ନୂଆଦିଲ୍ଲୀ,୨୫/୦୫: ଭାରତୀୟଙ୍କ ପାଇଁ ଖୁସି ଖବର । ବିକଶିତ ଭାରତ ୨୦୪୭ ଲକ୍ଷ୍ୟରେ ଆଉ ପାଦେ ଆଗେଇଛି ଭାରତ । ବିଶ୍ୱର ସର୍ବବୃହତ ଚତୁର୍ଥ ଅର୍ଥନୈତିକ ଦେଶ ପାଲଟିଲା ଭାରତ । ଜାପାନକୁ ପଛରେ ପକାଇ ପଞ୍ଚମରୁ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି ଇଣ୍ଡିଆ । ଆମେରିକା ଚୀନ ଓ ଜର୍ମାନୀ ପରେ ଭାରତ ୪ର୍ଥ ସ୍ଥାନରେ ରହିଛି । ଆଇଏମ୍ଏଫର ତଥ୍ୟ ଅନୁସାରେ ଭାରତ ଏବେ ଚତୁର୍ଥ ଅର୍ଥନୈତିକ ଦେଶ ହୋଇଛି । ଏ ନେଇ ନୀତି ଆୟୋଗ ସିଇଓ ବିବି ଆର ସୁବ୍ରମଣିୟମ ସୂଚନା ଦେଇଛନ୍ତି । ନୂଆଦିଲ୍ଲୀରେ ଆୟୋଜିତ ଦଶମ ନୀତି ଆୟୋଗ ବୈଠକରେ ଏହି ଖୁସି ଖବର ଶୁଣାଇଛନ୍ତି ।
ଆଇଏମ୍ଏଫ୍ ସିଇଓ କହିଛନ୍ତି , ମୁଁ ଏହା କହିବାକୁ ଯାଉଛି କି ଭାରତ ବିଶ୍ୱର ସର୍ବବୃହତ ଚତୁର୍ଥ ଅର୍ଥନୈତିକ ଦେଶ ପାଲଟିଛି । ଆମ ଅର୍ଥବ୍ୟବସ୍ଥା ୪ ଟ୍ରିଲିୟନ ଆମେରିକୀୟ ଡଲାର ପାର୍ କରିଛି । ଏହା ମୁଁ ନୁହେଁ ବରଂ ଆଇଏମଏଫର ଡାଟା କହୁଛି । ଭାରତ ଏବେ ଜାପାନକୁ ଟପିଛି । କେବଳ ଆମେରିକା, ଚୀନ ଭାରତ ଆଗରେ ରହିଛନ୍ତି । ଯଦି ଏହି ଗତିରେ ଭାରତର ଆର୍ଥିକ ପ୍ରଗତି ଆଗକୁ ବଢେ ତେବେ ଆଗାମୀ ୨ରୁ ୩ ବର୍ଷରେ ବିଶ୍ୱର ତୃତୀୟ ସର୍ବବୃହତ ଅର୍ଥବ୍ୟବସ୍ଥା ହୋଇପାରିବ ।
ଆଇଏଏଫ୍ ବିଶ୍ୱ ଇକୋନୋମିକ୍ ଆଉଟ୍ଲୁକ ରିପୋର୍ଟ ଅନୁସାରେ, ୨୦୨୬ରେ ଭାରତର ଜିଡିପି ପାଖାପାଖି ୪,୧୮୭ ଆରବ ଡଲାର ହେବ । ଜାପାନର ଜିଡିପି ୪,୧୮୬ ହେବ । ୨୦୨୫ରେ ପଞ୍ଚମ ଅର୍ଥନୈତିକ ଦେଶ ଥିଲା ଭାରତ ଏବେ ଚତୁର୍ଥରେ ପହଞ୍ଚିଛି । ଡୋନାଲ୍ଡ ଟ୍ରମ୍ପଙ୍କ ଟାରିଫ୍ ମଧ୍ୟ ଭାରତର ଅର୍ଥନୈତିକ ଅଭିବୃଦ୍ଧିକୁ ରୋକି ପାରିଲା ନାହିଁ । ପାକିସ୍ତାନ ସହିତ ଉତ୍ତେଜନା ମଧ୍ୟ ଭାରତୀୟ ଅର୍ଥନୈତିକ ଅଭିବୃଦ୍ଧି ଉପରେ କୌଣସି ପ୍ରଭାବ ପକାଇ ପାରିନାହିଁ । ବିଶ୍ୱବ୍ୟାଙ୍କରୁ ନେଇ ଆଇଏମଏଫ ପର୍ଯ୍ୟନ୍ତ ସମସ୍ତେ ଭାରତର ଜିଡ଼ିପି ଅଭିବୃଦ୍ଧିକୁ ମାନିଛନ୍ତି ।
