ବାରିପଦା, ୧୬।୪ : ଶିମିଳିପାଳ ଅଭୟାରଣ୍ୟ ଅନ୍ତର୍ଗତ ପିଠାବଟା ଉତ୍ତର ବନ୍ୟଜୀବ ପରିସରରୁ ଜଣେ ଶିକାରୀ ଗିରଫ ହୋଇଛି। ବାଲିଡିହା ବିଟ୍ ଭିତରେ ଅନୁପ୍ରବେଶକାରୀ ଏକ ଶିକାରୀକୁ ଗିରଫ କରାଯାଇଛି। ଗିରଫ ହୋଇଥିବା ବ୍ୟକ୍ତି ହେଉଛନ୍ତି କୁଳିଅଣା ଥାନା ଅନ୍ତର୍ଗତ ଆସନବଣି ଗ୍ରାମର ଭଗବତ୍ ମାର୍ଣ୍ଡି।
ବିଶେଷ ଗୁପ୍ତଚର ସୂଚନା ଆଧାରରେ ରେଞ୍ଜ ଅଫିସରଙ୍କ ନେତୃତ୍ୱରେ ପରିସର କର୍ମଚାରୀ ମାନେ ରୁଟିନ୍ ପ୍ରହରୀ କରୁଥିଲେ। ଏହି ସମୟରେ ଅଭୟାରଣ୍ୟ ଭିତରେ ଏକ ଗୁଳି ଶବ୍ଦ ଶୁଣାଯାଇଥିଲା। ଅଭୟାରଣ୍ୟ ଭିତରେ ଆଲୋକ ଦେଖାଯାଇଥିଲା। ତଦନ୍ତ କରି କର୍ମଚାରୀ ମାନେ ଜଣେ ବ୍ୟକ୍ତିଙ୍କୁ ଧରିଥିଲେ। ତାଙ୍କ ପାଖରୁ ଏକ ଦେଶୀ ବନ୍ଧୁକ, ୧୪ଟି ସାଇକେଲ୍ ବଲ୍, ୧୨ଟି ଲେଡ୍ ବଲ୍, ପ୍ରାୟ ୫ ଗ୍ରାମ କଳା ବାରୁଦ, ପ୍ରାୟ ୫ ଗ୍ରାମ ଧଳା ବାରୁଦ, ଏକ ହଳଦିଆ ପ୍ଲାଷ୍ଟିକ୍ ବ୍ୟାଗ୍, ମାଂସ ଓ ଅନ୍ୟାନ୍ୟ ସାମଗ୍ରୀ ଜବତ୍ କରିଥିଲା। କୁଳିଅଣା ଥାନା ଅନ୍ତର୍ଗତ ଆସନବଣି ଗ୍ରାମର ଭଗବତ୍ ମାର୍ଣ୍ଡିଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଘଟଣାର ଅଧିକ ତଦନ୍ତ ଜାରି ରହିଛି।
