ପ୍ରମୁଖ ଖବର
  • ଭୁବନେଶ୍ୱର : ବିଜେଡି ଛାଡ଼ିଲେ ଦେବାଶିଷ ନାୟକ । ପୂର୍ବତନ ବରୀ-ଡେରାବିସ୍ ବିଧାୟକ
  • ||
  • ୩୪ ନୂଆ ଏନ୍‌ଏସି ଘୋଷଣାରେ ଲୋଇସିଂହା ବାଦ୍, ୧୨ ଘଣ୍ଟିଆ ବନ୍ଦ ଡାକରା
  • ||
  • ମାଲକାନଗିିରି: ଛତିଶଗଡ଼ କାଙ୍କେରରେ ଏନ୍‌କାଉଣ୍ଟର, ଯବାନଙ୍କ ଗୁଳିରେ ୩ ମାଓବାଦୀ ନିହତ
  • ||
  • ବାଲିପାଟଣା ଥାନା ଭିତରେ ଯୁବକଙ୍କୁ ଛେଚିଲେ, ୨ ଅଭିଯୁକ୍ତଙ୍କୁ କାବୁ କଲା ପୋଲିସ
  • ||
  • ଚିଲିକା ମଝିରେ ଫସିଲା ଯାତ୍ରୀବାହୀ ଡଙ୍ଗା, ୧୦ ବାଇକ ସହ ୩୦ ଯାତ୍ରୀ ଫସିଲେ
  • ||
  • ଯୁକ୍ତ ୨ ପରୀକ୍ଷା ପଦାର୍ଥ ବିଜ୍ଞାନ ପ୍ରଶ୍ନପତ୍ରରେ ତ୍ରୁଟି: ୭୦ ମାର୍କର ପରୀକ୍ଷାରେ ୨୭ ମାର୍କର ସିଲାବସ୍‌ ବାହାର ପ୍ରଶ୍ନ
  • ||
  • ଡବ୍ଲ୍ୟୁପିଏଲ୍‌- ୨୦୨୪: ରୋମାଞ୍ଚକ ମୁକାବିଲା, ୟୁପି ୱାରିୟର୍ସଠୁ ୨ରନ୍‌ରେ ଜିତିଲା ରୟାଲ୍‌ ଚ୍ୟାଲେଞ୍ଜର୍ସ
  • ||
  • ‘ଦିଲ୍ଲୀ ଚଲୋ’ ସ୍ଥଗିତ ରହିବା ପରେ ଖୋଲିଲା ଦିଲ୍ଲୀ-ହରିଆଣା ସୀମା, ଶମ୍ଭୁ ସୀମାରେ ଚାଷୀଙ୍କ କ୍ୟାଣ୍ଡେଲ୍‌ ଶୋଭାଯାତ୍ରା
  • ||
  • ବାଙ୍ଖିଡି ଛକରେ ମର୍ମନ୍ତୁଦ ଦୁର୍ଘଟଣା, ଗଛରେ ପିଟି ହୋଇ ବାଇକ୍ ଚାଳକ ମୃତ
  • ||
  • ବର୍ଷିଲା ପରେ ଖସିଲା ତାତି: ୨୭ ଯାଏ ବର୍ଷା ସମ୍ଭାବନା, ୧୦ରୁ ଅଧିକ ଜିଲ୍ଲାରେ ପାଗ କୋହଲା
  • ||
  • ଗୁଜରାଟ ଗସ୍ତରେ ପ୍ରଧାନମନ୍ତ୍ରୀ: ଆଜି ‘ସୁଦର୍ଶନ ସେତୁ’ ଲୋକାର୍ପଣ, ସୌରାଷ୍ଟ୍ରକୁ ଦେବେ ୫୨,୨୫୦ କୋଟିର ପ୍ରକଳ୍ପ ଭେଟି
  • ||

