରି ବୟସ୍କ, ବୃଦ୍ଧ ପର୍ଯ୍ୟନ୍ତ ସମସ୍ତଙ୍କ ପାଖରେ ଆଖିର ସମସ୍ୟା ରହିଛି । ଦିର୍ଘ ସମୟ ଧରି ମୋବାଇଲ୍ ଦେଖିବା କିମ୍ବା କମ୍ପ୍ୟୁଟର ସମ୍ମୁଖରେ ବସି ରହିବା ଆଖି ଉପରେ ଖରାପ ପ୍ରଭାବ ପକାଇଥାଏ । ଯେଉଁଥିପାଇଁ ଆଖିରେ ଦୃଷ୍ଟିଶକ୍ତି ମଧ୍ୟ କମିବା ଆରମ୍ଭ କରେ । ଆଉ ଏଥିପାଇଁ କିଛି କମ୍ ବୟସର ପିଲା ମଧ୍ୟ ଚଷମା ବ୍ୟବହାର କରିଥାନ୍ତି କିମ୍ବା ବୟସ ବୃଦ୍ଧି ହେଲେ ଚଷମା ସଂଖ୍ୟା ବୃଦ୍ଧି ପାଇଥାଏ । ଯଦି ଏପରି ଘଟେ ତେବେ, ଏଭଳି ପରିସ୍ଥିତିରେ ଆମେ ସ୍ବାଭାବିକ ଭାବରେ କିପରି ଦୃଷ୍ଟି ଶକ୍ତି ବୃଦ୍ଧି କରିପାରିବା ? ଆସନ୍ତୁ ଜାଣିବା ଦୃଷ୍ଟିଶକ୍ତି ବଢାଇବାର ୫ଟି ଉପାୟ । ଯାହା ଦ୍ବାରା ଦୃଷ୍ଟିଶକ୍ତି ବୃଦ୍ଧି ହୋଇ ପାରିବ ।
ଯେତେବେଳେ ଆପଣଙ୍କର ଆଖିରେ ଜ୍ବଳନ ଆସୁଛି କିମ୍ବା କଷ୍ଟ ଅନୁଭବ କରୁଛନ୍ତି, ତୁରନ୍ତ ଆଖିକୁ ଥଣ୍ଡା ପାଣିରେ ଧୋଇ ଦିଅନ୍ତୁ । ଏହା କରିବା ଦ୍ୱାରା ଆଖିର ମାଂସପେଶୀକୁ ଆରାମ ମିଳିଥାଏ ।
ଯଦି ଆପଣ ଖରା, ଧୂଳି କିମ୍ବା ପ୍ରଦୂଷିତ ପରିବେଶରେ ଯାଉଛନ୍ତି, ତେବେ ଆପଣ ସନ୍ ଗ୍ଲାସ ବ୍ୟବହାର କରିବା ଉଚିତ୍ । ଆପଣ ରାତି ସମୟରେ ଆଣ୍ଟି ଗ୍ଲେୟର ଗ୍ଲାସ୍ ପିନ୍ଧିପାରିବେ । ଏହା କରିବା ଦ୍ୱାରା ଆଖିକୁ ସୁରକ୍ଷା ମିଳିଥାଏ ।
ଯଦି ଆପଣ ଦୀର୍ଘ ସମୟ ଧରି କମ୍ପ୍ୟୁଟର, ଲାପଟପ୍ କିମ୍ବା ମୋବାଇଲକୁ ଦେଖୁଛନ୍ତି, ତେବେ ଏଥିରୁ ବାହାରୁଥିବା ଆଲୋକ ଦୃଷ୍ଟି ଶକ୍ତି ହ୍ରାସ କରିପାରେ । ଏପରି ପରିସ୍ଥିତିରେ, ଆପଣ ଏହି ଅନାବଶ୍ୟକ ଜିନିଷଗୁଡିକ ବ୍ୟବହାର କରିବା ଠାରୁ ଦୂରେଇ ରହିବା ଉଚିତ୍ ।
ଯଦି ଆପଣ ଅତ୍ୟଧିକ ଆଲୋକ ଥିବା ଏକ ଲ୍ୟାମ୍ପ ସାମ୍ନାରେ ପାଠ ପଢୁଛନ୍ତି କିମ୍ବା ବହୁତ କମ୍ ଆଲୋକରେ ପଢୁଛନ୍ତି, ତେବେ ଏହା ଆପଣଙ୍କ ଆଖି ଉପରେ ଅଧିକ ଚାପ ପକାଇଥାଏ ଏବଂ ଦୃଷ୍ଟିଶକ୍ତିକୁ ମଧ୍ୟ ପ୍ରଭାବିତ କରିଥାଏ, ତେଣୁ ସର୍ବଦା ଏକ ସମାନ୍ତରାଳ ଆଲୋକରେ ଅଧ୍ୟୟନ କରିବା ଉଚିତ୍ ।
ତେବେ ଦୃଷ୍ଟି ଶକ୍ତି ବଢାଇବା ପାଇଁ, ଆମେ ସୁସ୍ଥ ଖାଦ୍ୟ ଗ୍ରହଣ କରିବା ଉଚିତ । ଏଥିରେ ଭିଟାମିନ୍ ଏ ଏବଂ ବିଟା-କାରୋଟିନରେ ଭରପୁର ଜିନିଷ ଖାଦ୍ୟରେ ଅନ୍ତର୍ଭୁକ୍ତ କରିବା ଉଚିତ୍ । ଯେପରି ଅଳସୀ ମଞ୍ଜି, ଗାଜର, ପାଳଙ୍ଗ ଏବଂ ଅନ୍ୟା କିଛି ।
