ଲକ୍ଷ୍ନୌ: ଦିଲ୍ଲୀ ଶ୍ରଦ୍ଧା ହତ୍ୟାକାଣ୍ଡ ଘଟଣାର ବର୍ତ୍ତମାନ ଯାଏ ମଧ୍ୟ ତଦନ୍ତ ପୂରା ହୋଇନି, ଏହାରି ଭିତରେ ସମାନ ଏକ ଘଟଣା ଉତ୍ତର ପ୍ରଦେଶରେ ଘଟିଛି। ଜଣେ ଯୁବକ ତା’ର ପୂର୍ବତନ ପ୍ରେମିକାଙ୍କୁ ହତ୍ୟା କରି ୬ ଖଣ୍ଡ କରିଛି। ଆଉ ହତ୍ୟା କାଣ୍ଡର କାରଣ ହେଲା ପ୍ରେମିକା ଜଣଙ୍କ ଅନ୍ୟ କାହାକୁ ବିବାହ କରିଥିଲେ।   

ଏନେଇ ପୁଲିସ କହିଛି, ନଭେମ୍ୱର ୧୫ରେ ଏହି ହତ୍ୟାକାଣ୍ଡ ଘଟିଛି। ପୁଲିସ ମୃତଦେହକୁ ଗାଁର ଏକ କୁଅରୁ ବାହାର କରି ଜବତ କରିଛି। ଅଭିଯୁକ୍ତ ଯୁବକ ଜଣଙ୍କ ହେଉଛନ୍ତି ପ୍ରିନ୍ସ  ଯାଦବ। ଏହି ଘଟଣା ସାମ୍ନାକୁ ଆସିବା ପରେ ପୁଲିସ ଶନିବାର ଅଭିଯୁକ୍ତ ପ୍ରିନ୍ସକୁ ଗିରଫ କରିଛି। ହେଲେ ପରେ ଯେତେବେଳେ ପୁଲିସ ମୃତ ମହିଳାଙ୍କ ମୁଣ୍ଡ ଖୋଜିବା ପାଇଁ ଘଟଣାସ୍ଥଳକୁ ଅଭିଯୁକ୍ତକୁ ନେଇଥିଲା, ସେତେବେଳେ ସେ ପଳାଇବା ପାଇଁ ଚେଷ୍ଟା କରିଥିଲା। ଏହି ସମୟରେ ପୁଲିସ ଅଭିଯୁକ୍ତ ଉପରକୁ ଗଳି ଚଳାଇଥିଲା।         

ମୃତ ମହିଳା ଜଣଙ୍କ ଅରାଧନା ବୋଲି ପୁଲିସ କହିଛି। ଆଜମଗଢ଼ ଏସପି ଅନୁରାଗ ଆର୍ଯ୍ୟ କହିଛନ୍ତି, ଅରାଧନାଙ୍କୁ ହତ୍ୟା କରିବା ପାଇଁ  ଅଭିଯୁକ୍ତ ପ୍ରିନ୍ସ  ନିଜର ପରିବାର ସମେତ ଅନେକ ସମ୍ପର୍କୀୟଙ୍କ ସାହାଯ୍ୟ ନେଇଛି। ପ୍ରାଥମିକ ତଦନ୍ତରୁ ଜଣା ପଡ଼ିଛି ଯେ ଅରାଧନାଙ୍କୁ ଅଭିଯୁକ୍ତ ଏଥିପାଇଁ  ହତ୍ୟା କରିଛି, କାରଣ ପ୍ରିନ୍ସ  ସ୍ଥାନରେ ଅନ୍ୟ କାହାକୁ ବିବାହ କରିଥିଲେ ମହିଳା।