ନୂଆଦିଲ୍ଲୀ: ଭାରତୀୟ ପ୍ରଯୁକ୍ତିବିଦ୍ୟା ସଂସ୍ଥାନ (IIT) ମାଡ୍ରାସର କମ୍ପ୍ୟୁଟର ବିଜ୍ଞାନ ଏବଂ ଇଞ୍ଜିନିୟରିଂ ବିଭାଗର ସହକାରୀ ପ୍ରଫେସର ମିତେଶ ଖାପ୍ରାଙ୍କୁ ଟାଇମ୍ ମାଗାଜିନ୍ର ୨୦୨୫ ତାଲିକାରେ ଏଆଇ (AI) କ୍ଷେତ୍ରରେ ୧୦୦ ଜଣ ବଳିଷ୍ଠ ବିଶେଷଜ୍ଞଙ୍କ ତାଲିକାରେ ସାମିଲ କରାଯାଇଛି।
ପ୍ରଯୁକ୍ତିବିଦ୍ୟା କ୍ଷେତ୍ରରେ ପ୍ରମୁଖ ଅନ୍ତର୍ଜାତୀୟ ସ୍ୱୀକୃତି ମଧ୍ୟରୁ ଗୋଟିଏ ଭାବରେ ବିବେଚିତ ଏହି ତାଲିକାରେ ଶିକ୍ଷାବିତ୍, ଉଦ୍ୟୋଗୀ, ନୀତି ନିର୍ଦ୍ଧାରକ ଏବଂ ଏଆଇ (AI)ର ଭବିଷ୍ୟତ ଗଠନ କରୁଥିବା ବ୍ୟବସାୟିକ ନେତା ମାନଙ୍କୁ ସ୍ଥାନ ଦିଆଯାଇଛି। ଖାପ୍ରାଙ୍କ ଏହି ସାମିଲ ତାଙ୍କୁ OpenAI ମୁଖ୍ୟ କାର୍ଯ୍ୟନିର୍ବାହୀ ସାମ ଅଲ୍ଟମ୍ୟାନ୍, ମେଟା ପ୍ରତିଷ୍ଠାତା ମାର୍କ ଜୁକରବର୍ଗ ଏବଂ xAI ମୁଖ୍ୟ ଏଲୋନ୍ ମସ୍କଙ୍କ ପରି ବ୍ୟକ୍ତିବିଶେଷଙ୍କ ସହ ସ୍ଥାନ ଦେଇଛି।
ବହୁରାଷ୍ଟ୍ରୀୟ ପ୍ରଯୁକ୍ତିବିଦ୍ୟା କମ୍ପାନୀ ଗୁଡ଼ିକର ନେତୃତ୍ୱ ନେଉଥିବା ତାଲିକାରେ ଥିବା ଅନ୍ୟ ନାମ ଗୁଡ଼ିକ ପରି ନୁହେଁ, ଖାପ୍ରାଙ୍କୁ ମୁଖ୍ୟତଃ ତାଙ୍କ ଶିକ୍ଷାଗତ କାର୍ଯ୍ୟ ପାଇଁ ସ୍ୱୀକୃତି ଦିଆଯାଇଛି । ତାଙ୍କର ଗବେଷଣା ପ୍ରାକୃତିକ ଭାଷା ପ୍ରକ୍ରିୟାକରଣ ଏବଂ ମେସିନ୍ ଶିକ୍ଷଣ ଉପରେ ଧ୍ୟାନ ଦେଇଛି । ବିଶେଷକରି ଭାରତୀୟ ଭାଷା ପାଇଁ ଓପନ୍ ସୋର୍ସ ଉପକରଣ ଏବଂ ଡାଟାସେଟ୍ ବିକାଶ।
ଖାପ୍ରା AI4 Bharat ସହ-ପ୍ରତିଷ୍ଠା କରଥିଲେ, ଯାହା ୨୦୧୯ ରେ IIT ମାଡ୍ରାସରେ ଏକ ଗବେଷଣା ପଦକ୍ଷେପ ଥିଲା । ଯାହା ଭାରତର ଭାଷା ପାଇଁ ସାର୍ବଜନୀନ ଭାବରେ ଉପଲବ୍ଧ ଡାଟାସେଟ୍, ମଡେଲ୍ ଏବଂ ଉପକରଣ ନିର୍ମାଣ କରିବା ଲକ୍ଷ୍ୟରେ ଆରମ୍ଭ ହୋଇଥିଲା। ଟାଇମ୍ ଅନୁଯାୟୀ, "ଆଞ୍ଚଳିକ ଭାଷା ପାଇଁ ଭଏସ୍ ଟେକ୍ନୋଲୋଜି ଉପରେ କାମ କରୁଥିବା ପ୍ରାୟ ପ୍ରତ୍ୟେକ ଭାରତୀୟ ଷ୍ଟାର୍ଟଅପ୍ ଖାପ୍ରା ଏବଂ ତାଙ୍କ ଦଳ ଦ୍ୱାରା ସୃଷ୍ଟି ହୋଇଥିବା ଡାଟାସେଟ୍ ବ୍ୟବହାର କରନ୍ତି।"
IIT ମାଡ୍ରାସରେ ଯୋଗଦେବା ପୂର୍ବରୁ, ଖାପ୍ରା IBM ରିସର୍ଚ୍ଚ ଇଣ୍ଡିଆରେ କାମ କରିଥିଲେ, ଯେଉଁଠାରେ ତାଙ୍କର ଧ୍ୟାନ ମେସିନ୍ ଏବଂ ଗଭୀର ଶିକ୍ଷା ଉପରେ ଥିଲା। ସେ IIT ବମ୍ବେରୁ ତାଙ୍କର MTech ଏବଂ PhD ଉଭୟ ହାସଲ କରିଛନ୍ତି।
