ଆପଣଙ୍କର ରହିଛି କି ୟୁରିକ୍ ଏସିଡ୍ ବଢିବାର ସମସ୍ୟା ? ଖାଦ୍ୟରେ ସାମିଲ କରନ୍ତୁ ଏହି ଡ୍ରାଏ ଫ୍ରୁଟ୍

ନୂଆଦିଲ୍ଲୀ ୦୭/୦୨: ଶରୀରରେ ୟୁରିକ୍ ଏସିଡ୍ ବଢିଲେ ଅନେକ ସମସ୍ୟା ଦେଖାଦେଇଥାଏ। ଏହା ଦ୍ୱାରା  ବ୍ୟକ୍ତିକୁ ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡେ। ଯେତେବେଳେ ଆମର କିଡ୍‌ନୀ ସଠିକ୍ ଭାବରେ ୟୁରିକ୍ ଏସିଡ୍ ଫିଲ୍ଟର୍ କରିବାରେ ବିଫଳ ହୁଏ, ଏହି ପଦାର୍ଥ ହାଡର ଗଣ୍ଠିରେ କ୍ରିଷ୍ଟାଲ୍ ସୃଷ୍ଟି କରିବା ଆରମ୍ଭ କରେ। ଯାହା ଦ୍ୱାରା ପାଦ ଫୁଲିଯାଏ ଏବଂ ଗଣ୍ଠିରେ ଯନ୍ତ୍ରଣା ହୁଏ । ଯେତେବେଳେ ଶରୀରରେ ପ୍ୟୁରିନ୍ ସଠିକ୍ ଭାବରେ ହଜମ ହୋଇନଥାଏ, ୟୁରିକ୍ ଏସିଡ୍ ର ସ୍ତର ବଢିବାରେ ଲାଗେ। ଏହି ସମସ୍ୟାରୁ ମୁକ୍ତି ପାଇବା ପାଇଁ ଆମକୁ ଆମର ଦୈନନ୍ଦିନ ଖାଦ୍ୟରେ ପରିବର୍ତ୍ତନ ଆଣିବାକୁ ପଡିବ।

ଗ୍ରେଟର ନୋଏଡାର ଜିଏମ୍ଏସ୍ ହସ୍ପିଟାଲରେ କାର୍ଯ୍ୟରତ ଡାଏଟିସିଆନ୍ ଡକ୍ଟର ଆୟୁଷୀ ଯାଦବଙ୍କ ଅନୁଯାୟୀ, ନିୟମିତ ଭାବେ ଅଖରୋଟ୍ ଖାଇବା ଦ୍ୱାରା ୟୁରିକ୍ ଏସିଡ୍ ସମସ୍ୟା ଦୂର ହୋଇଥାଏ। ଆସନ୍ତୁ ଜାଣିବା ଏବା କିପରି ହୋଇଥାଏ।

ଅଖରୋଟକୁ ଓମେଗା -୩ ର ସମୃଦ୍ଧ ଉତ୍ସ ଭାବରେ ବିବେଚନା କରାଯାଏ। ଏଥିରେ କପର୍, ଫସଫରସ୍, ମ୍ୟାଗ୍ନେସିୟମ୍ ଏବଂ ଭିଟାମିନ୍ B6 ଭଳି ଗୁରୁତ୍ୱପୂର୍ଣ୍ଣ ପୋଷକ ତତ୍ତ୍ୱ ରହିଥାଏ। ଏଥି ସହିତ, ଏହା ଆଣ୍ଟି-ଇନ୍‌ଫ୍ଲାମେଟୋରୀ ଗୁଣରେ ମଧ୍ୟ ଭରପୂର। ଏହି ଶୁଖିଲା ଫଳରେ ସୁସ୍ଥ ପ୍ରୋଟିନ୍ ଥାଏ, ଯାହା ୟୁରିକ୍ ଏସିଡ୍ ଦ୍ୱାରା ସୃଷ୍ଟି ହୋଇଥିବା ଗାଉଟ୍‌କୁ କମ୍ କରିପାରେ। ଯଦି ହାଡର ଗଣ୍ଠିରେ ୟୁରିକ୍ ଏସିଡ୍ କ୍ରିଷ୍ଟାଲ୍ ଜମା ହୋଇଯାଏ, ତେବେ ଅଖରୋଟ ଖାଇବା ଦ୍ୱାରା ଧୀରେ ଧୀରେ ଏହା କମିବାରେ ଲାଗିଥାଏ।

ଯଦି ଆପଣ ପ୍ରତିଦିନ ୩ ରୁ ୪ ମଧ୍ୟମ ଆକାରର ଅଖରୋଟ୍‌ ଖାଆନ୍ତି, ତେବେ ୟୁରିକ୍ ଏସିଡ୍ ହ୍ରାସ କରିବା ସହଜ ହେବ। ଆପଣ ଏହି ଶୁଖିଲା ଫଳକୁ ସିଧାସଳଖ ଖାଇପାରିବେ କିମ୍ବା ଏହାକୁ ସ୍ମୁଥ୍, ଶେକ୍ କିମ୍ବା ସାଲାଡ୍ ଆକାରରେ ଖାଇପାରିବେ। କିଛି ଲୋକ ଅଖରୋଟକୁ ପାଣିରେ ଭିଜାଇ ଖାଇବାକୁ ପସନ୍ଦ କରନ୍ତି, ଏହି ଉପାୟ ମଧ୍ୟ ବହୁତ ପ୍ରଭାବଶାଳୀ ।