୨୦୨୨ ପାଇଁ ICCର ଟି-୨୦ ଟିମ୍‌: ଭାରତରୁ ସର୍ବାଧିକ ୩ ଜଣ ଖେଳାଳି, ପାକିସ୍ତାନରୁ…

ନୂଆଦିଲ୍ଲୀ ୨୩/ ୦୧: ଅନ୍ତର୍ଜାତୀୟ କ୍ରିକେଟ୍‌ ପରିଷଦ (ICC) ପକ୍ଷରୁ ସୋମବାର ୨୦୨୨ ବର୍ଷ ପାଇଁ ଟ୍ବେଣ୍ଟି ଟ୍ବେଣ୍ଟି ଟିମ୍‌ ବା ବିଶ୍ବ ଏକାଦଶ ଘୋଷଣା କରାଯାଇଛି । ଯେଉଁଥିରେ ୩ ଜଣ ଭାରତୀୟଙ୍କୁ ସାମିଲ କରିଛି ଆଇସିସି । ୩ ଭାରତୀୟ ବିରାଟ କୋହଲି, ସୂର୍ଯ୍ୟକୁମାର ଯାଦବ ଏବଂ ହାର୍ଦ୍ଧିକ ପାଣ୍ଡ୍ୟା । ଗତ ବର୍ଷ ଟ୍ବେଣ୍ଟି ଟ୍ବେଣ୍ଟି ବିଶ୍ବକପରେ ଇଂଲଣ୍ଡର ଅଧିନାୟକ ଭାର ସମ୍ଭାଳିଥିବା ଜୋସ୍‌ ବଟଲରଙ୍କୁ ICC ଅଧିନାୟକ ଭାବେ ନେଇଛି । ୨୦୨୨ରେ ଦମଦାର ପ୍ରଦର୍ଶନ କରିଥିବା ଖେଳାଳିମାନଙ୍କୁ ଆଇସିସି ବିଶ୍ବର ଶ୍ରେଷ୍ଠ ଏକାଦଶରେ ସାମିଲ କରିଛି ।

ଆଇସିସି ଟ୍ବେଣ୍ଟି ଟ୍ବେଣ୍ଟି ଟିମ୍‌-୨୦୨୨ରେ ଭାରତରୁ ସର୍ବାଧିକ ୩ ଜଣ ଖେଳାଳି ରହିଛନ୍ତି । ସେହିଭଳି ପାକିସ୍ତାନ ଓ ଇଂଲଣ୍ଡରୁ ୨ ଜଣ ଲେଖାଏଁ ରହିଥିବା ବେଳେ ନ୍ୟୁଜିଲାଣ୍ଡ, ଆୟର୍ଲାଣ୍ଡ, ଜିମ୍ବାଓ୍ବେ ଏବଂ ଶ୍ରୀଲଙ୍କାରୁ ଜଣେ ଲେଖାଏଁ କ୍ରିକେଟର ବିଶ୍ବ ଏକାଦଶରେ ରହିଛନ୍ତି । କୋହଲିଙ୍କୁ ସାମିଲ କରିବା ନେଇ ଆଇସିସି କହିଛି ଯେ, ୨୦୨୨ରେ ବିରାଟ କୋହଲି ତାଙ୍କ ପୁରୁଣା ଫର୍ମକୁ ଫେରିଥିଲେ । ଏସିଆ କପ୍‌ରେ ପୁରୁଣା ଅନ୍ଦାଜରେ ନଜର ଆସିଥିଲେ । ୫ଟି ମ୍ୟାଚ୍‌ରୁ ୨୭୬ ରନ କରିଥିଲେ ବିରାଟ କୋହଲି । ୩ ବର୍ଷ ଧରି ଜାରି ରଖିଥିବା ସଂଘର୍ଷରେ ବିରାମ ଲଗାଇ ଦମଦାର ଫର୍ମକୁ ଫେରିଥିଲେ ରନ୍‌ ମେସିନ୍‌ ।

