ନୂଆଦିଲ୍ଲୀ: ଯଦି ଆପଣ ବିମାନରେ ଯାତ୍ରା କରିବାକୁ ଯାଉଛନ୍ତି, ତେବେ ଆପଣଙ୍କୁ ନୂତନ ନିର୍ଦ୍ଦେଶାବଳୀକୁ ସତର୍କତାର ସହ ଦେଖିବା ଉଚିତ। ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଟ୍ୱିଟ୍ କରି ସୂଚନା ଦେଇଛି ଯେ, ସୁରକ୍ଷାକୁ ଦୃଷ୍ଟିରେ ରଖି କ୍ୟାବିନ ବ୍ୟାଗେଜରେ କିଛି ଘରୋଇ ଜିନିଷ ନେବା ଏବେ ନିଷେଧ। ଏହି ପ୍ରତିବନ୍ଧକଗୁଡ଼ିକ ଏକ ବ୍ୟାପକ ବର୍ଗୀକରଣ ବ୍ୟବସ୍ଥା ଅଧୀନରେ ଆସେ ଯାହା ଜିନିଷଗୁଡ଼ିକୁ ଆଠଟି ବର୍ଗରେ ବିଭକ୍ତ କରେ । ସେଥିମଧ୍ୟରେ ଅସ୍ତ୍ରଶସ୍ତ୍ର ଏବଂ ପ୍ରତିକୃତି, ବିସ୍ଫୋରକ, ବିପଦପୂର୍ଣ୍ଣ ଜିନିଷ, ଉପକରଣ, ଇଲେକ୍ଟ୍ରୋନିକ୍ ଜିନିଷ, କିଛି ଘରୋଇ ଜିନିଷ ଏବଂ କ୍ରୀଡା ସାମଗ୍ରୀ ସାମିଲ।
ଯାତ୍ରୀମାନଙ୍କୁ ପରାମର୍ଶ ଦିଆଯାଇଛି ଯେ, ଯାତ୍ରୀମାନେ ବିସ୍ତୃତ ବ୍ୟାଗେଜ ନିର୍ଦ୍ଦେଶାବଳୀକୁ ଭଲଭାବରେ ସମୀକ୍ଷା କରନ୍ତୁ । ଆପଣଙ୍କୁ ପ୍ରତ୍ୟେକ ବର୍ଗ ଅଧୀନରେ କ'ଣ ବହନ କରିବାକୁ ଅନୁମତି ଅଛି ଏବଂ କ'ଣ ଅନୁମତି ନାହିଁ ଜାଣିବାକୁ ପଡ଼ିବ । ଉଦାହରଣ ସ୍ୱରୂପ, ଆପଣ ଆଉ ଲଙ୍କା ଆଚାର, ନଡ଼ିଆ, ନଡ଼ିଆ ପାଉଡର, କୌଣସି ପ୍ରକାରର ରଶି, ସେଲୋ ଟେପ୍ ନେଇପାରିବେ ନାହିଁ। ୧୬ଟି ଘରୋଇ ପଦାର୍ଥ ଉପରେ ଏବେ ବ୍ୟାନ ଲାଗିଛି ।
ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଅନୁଯାୟୀ, ଆପଣ ଏବେ କ୍ୟାବିନ ବ୍ୟାଗେଜରେ ନଡ଼ିଆ, ନଡ଼ିଆ ପାଉଡର, ସିଗାର କଟର, କଇଁଚି, ନାଇଟ୍-ଷ୍ଟିକ୍, ରଶି, ମାପ ଟେପ୍, ରେଜର, ଛତା ଏବଂ ବୁଣା ଛୁଞ୍ଚି ନେଇପାରିବେ ନାହିଁ । ଏହି ନିଷିଦ୍ଧ ଜିନିଷଗୁଡ଼ିକ ସାଧାରଣତଃ ଘରେ ବ୍ୟବହୃତ ହୁଏ। ସେଥିପାଇଁ ଆପଣ ଆପଣଙ୍କର କ୍ୟାବିନ ବ୍ୟାଗେଜ ଯାଞ୍ଚ କରିବା ଉଚିତ। ଯଦି ଯାଞ୍ଚ ସମୟରେ ଏପରି କୌଣସି ଜିନିଷ ମିଳେ, ତେବେ ଆପଣ ଅସୁବିଧାରେ ପଡ଼ିପାରନ୍ତି।
