PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଜେବି କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର
  • ||
  • ୨୦୨୨-୨୩ ବଜେଟ୍‌ : ଶିକ୍ଷା ଓ ଦକ୍ଷତା ବିକାଶ କ୍ଷେତ୍ର ପାଇଁ ୨୭,୩୨୪କୋଟି ଟଙ୍କା ଆବଣ୍ଟନ
  • ||
  • ଉଦୟପୁର ହତ୍ୟାକାଣ୍ଡ ଘଟଣା : କୋର୍ଟ ୪ ଅଭିଯୁକ୍ତଙ୍କୁ ୧୦ଦିନର NIA ରିମାଣ୍ଡରେ ପଠାଇଲେ
  • ||
  • ଭୁବନେଶ୍ବର ପରେ କଟକରେ ମାସ୍କ ପିନ୍ଧିବା ବାଧ୍ୟତାମୂଳକ
  • ||
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ଆଇଆଇଏମ୍‌ସି କନେକ୍ସନ- ୨୦୧୯: ପୁରାତନ ଛାତ୍ରଛାତ୍ରୀଙ୍କୁ ମିଳିବ ଚିକିତ୍ସା ସହାୟତା

ଭୁବନେଶ୍ୱର,୫ା୩(ବ୍ୟୁରୋ): ଭାରତୀୟ ଜନସଞ୍ଚାର ସଂସ୍ଥାନ(ଆଇଆଇଏମ୍‌ସି) ପୁରାତନ ଛାତ୍ରଛାତ୍ରୀଙ୍କୁ ଏଣିକି ଜରୁରୀକାଳୀନ ଚିକିତ୍ସା ସହାୟତା ମିଳିବ । ଆଇଆଇଏମ୍‌ସି ଆଲମିନି ଆସୋସିଏସନ୍‌ର କେନ୍ଦ୍ରୀୟ କମିଟି ଏହି ନିଷ୍ପତ୍ତି ନେଇଛି । ଏଥିପାଇଁ ବାର୍ଷିକ ପାଣ୍ଠିର ବ୍ୟବସ୍ଥା କରାଯାଇଛି । ଏହି ପାଣ୍ଠିରୁ ଜରୁରୀ ଚିକିତ୍ସା ଲୋଡୁଥିବା ପୁରାତନ ଛାତ୍ରଛାତ୍ରୀଙ୍କୁ ତତ୍କାଳ ସହାୟତା ଯୋଗାଇ ଦିଆଯିବ । ରବିବାର ଭୁବନେଶ୍ୱରରେ ଆୟୋଜିତ ଆଇଆଇଏମ୍‌ସି କନେକ୍ସନ୍‌- ୨୦୧୯ ଅବସରରେ ଏଭଳି ଘୋଷଣା କରାଯାଇଛି । ଏଥିପାଇଁ ପୁରାତନ ଛାତ୍ରଛାତ୍ରୀଙ୍କୁ କୌଣସି ସ୍ୱତନ୍ତ୍ର ବୀମା କରିବାକୁ ପଡ଼ିବନି । ଆସୋସିଏସନ୍‌ ପାଖରେ ଖବର ପହଞ୍ଚିବା ମାତ୍ରେ ସହାୟତା ଯୋଗାଇ ଦିଆଯିବ ବୋଲି କେନ୍ଦ୍ରୀୟ କମିଟିର ସଂଗଠନ ସମ୍ପାଦକ ରିତେଶ୍‌ ବର୍ମା ସୂଚନା ଦେଇଛନ୍ତି । ଏଥିସହ ଆଇଆଇଏମ୍‌ସିରେ ପଢୁଥିବା ଛାତ୍ରଙ୍କୁ ସ୍ୱତନ୍ତ୍ର ବୃତ୍ତି ଦେବାକୁ ମଧ୍ୟ ନିଷ୍ପତ୍ତି ହୋଇଛି । ପ୍ରଥମେ ଆଇଆଇଏମ୍‌ସି ଢ଼େଙ୍କାନାଳ ପରିସରରେ କନେକ୍ସନ-୨୦୧୯ ଆୟୋଜିତ ହୋଇଥିଲା । ଏ ଅବସରରେ ଭାରତ ଭୂଷଣ ପରିଡ଼ାଙ୍କୁ ପ୍ରଫେସର ଚିନ୍ତାମଣି ମହାପାତ୍ର ସମ୍ମାନ, ସ୍ୱପ୍ନିଲ ଜୋଗଲକରଙ୍କୁ ପ୍ରଫେସର ବିବି ମହାନ୍ତି ସମ୍ମାନ ଓ ପ୍ରିୟଙ୍କା ଯୋଶୀଙ୍କୁ ପ୍ରଫେସର କେଏମ୍‌ ଶ୍ରୀବାସ୍ତବ ସମ୍ମାନ ଦିଆଯାଇଥିଲା । କାର୍ଯ୍ୟକ୍ରମରେ ଆଇଆଇଏମ୍‌ସି ନିର୍ଦ୍ଦେଶକ ମୃଣାଳ ଚାଟାର୍ଜୀ ଉପସ୍ଥିତ ଥିଲେ । ଆଇଆଇଏମ୍‌ସିର ଛାତ୍ରଛାତ୍ରୀ ଓ ପୁରାତନ ଛାତ୍ରଛାତ୍ରୀ ଏଥିରେ ସାମିଲ ହୋଇଥିଲେ । ସନ୍ଧ୍ୟାରେ ଭୁବନେଶ୍ୱରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ସାମ୍ବାଦିତକା କ୍ଷେତ୍ରରେ ଅବଦାନ ପାଇଁ ୯ ଜଣ ପୁରାତନ ଛାତ୍ରଛାତ୍ରୀଙ୍କୁ ଇଫ୍‌କୋ ଆଇଆଇଏମସିଏଏ ପୁରସ୍କାର ଦିଆଯାଇଥିଲା । କାର୍ଯ୍ୟନିର୍ବାହୀ ସଭାପତି ରିତେଶ ଆନନ୍ଦ୍‌, ୟୁପି ଚାପ୍ଟରର ସଂଗଠନ ସମ୍ପାଦକ କମଲେଶ ରାଠୋର୍‌, କେନ୍ଦ୍ରୀୟ କମିଟି ସଦସ୍ୟ ସ୍ନେହା ଭଟ୍ଟାଚାର୍ଯ୍ୟ ଓ ଦୀକ୍ଷା ସକ୍ସେନା ପ୍ରମୁଖ ଉପସ୍ଥିତ ଥିଲେ । ଉଭୟ କାର୍ଯ୍ୟକ୍ରମରେ ଆଇଆଇଏମସିଏ ଓଡ଼ିଶା ଚାପ୍ଟରର ସଭାପତି ସଞ୍ଜୟ ସାହୁ ସଭାପତିତ୍ୱ କରିଥିଲେ । ଶେଷରେ ସାଧାରଣ ସମ୍ପାଦକ ଜ୍ୟୋତିପ୍ରକାଶ ମହାପାତ୍ର ଧନ୍ୟବାଦ ଦେଇଥିଲେ ।