ସେହିଭଳି ଟ୍ବେଣ୍ଟି ଟ୍ବେଣ୍ଟି ବିଶ୍ବକପ୍‌ରେ ମଧ୍ୟ ସ୍ମରଣୀୟ ଇନିଂସ ଖେଳିଥିଲେ କୋହଲି ଯାହାକି ପ୍ରତିଟି ଭାରତୀୟ କ୍ରିକେଟ ପ୍ରେମୀଙ୍କ ମନରେ ଚୀରଦିନ ପାଇଁ ରହିବ । ପାକିସ୍ତାନ ବିପକ୍ଷରେ କୋହଲି ଖେଳିଥିବା ୮୨ ରନର ନଟଆଉଟ୍‌ ଇନିଂସ କ୍ରିକେଟ ଇତିହାସରେ ସ୍ବର୍ଣ୍ଣିମ ଅଧ୍ୟାୟ ହୋଇ ରହିବ । ଗତ ବିଶ୍ବକପରେ କୋହଲି ମୋଟ ୨୯୬ ରନ କରିଥିଲେ ଯାହାକି ସର୍ବାଧିକ ଥିଲା ।

ସେହିଭଳି ସୂର୍ଯ୍ୟକୁମାର ଯାଦବ ମଧ୍ୟ ୨୦୨୨ ସିିଜିନରେ ବିଶ୍ବରେ ସର୍ବାଧିକ ରନ୍‌ ସ୍କୋରର ରହିଥିଲେ । ଗତ ବର୍ଷ ମୋଟ ୧୧୬୪ ରନ କରିଥିଲେ ସ୍କାଏ । ଟ୍ବେଣ୍ଟି ଟ୍ବେଣ୍ଟି ବିଶ୍ବକପରେ ସୂର୍ଯ୍ୟ ୧୮୯.୬୮ ଷ୍ଟ୍ରାଇକ୍‌ ରେଟ୍‌ରେ ମୋଟ ୨୩୯ ରନ କରିଥିଲେ । ଯାହାର ପୁରସ୍କାର ସ୍ବରୂପ ଟ୍ବେଣ୍ଟି ଟ୍ବେଣ୍ଟି ଫର୍ମାଟରେ ସୂର୍ଯ୍ୟକୁମାର ଯାଦବ ଏବେ ନମ୍ବର ଓ୍ବାନ୍‌ ବ୍ୟାଟର୍‌ର ଆକ୍ଷା ଅର୍ଜନ କରିଛନ୍ତି ।

ICC ଚୟନ କରିଥିବା ଟି-୨୦ ବିଶ୍ବ ଏକାଦଶ: ଜୋସ୍‌ ବଟଲର (ଅଧିନାୟକ) (ଇଂଲଣ୍ଡ), ମହମ୍ମଦ ରିଜଓ୍ବାନ୍‌ (ପାକିସ୍ତାନ), ବିରାଟ କୋହଲି (ଭାରତ), ସୂର୍ଯ୍ୟକୁମାର ଯାଦବ (ଭାରତ), ଗ୍ଲେନ୍‌ ଫିଲିପ୍ସ (ନ୍ୟୁଜିଲାଣ୍ଡ), ସିକନ୍ଦର ରାଜା (ଜିମ୍ବାଓ୍ବେ), ହାର୍ଦ୍ଧିକ ପାଣ୍ଡ୍ୟା (ଭାରତ), ସାମ୍‌ କରନ୍‌ (ଇଂଲଣ୍ଡ), ଓ୍ବାନିନ୍ଦୁ ହାସାରଙ୍ଗା (ଶ୍ରୀଲଙ୍କା), ହାରିସ୍‌ ରୌଫ୍‌ (ପାକିସ୍ତାନ), ଜୋସ୍‌ ଲିଟିଲ୍‌ (ଆୟର୍ଲାଣ୍ଡ)

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.