IND vs AUS ODI: ଚେନ୍ନାଇର ଏମ.ଏ. ଚିଦାମ୍ବରମ୍ ଷ୍ଟାଡିୟମରେ ଖେଳାଯିବ ତୃତୀୟ ମ୍ୟାଚ୍; ଜାଣନ୍ତୁ ମୈଦାନ ସହିତ ଜଡ଼ିତ କିଛି ଗୁରୁତ୍ବପୂର୍ଣ୍ଣ କଥା
Image Courtesy: IPL T20
ନୂଆଦିଲ୍ଲୀ,୨୦/୦୩: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନକିଆ ସିରିଜର ତୃତୀୟ ତଥା ନିର୍ଣ୍ଣାୟକ ମ୍ୟାଚ୍ ଚେନ୍ନାଇର ଏମ.ଏ.ଚିଦାମ୍ବରମ୍ ଷ୍ଟାଡିୟମରେ ଖେଳାଯିବ। ଗତ ଦୁଇଟି ମ୍ୟାଚରେ ଭାରତ ଏବଂ ଅଷ୍ଟ୍ରେଲିଆ ୧-୧ ମ୍ୟାଚ୍ ଜିତି ସିରିଜରେ ସମାନ ସ୍ଥାନରେ ରହିଛନ୍ତି। ଏଥି ସହିତ, ଟିମ୍ ଇଣ୍ଡିଆ ଏମ.ଏ ଚିଦାମ୍ବରମ୍ ଷ୍ଟାଡିୟମରେ ଏପର୍ଯ୍ୟନ୍ତ ୩୧.୮୨ ପ୍ରତିଶତ ମ୍ୟାଚ୍ ଜିତିଛି। ତେବେ ଆସନ୍ତୁ ଜାଣିବା ଏହି ମୈଦାନ ସହିତ ଜଡିତ କିଛି ଗୁରୁତ୍ବପୂର୍ଣ୍ଣ କଥା…
* ଏହି ଗ୍ରାଉଣ୍ଡରେ ପ୍ରଥମ ଦିନିକିିଆ ମ୍ୟାଚ୍ ୯ ଅକ୍ଟୋବର ୧୯୮୭ ରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା। ଯେଉଁଥିରେ ଅଷ୍ଟ୍ରେଲିଆ ମାତ୍ର ୧ ରନ୍ରେ ଜିତିଥିଲା।
* ଏହି ଗ୍ରାଉଣ୍ଡରେ ଶେଷଥର ପାଇଁ ୧୫ ଡିସେମ୍ବର ୨୦୧୯ରେ ଦିନିକିଆ ମ୍ୟାଚ୍ ଖେଳାଯାଇଥିଲା। ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଖେଳାଯାଇଥିବା ଏହି ମ୍ୟାଚ୍ରେ ୱେଷ୍ଟଇଣ୍ଡିଜ୍ ୮ ୱିକେଟ୍ରେ ଜିତିଥିଲା।
* ଏହି ଗ୍ରାଉଣ୍ଡରେ ଏପର୍ଯ୍ୟନ୍ତ ମୋଟ ୨୨ ଟି ଦିନିକିଆ ଖେଳାଯାଇଛି, ଯେଉଁଥିରେ ଟିମ୍ ଇଣ୍ଡିଆ ୭ ଟି ମ୍ୟାଚ୍ ଏବଂ ବିପକ୍ଷ ଦଳ ୫ ଟି ମ୍ୟାଚ୍ ଜିତିଛି। ଏଥି ସହିତ, ୯ ଟି ମ୍ୟାଚ୍ ବାହାର ଦଳ ଜିତିଛନ୍ତି (ଯେଉଁଥିରେ ଟିମ୍ ଇଣ୍ଡିଆ ସାମିଲ ନଥିଲା) ଏବଂ ଗୋଟିଏ ମ୍ୟାଚରୁ କୌଣସି ଫଳାଫଳ ବାହାରି ନଥିଲା।
* ସୂଚନାଥାଉକି, ପ୍ରଥମେ ବ୍ୟାଟିଂ କରିଥିବା କୌଣସି ବି ଦଳ ୧୩ ଟି ମ୍ୟାଚ୍ ଜିତିଥିବା ବେଳେ ଦ୍ବିତୀୟ ଇନିଂସରେ ବ୍ୟାଟିଂ କରିଥିବା ଦଳ ମୋଟ ୮ଟି ମ୍ୟାଚ୍ ଜିତିଛି।
* ସବୁଠାରୁ ଗୁରୁତ୍ବପୂର୍ଣ୍ଣ ହେଊଛି ଟସ୍। ଟସ୍ ଜିତିଥିବା ଦଳ ମୋଟ ୧୫ ଟି ମ୍ୟାଚ୍ ଜିତିଛନ୍ତି ଏବଂ ଟସ୍ ହରାଇଥିବା ଦଳ ମାତ୍ର ୬ ଟି ମ୍ୟାଚ୍ ଜିତିଛନ୍ତି।
* ଏହି ମୈଦାନରେ ଏସିସି ଏସୀୟ ଏକାଦଶ ୨୦୦୭ରେ ରେ ୩୩୭/୭ ରନ୍ର ଏକ ସର୍ବାଧିକ ସ୍କୋର କରିଥିଲା।
* ଏହି ମୈଦାନରେ ସର୍ବନିମ୍ନ ରନ୍ କେନିଆ କରିଥିଲା। ୨୦୧୧ରେ ନ୍ୟୁଜିଲାଣ୍ଡ ବିପକ୍ଷ ମ୍ୟାଚ୍ରେ ଦଳ ମୋଟ ୬୯ ରନ୍ କରିଥିଲା।
* ଏଠାରେ ପୁର୍ବତନ ପାକିସ୍ତାନୀ ବ୍ୟାଟର୍ ସଇଦ୍ ଅନ୍ଓ୍ବର୍ଙ୍କ ନାଁରେ ସର୍ବାଧିକ ରନ୍ କରିବାର ରେକର୍ଡ ରହିଛି। ସେ ୧୯୯୭ରେ ଭାରତ ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ୧୯୪ ରନ୍ କରିଥିଲେ।
ୱେଷ୍ଟଇଣ୍ଡିଜ୍ ଏହି ଗ୍ରାଉଣ୍ଡରେ ୨ ଓ୍ବିକେଟ ହରାଇ ସର୍ବାଧିକ ୨୯୧ ରନ୍ ସଂଗ୍ରହ କରିଥିଲା। ଭାରତ ବିପକ୍ଷରେ ଖେଳୁଥିବାବେଳେ ୨୦୧୯ରେ ଏହି ସଫଳତା ପାଇଥିଲା ଓ୍ବେଷ୍ଟଇଣ୍ଡିଜ୍। ଯାହାକି ଏହି ଗ୍ରାଉଣ୍ଡରେ ଖେଳାଯାଇଥିବା ଶେଷ ଦିନିକିଆ ମ୍ୟାଚ୍ ଥିଲା।
